NGA DR. PASHKO R. CAMAJ*/

*Kryetar i Fondacionit Studentor të Vatrës

Fondacioni Arsimor i Vatres aktualisht po pranon aplikime për bursë për vitin akademik 2023-2024. Vatra ka siguruar mbështetje financiare në formën e bursave për qindra studentë shqiptaro-amerikanë për gjashtëdhjetë vite.

Afati i Aplikimit: 20 Prill- 20 Maj 2023.

KRITERET PER TE APLIKUAR:

1. Aplikanti duhet të regjistrohet si student me kohë të plotë në një kolegj / universitet gjatë vitit akademik 2023-2024.

2. Aplikanti duhet të jetë me origjinë shqiptare. Përparësia do t’u jepet anëtarëve të Vatrës dhe fëmijëve / nipërve të tyre.

3. Marrësit e mëparshëm të bursave Vatra kanë të drejtë të ri-aplikojnë për një total prej dy vitesh akademike. Jo më shumë se dy çmime bursash do të jepen për të njëjtin aplikant.

DOKUMENTE TE NEVOJSHME

1. Formulari i aplikimit për bursë (shih shënimin më poshtë)

2. Një transkript zyrtar (i vulosur) nga shkolla juaj (kopjet nuk do të pranohen).

3. Dy letra rekomandimi nga individë që ju njohin të paktën një vit. Një nga rekomandimet duhet të shkruhet nga një profesor, mësues i shkollës së mesme ose këshilltar udhëzues. Letrat duhet të jenë të vulosura dhe të nënshkruara.

4. Një përmbledhje (jo më shumë se një faqe e gjatë) me një seksion mbi aktivitetet jashtëshkollore. (8 ½ x 11).

5. Një deklaratë personale mbi temën e asaj që shpresoni të arrini në fushën tuaj të studimit, të mos kalojë një faqe (8 ½ x 11, me një hapësirë të vetme).

KRITERET E VLERESIMIT

1. Të dhënat akademike

2. Aktivitete jashtëshkollore

3. Letrat e rekomandimit

4. Deklarata personale

Aplikimet e vonuara nuk do të merren parasysh.

AFATI DHE PARAQITJA

Të gjitha dokumentet e kërkuara duhet të dorëzohen deri më datë 20 Maj 2023. Fituesit e çmimeve do të njoftohen përmes postës elektronike deri më datë 10 Qershor 2023.

Aplikantët e interesuar, për çdo paqartësi, ju lutemi dërgoni një email ose shkruani tek Dr. Pashko R. Camaj-Kryetari i Fondacionit Studentor të Vatrës në adresën e mëposhtme:

• Email: prcamaj@gmail.com

• Ju lutem dërgoni zarfin me dokumentet e kërkuara në adresën:

VATRA

(Për: Vatra Education Fund)

2437 Southern Boulevard,

Bronx, New York, 10455-6501

****

SCHOLARSHIP APPLICATION FORM

(Please Type or Print)

First Name:

Last Name:

Mailing Address:

Telephone No:

E-mail Address:

Date of Birth:

Birthplace:

Are you or anyone in your family a member of Vatra? Who?

How did you hear about us?

Scholastic Record

Current College/University:

City, State:

Prior College/University:

City, State:

Undergraduate Degree from:

City, State:

High School:

City, State:

Major Field of Study:

Present Academic Standing.

Circle (Freshman, Sophomore, Junior, Senior, Other):

GPA: _________

Anticipated Graduation Date: ________

Please email this application to: prcamaj@gmail.com

Të dashur bashkëkombas të besimit Ortodoksë

Më lejoni që në emër të Federatës Pan-Shqiptare të Amerikës VATRA, të gjitha degëve dhe strukturave të saj; në emër të familjes sime dhe në emrin tim personal, t’ju uroj përzemërsisht: Gëzuar dhe Përshumëvjet Pashkët.

Ngjallja e Krishtit na fton për një reflektim të thellë në simbolikën hyjnore të kësaj feste madhështore. Pashka na udhëheq drejtë një besimi më të fortë, shprese më të zjarrtë, dashurie plot sakrifica e paqes së qëndrueshme. Jeta është fitimtare mbi vdekjen, drita mbi terrin, parajsa mbi ferrin, ky është thelbi i Pashkëve.

Pashka e këtij viti le të përcjellë për të gjithë ne më shumë optimizëm, shpresë, prosperitet, paqe dhe dashuri për çdo shqiptar anëkënd botës ku jeton e vepron.

Zoti dhashtë bekim, mirësi e mbarësi për familjet tona dhe atdheun tonë.

Zoti ju bekoftë të gjithëve.

Me respekt e gëzim

Kryetari i VATRËS

Elmi BERISHA

Të dashur bashkombas të besimit Katolikë

Më lejoni që në emër të Federatës Pan-Shqiptare të Amerikës VATRA, të familjes sime dhe në emrin tim personal t’ju uroj përzemërsisht: Gëzuar dhe Përshumëvjet Pashkët.

Bekime prej Zotit të gjithësisë të keni ngaherë në familjet tuaja te nderuara e të respektuara. Pashkët, ngjallja e Krishtit, festa më e madhe në besimin e Krishterë, na mbush me gëzim, me forcë, me besim, me shpresë dhe mirësi.

Ngjallja e Krishtit është festë e jetës, festë e së mirës, festë e dritës, festë e dashurisë. Pashka e vitit 2023 le të përcjellë për të gjithë ne më shumë optimizëm, shpresë, prosperitet, paqe dhe dashuri për çdo shqiptar anëkënd botës.

Kjo festë e madhe, qoftë për secilin prej nesh një moment reflektimi, pastrimi e kthese në rrugën e drejtë të arsyes, besimit e shpresës për ditë më të bukura e më të lumtura në jetën tonë, të familjes e kombit tonë.

Zoti ju bekoftë të gjithëve.

Me respekt e gëzim

Kryetari i VATRËS

Elmi BERISHA

Prof.Dr. Zymer Neziri sot më datë 30 mars 2023, ora 6.30 PM do të zhvillojë në Selinë Qëndrore të Federatës Vatra me adresë: 2437 Southern Blvd, Bronx, NY 10458, një ligjӫratӫ me temë: “Eposi i Kreshnikӫve – thesar monumental i trashӫgimisӫ kulturore shqiptare”. Ky prezantim vjen në kuadrin e prezantimit të folkorit shqiptar nga Prof.Neziri në Universitetin e Harvardit dhe në Universitetin Columbia.
Ftohen mediat dhe komuniteti që të marrin pjesë.

Sokol Paja/

New York, 25 Mars 2023 – Federata Pan-Shqiptare e Amerikës VATRA promovoi librin “Diplomacia Ndërkombëtare dhe Çështja e Kosovës 1997-1999” të historianit Dr. Lulzim Nika. Me pjesëmarrjen e studiuesve të historisë, albanologjisë, mediave e veprimtarëve të komunitetit shqiptar në New York e më gjërë, promovimi u kthye në një nderim për kontributin e Shteteve të Bashkuara të Amerikës dhe Ushtrisë Çlirimtare të Kosovës për lirinë dhe pavarësinë e shtetit të Kosovës. Pas ekzekutimit brilant të himnit kombëtar të Shteteve të Bashkuara të Amerikës dhe Republikës së Shqipërisë nga artisti Lek Negri, Kryetari i Vatrës z.Elmi Berisha në fjalën e tij të mirëseardhjes deklaroi se: “Libri i Dr. Lulzim Nika ka një rëndësi të veçantë pasi nxjerr në pah punën e jashtëzakonshme të Shteteve të Bashkuara të Amerikës dhe mërgatës shqiptaro-amerikane në proceset e shtetëzimit të Kosovës. Puna diplomatike e Doktor Rugovës dhe miqve amerikanë të kombit shqiptar patën një rol vendimtar deri në pavarësinë e Republikës së Kosovës. Studimi mbi dokumente arkivore, diplomatike dhe të institucioneve amerikane të sigurisë e bëjnë një studim serioz dhe dinjitoz për historinë moderne të shtetit të Kosovës” tha ndër të tjera kryetari i Vatrës Berisha. Studiuesi Dr. Paulin Marku në fjalën e tij para të pranishmëve u ndal te vlerat studimore, shkencore, diplomatike dhe historike të këtij botimi kaq voluminoz rreth pavarësisë së Kosovës.Historiani Dr. Naim Musliu në fjalën e tij theksoi se Periudha e luftës së Ushtrisë Çlirimtare të Kosovës, si një nga periudhat më të ndritshme të historisë së popullit shqiptar pas pavarësisë së Shqipërisë, është një nga periudhat që më së paku është trajtuar nga historiografia shqiptare. Edhe pse ka botime të caktuara të kësaj periudhe, rreth luftës së Kosovës, por të rralla janë botimet të aspektit diplomatik të Luftës së Kosovës, sidomos të Fuqive të Mëdha si ShBA, BE dhe Rusia. Kryetari i Shoqatës së Shkrimtarëve Shqiptaro-Amerikanë z.Mëhill Velaj në fjalën e tij u ndal te protestat e studentëve vitit 1981, ndarja e Kosovës nga ish -Jugosllavia, lufta e UÇK, nevoja për shkrimin e historisë dhe puna e pa lodhur e mërgatës shqiptaro-amerikane për shtetin e Kosovës. Kandidatja e parë shqiptare për Gjykatëse në Bronx, New York Edit Shkreli pasi mori mbështetjen e Vatrës, në fjalën e saj u shpreh se në garën e saj për institucionet e larta të drejtësisë së shtetit të New York-ut: “Do përpiqem të nderoj kombin tim dhe bashkatdhetarët e mi”. Studiuesi Dr. Lulzim Nika theksoi në promovim se: “Ky libër ka në fokus analizën e politikës ndërkombëtare dhe çështjen e Kosovës të viteve 1997-1999, duke pasur si qëllim kryesor zbardhjen e qëndrimeve të Diplomacisë Ndërkombëtare me ndikim ndaj çështjes së Kosovës mbi bazën e dokumenteve të kohës, ku brenda së cilës përfshihen tri këndvështrime studimore, të tri politikave ndërkombëtare, që kanë të bëjnë me çështjen e Kosovës: politika e SHBA-së, politika e Bashkimit Evropian dhe politika e Rusisë” ndër të tjera tha Dr. Nika. Në përfundim të përurimit Vatra shtroi një koktejl të dhuruar bujarisht nga patrioti Toni Musaj. Federata Pan-Shqiptare e Amerikës Vatra i uron suksese studiuesit Dr. Lulzim Nika në pasurimin e historisë sonë me analiza të tilla mbi politikën ndërkombëtare dhe çështjen e Kosovës.