Familja Pani njofton dhe fton komunitetin shqiptar në Shtetet e Bashkuara të Amerikës për të marrë pjesë në shfaqjen e dokumentarit të RTSH Korça, “Pan patriotizmi Shqiptar”, kushtuar veprimtarit dhe dardharit patriot Sotir Pani si edhe parardhësve të tij, Josif e Vasil Pani. Kjo veprimtari organizohet nga Dardha Society INC dhe sponsorizohet nga Vasil dhe Andrea Pani dhe Bruko Broadcast Radio. Hyrja për publikun është falas. Të ardhurat prej ndonjë dhurate apo donacioni të mundshëm do të përdoren për të realizuar projektet e ardhshme patriotike e komunitare për shqiptarët në Boston. Jeni të ftuar të merrni pjesë në datën 27 Tetor 2024 në orën 12:15 në sallën e katit të poshtëm të St Mary’s Albanian Church në adresën 535 Salisbury St, Worcester, MA, 01609. Pritja fillon në orën 12:15 dhe më pas programi dhe shfaqja e dokumentarit për të gjithë të pranishmit.