ASLLAN BUSHATI
NY, 20 Prill 2022/
Qanë Mziu i Pukës largët
Qanë për birin në New York
Qanë për zemrën e Zef Balës
Që pushoi së rrahuri sot.
Qajnë njujorksit me rrethina
E fisi Balajve me miqësi
Qajnë Vatra, Kisha e Liga
Brezi vjetër dhe brezi i ri
Qajnë shqiptarët e Amerikës
E me mijra në Kosovë
Gjithë ata që e kanë njohur
Në Shqipëri e diasporë.
Në zakon të vjetër qysh motmoti
Kur nis rruga për amshim
Gratë qajnë me pika loti
Burrat heshtin në meditim
Kështu dhe ne po bajmë me ty
O bamirësi Zef Gjon Balaj
U prehësh në paqe e përjetësi
Se veprat tuaja qenë të rralla.