Nga Albano Kolonjari.
Tifozet bardheblu do te jene te pranishem ne takimin Partizani-Tirana. Lajmi behet i ditur nga Presidenti i Federates Shqiptare te Futbollit Armando Duka. Klubi i Tiranes ka ushtruar presion te jashtezakonshem mbi FSHF qe tifozet bardheblu te jene te pranishem ne kete takim, duke kerkuar qe denimi i dhene nga Komisioni i Disiplines, te kthehet ne vlere monetare. Dy jave me pare pas takimit Elbasani-Tirana 2-3, “disiplinoret” pezulluan me gjashte ndeshje tifozet e elbasanit dhe te tiranes per te mos ndjekur skuadrat e tyre per shkak te dhunes qe shpertheu ne kete takim. Nga ana tjeter Partizani i cili eshte edhe organizatori i ketij takimi, lajmeroi FSHF qe e ka te pamundur te indefikoje se cilet jane tifozet e Partizanit dhe cilet e Tiranes. Ne pamundesi per te ndjekur skuadren e tyre Tiranen, tifozet bardheblu paten si opsion te shikonin takimin sebashke me tifozet e Partizanit, ne te njejten pjese te stadiumit qe u perket tifozave te kuq. Kjo situate e nderlikur alarmoi jo vetem drejtuesit e te dy klubeve por dhe FSHF duke pasur parasysh perplasjen e te dyja tifozerive dhe dhunen qe mund te shperthente gjate ketej takimi. Pikerisht per te mos lejuar konfrontimin e te dyja tifozerive, FSHF ka arritur te gjeje nje hapsire ligjore per te lejuar tifozet e tiranes ne kete takim. Klubi bardheblu ka apeluar vendimin e Komisionit te Disipline. Duke qene se Komisioni i Apelit mblidhet javen e ardheshme, FSHF ka mbyllur njerin sy, duke komentuar se vendimi per te mos lejuar tifozet e Tiranes per te mos ndjekur skuadren e tyre jashte fushe hyn ne fuqi, pasi te mblidhet Komisioni i Apelit. Takimi do te luhet diten e hene ne ora 18.00.