Gazetari Orest Çipa dhuroi 40 libra për Bibliotekën e Vatrës. Një kontribut shumë i rëndësishëm për komunitetin shqiptar, kërkuesit shkencor dhe studentët shqiptarë që studiojnë në Amerikë. Vatrani Çipa, aktiv në komunitet, në mediat shqipfolëse, në gazetën Dielli e Federatën Vatra, dhuroi tituj të rëndësishëm në fushën e filozofisë, letërsisë moderne, historisë dhe shkencave humane.
Biblioteka Shkencore e Vatrës nën përkujdesjen e veçantë të kryetarit të Vatrës z.Elmi Berisha do rikonstruktohet për të qenë një aset i rëndësishëm për kërkuesit shkencorë e komunitetin shqiptar në Shtetet e Bashkuara të Amerikës.