Saimir Z. Kadiu
Vite me pare, kam patur fatin te bashkepunoj ne nje projekt per “Llogarite Kombetare te Shendetesise” te financuar nga Banka Boterore me Prof. Marcus Schneider. Gjermani nga Augsburgu eshte nje figure e njohur ne Gjermani dhe ne Evrope, por shume i thjeshte dhe shume i sjellshem…Vinte ne Shqiperi per here te pare. Perpara ketij projekti kishte punuar ne Yerevan, kryeqytetin e Armenise. E pyeta lidhur me diferencat midis Tiranes dhe Yerevanit…”Padyshim, Tirana duket me dinamike dhe me e pasur. Shqiptaret vishen me mire dhe jane me te qeshur…Makinat me te mira se ne Perendim…Restorantet dhe kafenete jane si ne Rome apo Paris… Por ne Yerevan kur hapeshin grilat e vjetra prej druri te dritareve te shtepive qe kishin vite pa vene dore…degjoja tinguj te mrekullueshem te pianos…”Me beri shume pershtypje por edhe me “ngacmoi” ky rrefim i sinqerte i prof. Schneider.Prej me se dy vitesh zyrat e Ministrise se Shendetesise jane zhvendosur ne rrugen e Kavajes, perballe nderteses se ish Lidhjes Shkrimtareve. Per te shkuar ne pune dy here ne dite (vajtje-ardhje) kaloj nepermjet rruges Hajdar Hidi. Kjo rruge eshte e njohur ne Tirane se ne nje shtepi perdhese te saj kane jetuar per nje kohe te gjate nena dhe motra e Nene Terezes, nobelistes shqiptare me fame boterore.Rreth 20m larg kesaj shtepie, ne nje ambient shume modest, cdo dite rruges per ne pune, fix ne oren 8 te mengjesit, degjoj copeza te mrekullueshem te repertorit pianistik, te interpretuar nga femije te talentuar ose me deshire per te mesuar piano, nen drejtimin e nje pianisteje te njohur shqiptare. Prinderit presin femijet pas deres…por per ta eshte nje pritje e lumtur kur degjojne qe tingujt dalin nga loja e gishterinjve te femijeve te tyre mbi tastieren e pianos…Jane femije dhe prinder nga familje modeste, por me nje dashuri te madhe per muziken dhe pianon.Kam filluar te mbaj shenim cdo dite per muziken qe shijoj pak caste cdo mengjes.Dje ishte muzike nga List, sot ishte Shopen… neser ndoshta Bach, Beethoven, Mozart, Cajkovski ..Kur te degjoj ndonje dite Khachaturian do e regjistroj dhe do ja dergoj prof. Schneider per ti thene me kenaqesi qe Khachaturian luhet jo vetem ne Yerevan por edhe nga femijet ne nje rrugice te thjeshte ne Tirane…