Sot me 8 Dhjetor 2013 e shohim te realizuar plotesisht largpamesine e Ramiz Katovices kur tha se Partia e Punes mund te beje pluralizem me levat e veta politike!…Dhe ja ku jemi sot…Partia e Punes eshte PS e Rames,Fronti Demokratik eshte PD e Berishes,Organizata e Gruas eshte LSI e Metes,Organizata e Rinise eshte G99 e Erion Veliajt,Organizata e Veteraneve eshte PSD e Gjinushit,etj…
NGA ILIR SECI/ New York/
Me 8 Dhjetor ’90 studentet shqiptare munden friken duke u revoltuar …Ishte nje dritëz qiriri Naimian,nje regetime guximi,nje farez shprese thuajse e panjohur per dheun e shkelur aq perdhunshem gjate 47 viteve diktature…
Studentet me nje enderr te vagullt ne gji, qe me latat e zhubrosura neper xhepa braktisen rradhat e mencave dhe dolen ne shesh! Endeshin pareshtur ato dite neper Qytetin Studenti duke shkelur shojet e te vetmeve pale kepuce qe kishin…gdhinin netet neper godina duke ushqyer nje enderr qe u be edhe moto e asaj Levizjeje: “E duam Shqiperine si krejt Evropa!”…
Nje perfaqesi studentesh u prit nga Ramiz Alia i zgjedhuri i diktatorit Hoxha…Studentet kerkuan pluralizem politik,Ramizi u tha:”Pluralizem mendimi dhe idesh!Partia e Punes mund te beje pluralizem “politik” duke shpallur si kundershtare politikeFrontin Demokratik,Organizaten e Gruas,Organizaten e Rinise,Organizaten e Veteraneve,etj!”…
Studentet ngulmuan “Pluralizem politik”…Trashgimtari i diktatorit beri sikur u thye dhe plot solemnitet deklaroi: “E po mire pluralizem politik!”…
Eh Rini,Rini sa kollaj genjehesh!Mbas atij takimi Qytetin Studenti e mesyne emisaret e Ramizit me mision uzurpimin e asaj Levizjeje!Mision i plotesuar me se miri!
Sot pas 23 vitesh me 8 Dhjetor 2013 Shqiperia prape s’ka pluralizem!Kemi nje diktature te kamufluar kartonash ku 84 kartone kryejne pune me mire se çdo praktike totalitariste!Sot me 8 Dhjetor 2013 e shohim te realizuar plotesisht largpamesine e Ramiz Katovices kur tha se Partia e Punes mund te beje pluralizem me levat e veta politike!…Dhe ja ku jemi sot…Partia e Punes eshte PS e Rames,Fronti Demokratik eshte PD e Berishes,Organizata e Gruas eshte LSI e Metes,Organizata e Rinise eshte G99 e Erion Veliajt,Organizata e Veteraneve eshte PSD e Gjinushit,etj…
Ata qe erdhen si emisare ne Partinë e dale nga Levizja e Dhjetorit kane meriten historike te lenies se vendit pa opozite tepke sipas mesimeve te Katovices! Sot Kryeministri i vendit del e thote: “Sërish në Dhjetor duke pritur BE-në”…s’di pse me duket sarkastike permendja e “BE-se” nga nje klase politike qe thoshte se:”Bar do hame e parimet nuk i shkelim!”…BE premtohet nga nje kryeminister qe thote se do kishte marre pjese ne Levizjen e Dhjetorit po te mos kishte qene ne Korfuz duke ekspozuar pikturat e veta!?…Rama ne Korfuz me ekspozite vetjake pikerisht ne vitin 1990,pikerisht ne kohen kur ata qe tentonin te shkonin ne ate ishull vriteshin nga rojet e Kufirit ose mbyteshin ne ujerat e Jonit tek arratiseshin!?…
“Fitimtaret fitimtare,te humburit te humbur!-ashtu tha Ramizi ashtu u be!Ne Dhjetor 1990 Studentet u ngriten kunder Byrose dhe kerkuan Evropen…Sot i biri i Byroistit Sul Bushati emeron ambasador ne Zvicer te birin e Byroistit Xhelil Gjoni! E bukur Demokraci! Me kujtohet se ne ate kohe shume nga ne studentet e atij brezi identifikoheshim me kengen e madhe te John Lennon “Imagine”… “Ju mund te thoni se jam nje enderrimtar/ Por une nuk jam i vetmi!” “You may say I’m a dreamer/ But I’m not the only one!”
Une prape enderroj per dite me te mira per Shqiperine,prape preferoj kengen “Imagine” edhe pse me ngjan jo fort koincidencial fakti qe John Lennon eshte vrare pikerisht ne nje date te tille, me 8 Dhjetor 1980
Një koment i shkëlqyer! Nuk i heq dot asnjë fjalë. Rrofshin idealistët e demokracisë së vërtetë!