-Kryetari i Kuvendit të Kosovës, Kadri Veseli, në një iftar ku me besimtarët myslimanë ishin edhe krerë të bashkësisë fetare katolike të komunes së Klinës/
PRISHTINË, 24 Qershor 2016/ “Harmonia fetare është vlerë jona e veçantë dhe kështu do të mbetet”, theksoi kryetari i Kuvendit të Kosovës, Kadri Veseli, në një iftar të shtruar mbrëmë nga kryetari i Klinës, Sokol Bashota, ku me besimtarët myslimanë ishin edhe krerë të bashkësisë fetare katolike të komunes.
“Kënaqësia për të qenë bashkë ia shton vlerën festave tona”, tha kryeparlamentari kosovar falenderoi kreun e komunës së Klinës për këtë iniciativë, si dëshmi e tolerancës ndërfetare, mirëkuptimit dhe humanizmi ndaj njëri-tjetrit.
Veseli pati fjalë miradie për të gjitha bashkësitë fetare në Republikën e Kosovës, të cilat ai i konsideroi shembull të bashkëpunimit dhe përhapjes së harmonisë fetare e tolerancës midis njerëzve. Kryetari i Kuvendit të Kosovës potencoi edhe vlerat fetare të patriotëve tanë të shquar, të cilat afruan popullin me besimin e tyre./b.j/