I nderuar z. Raja,
Në cilësinë e kryetarit të Federatës Pan-Shqiptare të Amerikës “VATRA” ju uroj përzemërsisht për mirënjohjen e nderit në spektaklin “Shën Tereza, Shqiptarja e gjithë botës” në Tiranë si patriot dhe veprimtar i shquar i mërgatës së Amerikës.
Si bashkëpunëtor për vite të tëra dhe si pjesë e lidershipit të “VATRËS”, kjo mirënjohje na nderon të gjithëve.
Jam krenar që kemi punuar dhe vepruar bashkë në iniciativat dhe kontribtet e çmuara të komunitetit tonë që nga fillimet e ndërtimit të Katedrales të Shën Terezës në Prishtinë e deri te pritja dhe nderimi që ju bë VATRËS dhe vatranëve nga Ati i Shënjtë në Selinë e Shënjtë në Vatikan.
Kjo mirënjohje duhet të jetë motiv shtesë që të mos ndalemi në misionin tonë kombëtar e human ashtu siç na ka mësuar e Shënjta Nënë Tereza, bija e madhe e kombit tonë.
Me konsideratë,
Dr. Elmi Berisha