Kryeministri Edi Rama e ka cilësuar 8 Dhjetorin si një ditë simbol i fuqisë së rinisë për të ndryshuar rrjedhën e ngjarjeve dhe për të bërë histori.
Duke folur në konferencën e Asamblesë së Përgjithshme të Rinisë, Rama tha se lëvizja e dhjetorit i dha zë ëndrrës për të jetuar në liri dhe demokraci dhe se politika është ajo që ve në jetë projektet.
“Lëvizja e dhjetorit i dha zë ëndrrës për të jetuar në liri dhe demokraci ku për atë brez që ishte në diktature nuk mund te ishte asgjë në përmasë.
Është një iluzion i madh që po nuk u more ti me politikën, politika do të merret me ty. Sa me pak të merremi me poltikë aq më shumë jemi viktima të vendimeve të saj. Fal poltikës kanë lindur projektet më të admirueshme që njerëzit kanë vënë në jetë”, tha kryeministri.
Sipas tij, rënia e Perdes së Hekurt në Shqipëri, ishte një surprizë si për lindjen ashtu edhe për perëndimin.
“Rënia e perdes të hekurt edhe për Shqipërinë kapi në surprizë si lindjenn ashtu edhe Perëndimin. Ishte efketi surprizë i një shembje të paimagjinueshme që çliroi sistemet politike dhe janë mjete dhe jo pengesa në rrugën e realizimit të ëndrrave.”
Rama, duke iu referuar “Pranverës Arabe”, tha se jo gjithmonë endrat dhe shpresat realizohen.
“Ajo çfarë vjen më pas reflekton aspiratat, po nga ana tjetër jo gjithmonë e sheh hapësirën për të realizuar ëndrrat dhe shpresat.
Mjafton të shikojmë Pranverat Arabe që u shfaqën në skenat globale si fuqi transformimi, por që në më shumë se në një rast sot nuk duken pararandëse e atyre shpresave që i sollën në jetë.”/(KJ)
Nga Avioni i Divjakës tek Helikopteri i Spanjës…
I ndjekur nga policia spanjolle, një helikopter me ngarkesë hashashi (të paktën një ton), i drejtuar prej majorit shqiptar Sokol Feka, është rrëzuar parmbrëmë pranë qytetit malor Cortes de la Frontera, pasi është përplasur me një shtyllë elektriku të tensionit të lartë. Feka dhe ndihmësi i tij, që ndodhej në bord, kanë humbur jetën.
Sokol Feka ushtronte detyrën e instruktorit në bazën ajrore të Farkës, me gradën major. Meqenëse ai vdiq, Mimi Kodheli dhe «Rilindja» kanë fushë të lirë për të gënjyer, duke ia faturuar fajin «atij që vdiq». Mirëpo ky skandal nuk është një rast i veçuar, por një hallkë më tepër në zinxhirin e veprimtarive mafioze të qeverisë shqiptare.
Avioni me ngarkesë asimetrike hashashi ngeci në Divjakë. Një tjetër laborator droge u zbulua së fundi në Vlorë, pas atij të Xibrakës! Faktet e mëvonshëm vërtetuan se Lazarati nuk e meritonte titullin «principata e hashashit», sepse u gjetën të tjerë plantacione edhe më të mëdhenj në Veri. Pastaj ata u lanë të veprojnë në heshtje; një taktikë djallëzore tashmë e mirënjohur: «bëj zhurmë vetëm për konsum publik, por lumin e drogës lere të rrjedhë i qetë». Ndërkohë nipi i Diktatorit «Hero Populli» po dergjet në birucat e gjyshit, falë fakteve të pakundërshtueshëm të fajësisë së tij që disponon policia gjermane dhe kundër dëshirës së pasardhësve të Enverit në pushtet, të cilët edhe mund ta lirojnë ndonjë ditë forcërisht nipin e dashur, duke u thënë autoriteteve gjermane: «nuk pranojmë ndërhyrje në punët tona të brendshme».
Ku ke ndërmend ta çosh Shqipërinë, «Rilindje» e Droguar?