-Kush eshte Nikolas Cruz, personi i dyshuar si autor i incidentit të tretë më të rëndë me armë zjarri në mjedise shkollore në historinë e Shteteve të Bashkuara/

Autoritetet thonë se 17 persona kanë humbur jetën në një shkollë të mesme në Floridën jugore dhe se personi që dyshohet se qëlloi me armë zjarri është arrestuar.Policia u vu në alarm pas të shtënave brenda shkollës Marjory Stoneman Douglas në Parkland, që ndodhet në një zonë të qetë nënurbane në veriperëndim të qytetit Fort Lauderdale, dhe nisi kërkimin për personin e armatosur, ndërkohë që dhjetra nxënës e mësues qënronin të ngujuar brenda klasave.

12 veta u vranë brenda shkollës ndërsa 3 të tjerë jashtë saj. Dy persona vdiqën në spitalet e zonës.

Të shtënat filluan menjëherë pas mbarimit të mësimit. Policia njoftoi se e kishte arrestuar personin e dyshuar, i cili është identifikuar me emrin Nicolas Cruz.

Zyrtarët thanë se nuk kishin qenë në dijeni të ndonjë kërcënimi që mund të ishte bërë para ngjarjes.

Policia dhe punonjësit e ndërhyrjes së shpejtë rrethuan zonën dhe pamjet televizive tregonin nxënësit që dilnin nga klasat duke u larguar me të shpejtë nga vendi i ngjarjes.

Presidenti Trump dërgoi përmes Twitterit ngushëllimet e tij për familjet e viktimave. “Asnjë fëmijë, mësues apo çdokush tjetër nuk duhet të ndihet kurrë i pasigurtë në një shkollë amerikane,” shkruante ai.

PO KUSH ESHTE VRASESI?

Nikolas Cruz, personi i dyshuar si autor i incidentit të tretë më të rëndë me armë zjarri në mjedise shkollore në historinë e Shteteve të Bashkuara, po pëshkruhet si një djalë i ri me probleme, i cili ishte përjashtuar nga shkolla për probleme disiplinore. Sherifi i komunës Browards, Scott Israel pohoi se 19-vjeçari ishte përjashtuar nga shkolla e mesme Marjory Stoneman Douglas në qytetin Parkland të Floridës, por shtoi se nuk ishte në dieni të hollësive. Victoria Olvera, nxënëse në vit të tretë në këtë shkollë tha se Cruz ishte përjashtuar vjet, pasi ishte zënë me të dashurin e një vajze me të cilën ishte shoqëruar më parë. Joshua Charo, i cili e kishte pasur në klasë 19-vjeçarin Cruz, tha se ai ishte përjashtuar për zënka fizike dhe sepse kishte ardhur në shkollë me plumba në çantë. Shefi i Arsimit për komunën Broward, Robert Runcie tha se nuk ishte në dieni se Cruz ishte parë si kërcënim në shkollë, por mësuesi i matematikës, Jim Gard tha për gazetën Miami Herald se i kujtohej një email që kishte marrë nga drejtoria e shkollës ku mësuesit…