13 vjet nga masakra e vitit 2001 në fshatin Luboten në të cilën forcat maqedonase vranë dhjetë shqiptarë, dogjën 14 shtëpi dhe arrestuan dhe keqtrajtuan mbi 100 shqiptarë/
Nga BEQIR SINA New York/
ISLAMABAD PA: Sot shënohet 13 vjet nga masakra e vitit 2001 në fshatin Luboten në të cilën forcat maqedonase vranë dhjetë shqiptarë, dogjën 14 shtëpi dhe arrestuan dhe keqtrajtuan mbi 100 shqiptarë. Simbas shtypit të asaj kohe kur ndodhi ngjarja thuhet se :”Një ditë para nënshkrimit të Marrëveshjes së Ohrit anëtarët e një njësie policore të komanduar prej Johan Tarçullovskit kryen një sulm të paligjshëm në Luboten ku u vranë gjashtë vjeçari Erxhan Aliu, Dalip Murati, Muharrem Ramadani, Memet Memeti, Rami Jusufi, Xhelal Bajrami, Kadri Jashari, Bajram Jashari, Sulejman Bajrami, Atulla Qaili.”
Masakra ndaj popullsisë civile shqiptare në fshatin Luboten dhe vrasja e shtatë “klandestinve” pakistaniez në afërsi të Shkupit, thuhet se janë futur në dosjet e Tribunalit Ndërkombëtar të Ngritur për Krimet e Luftës në Gjykatën Hagës. Sipas, disa njoftimeve të axhensisë së lajmeve të Pakistanit PIA, vite më parë thuhej se Gjykata Ndërkombëtare Hagës, së shpejti do të ngre padinë me aktakuzën – lidhur me dy ngjarjet e shumë të përfolura më parë, si masakra kundra njerëzimit, atë të vrasjeve të disa shqiptarve në Luboten dhe vrasjen mizore të shtatë emigrantëve pakistanez. Sipas këtyre informacioneve potencohet se tashmë janë grumbulluar të gjitha provat dhe shumë shpejt pritet të formulohet edhe aktakuza e këtyre vrasjeve. Në qëndër të saj – pati cituar mbas ngjarjes PIA-s, është ish ministri i punëve të Brëndëshme të Maqedonisë, Lube Boshkovski. Ngjarja, thuhet se ndodhi kur në fshatin Luboten – ndërsa kishin filluar bisedimet për paqe, janë masakruar dhjetë shqiptarë etnik të pafajshëm. Akuza e dytë bie mbi atë fakt, ndërsa, shtatë emigrantë pakistanez të cilët kishin hyrë në këtë vend ilegalisht për transit për në ndonjë vend perendimorë, pasi u zbuluan nga foracat e policisë shterore, të cilat në atë kohë komnadoheshin nga ministri i brëndëshëm Bushkovski, janë vrarë në pritë nga forcat speciale maqedonase. Dhe më pasë në mbulim të krimit, mendohet, se frocat speciale dhe politika vendase, e ushqyer nga shtypi pro qeveritar maqedonas, e trajtuan këtë vrasje si vrasje ndaj një grupi terrorristë islamikë, të lidhur sipas tyre gjoja më grupet luftarake shqiptare UÇK dhe AKSH-në.
“Maqedonasit të akuzuar për krime lufte: Thirrje për në Hagë për të hetuar rolin e ish ministrit të brendëshëm i vijës së ashpër, shkruante më 6 tetor, 2001, gazeta britanike DailyTelegraf duke shtuar se “… Gjykata e Hagës ka për të hetuar zotin Boshkovski për” shkelje të rënda të Konventës së Gjenevës, shkelje të ligjeve që rregullojnë luftërat- kodin e luftës dhe krime kundër njerëzimit “.
Ngjarja e Lubotenit : Shqiptarë të pafajshëm civilë të vrarë, disa dhjetëra tjerë i kanë maltretuar si dhe kanë djegur 20 shtëpi dhe kanë shkaktuar dëme tjera
Një vlersim tepër realistë ishte rreth kësaj ngjarje edhe Raporti i shpallur nga ana e Organizatës “Human Rights Watch” me qender në New York, si raport i cili thuhet se objektivisht i pasqyroi ngjarjet e gushtit në fshatin Luboten. Raporti pasqyron një të vërtet, e cila flet qartë se në fshatin Luboten nga ana e policisë maqedonase janë kryer krime të cilat bien edhe nën juridiksionin e Gjykatës së Hagës. Në raportin e vet Organizata “Human Rights Watch” akuzon policinë maqedonase se prej 10-12 gusht kanë vrarë civilë shqipëtarë, disa dhjetëra tjerë i kanë maltretuar si dhe kanë djegur 20 shtëpi dhe kanë shkaktuar dëme tjera. Në raportin e HRW-së po ashtu thuhet se ministri i Punëve të Brendshme, ka qenë prezent në kohën kur policia ka maltrejtuar dhe vrarë civilë në fshatin Luboten.
Shtatë klandestinë pakistanez zihen në pritë nga sepcialet e policisë maqedonase dhe vriten
Simbas raportit thuhet se më katër mars në mbrëmje afër një vreshti në periferi të Shkupit, ka ndodhur dhe vrasja e shtatë klandestinëve pakistanezë, e cila supozohet të ishte e kurdisur nga policia speciale maqedonase.
“Ky është akt kriminal, meqë bëhet fjalë për persona të pafajshëm aziatik, të cilët janë munduar që ilegalisht të kalojnë nëpër Maqedoni dhe të shkojnë diku në ndonjë shtet të zhvilluar evropian për të siguruar ekzistencën e tyre”, thuhej në fillim të reagimit të subjekteve politike shqiptare në Maqedoni. Në reagimin ndaj vrasjes së shtatë personave në vazhdim – pohohej se strukturat qeveritare me këtë akt tragjik, mundohen t’i diskreditojnë subjektet politike UÇK-në për gjoja lidhjet me rrjetin terroristë Al-Kaida.
Si do qoftë është menduar se tragjedia ka mundur të evitohet,meqë personat e vrarë kanë qenë klandestinë. Ata kanë mundur të arrestohen, kjo është praktikë në shumë vende të zhvilluara, ku kanë më shumë klandestinë, por vrasja ka qëllime politike dhe ashtu shfrytëzohet”, thuhej edhe në reagimet e subjekteve poltike shqiptare, në Maqedoni rreth tragjedisë së personave të pafajshëm.