Deklaratë për shtyp e Oborrit Mbretëror Shqiptar/

Oborri Mbretëror Shqiptar ka ndjekur disa akuza të kohëve të fundit ndaj figurës së Mbretit Zog,të publikuara me zell nga qarqe përjetësisht të interesuara për denigrimin e figurës së Mbretit,duke përdorur materiale të deklasifikuara nga informatorë,që nën petkun e shërbimeve ndaj interesave amerikane hamëndësojnë dhe trillojnë me qëllime të caktuara uljen e figurës së Mbretit,duke i shërbyer drejtpersëdrejti padronëve të vërtetë të tyre,ashtu si edhe Kim Philby i shërbeu deri në fund të jetës KGB dhe UDB si dhe Sigurimit te Shtetit Shqiptar dhe diktatutes enveriste , të lidhura ngushtë me to.(ndonse në rastin konkret informatori ishte i nje rangu të papërfillshem dhe jashtë strukturave të shërbimeve sekrete,përveçse një informator ordiner).Sigurisht për përhapjen e këtyre trillimeve janë të interesuar pasardhësit e kësaj ideologjie,e cila fatkeqesisht është e zellshme për të vazhduar kauzën e sistemit që i polli.
Neverisim këto mashtrime ordinere dhe “tellallët” që janë të interesuar për to e që ndjekin me konseguencë rrugen e mashtrimeve .

Oborri Mbreteror Shqiptar