Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

DEKLARATA E PRESIDENTIT TRUMP PËR JERUZALEMIN

by

-Pyetja e fundit që mund të bëhet për deklaratën e Presidentit Trump është se a  mundet që  kjo deklaratë të prodhojë më shumë terrorizëm se më parë?/

Asllani 21

NGA ASLLAN BUSHATI/

Para disa ditësh, Presidenti i SHBA-së Donald Trump, ritheksoi  e firmosi (në mënyrë identike) një deklaratë të Presidentëve të mëparëshëm amerikan: Klinton, Xhorxh  W  Bush dhe Obama se: SHBA-ja, do ta trasferojë selinë e Ambasadës së SHBA-së  në Izrael ,nga  Telavivi për në Jeruzalem. Kjo sipas  Presidentit  Trump , do të bëhet  në një kohë të përshtatëshme pasi të jene  siguruar vendi, mjetet financiare  dhe ndërtimi i selisë. Firmosja e këtij akti (që nënkupton edhe  njohjen nga SHBA të Jeruzalemit si kryeqytet i Izraelit), shkaktoi një “ furtunë” diplomatike dhe mediatike duke e quajtur atë nje herezi për të mos thënë  një “cmenduri” të Presidentit. Si shqiptaro-amerikan, si  vatran si opinionist në shtypin e përditshëm dhe si ish ushtarak i lartë në Ushtrinë Shqiptare ndiej si  një detyrim moral të cfaq opinionin tim për këtë problem i cili mund të konsiderohet tashmë madhor.

Për të patur një qasje më të thjeshtë të shkrimit, do të preferoja  përdorimin e metodës  së katakizmit ku pyet vetë  dhe përgjigjesh  vetë. Kështu pyetja e parë që më vjen në mendje  është: kjo deklaratë dëgjohet tani për herë të parë, apo ishte thënë edhe herë të tjera? Përgjigja është: po ishte thënë  edhe më parë nga presidentët e përmendur më lart (të cilët nuk e bënë realitet), por edhe nga Presidenti Trump në fushatën elektorale të vitit 2016. Atëherë  sipas një llogjike të thjeshtë, Presidenti  nuk ka bërë asnjë “cmenduri”, por po mban një premtim electoral. Por këtu duhet theksuar  një gjë shumë specifike  madje dhe e rëndësishme se: Zoti Trump nuk erdhi  në krye të Shtëpisë Bardhë i formatuar e “stërvitur” nga asnjë lloji karjere politike, por erdhi si një President ndryshe e larg  formësimit  burrokratik. Ai pikrisht për këtë “President ndryshe” u votu nga elektorati amerikan,  sepse amerikanët ishin “ngopur” me rrumbullakosjet e veprimet brenda trasese politiko- diplomatike shumevjecare.

Pyetja e dytë mund të jetë: këtu brenda SHBA-së, firmosja e këtij dokumenti  tani , a ka ndonjë arsye tjetër?  Mendoj se po. Sepse në të dy krahët e politikës ka një komunitet të madh hebre, i cili luan një rol të rëndësishëm në biznes, Kongres, Senat, strukturat qëndrore  e lokale të shtetit. Ata  janë të interesuar për zbatimin e këtij dokumenti presidencial, sepse janë të zhgënjyer nga prentimet  boshe të  mëparshme. Kështu me këtë lëvizje Presidenti Trump, fiton pikë dhe  siguron më shumë garanci në Kongres e Senat për votimin e premtimeve të tjera elektorale.

Po Jeruzalemi cfarë përbën për botën, hebrejt, palestinezët etj ?  Për botën ai është  hapsira ku ndodhen  tri  vendeve më të shenjta të kulteve të njerëzimit. Si i tillë ai kërkohet që kjo pasuri botërore  e kulteve, të ruhet e administrohet  sa më mirë që të jetë e mundur. Por të  sherbej edhe si vend peleglinazhi,  në paqe të përhershme, në  cdo kohë e për gjithkënd.

Për hebrejt (izraelitët), Jeruzalemi ,dihet ( dhe pranohet  botërisht) se   si vendbanim njerëzish,  më së pari është  krijuar e formësuar  prej tyre , pra hebrejve. Por në  tri mijë vitet e fundit ai më pak ka qenë në paqe dhe më shumë në luftë. Pushtuesit kanë filluar  me egjiptianët …palestinezët,.. romaket… etj dhe në shekujt e fundit.., turqit, anglezët e izraelitët. Marrë shkas nga faktet historike të të qënit formues të këtij vendibanimi nga hebrejt, por edhe nga fakti se palestinezët jetojnë ne ato troje (edhe nën pushtimin e të tjerëve) për gati dy mijë vite,  OKB-ja  në 1947-tën vendosi për krijimin në atë hapsirë të Autoritetit  Palestinez dhe Shtetit të Izraelit.

Por harta  e vend banimeve të këtyre dy etnive, si rezultat i luftrave , cvendosjes dhe kolonizimeve ka ndryshuar disa herë deri tek gjendja aktuale.Në këto kushte të pas 70 viteve, Izraeli e njeh politikisht  Autoritetin Palestinez në klauzolat e shtetit indipendent, në se edhe  ata  në të njejtën kohë e njohin Izraelin si shtet independent dhe fqiun e tyre. Kurse  Autoritetit  Palestinezët nuk e njeh fare  ekzistencën e Izraelit  si shtet. Kjo ka bërë që  OKB-ja ta njoh  Izraelin si anetar të saj me të drejta të plota dhe Autoritetin Palestinez me statusin e vëzhguesit nën  përfqësimin e Organizatës për Clirimin e Palestinës (OCP), sepse shumica e antarve të OKB-së nuk e njohin  Autoritetin palestinez.

Parë më gjërë, e drejta historike dhe shtet formimet, nuk përkojnë me njera-tjetrën . Shtet formimi nuk njihet (prevalohet) mbi të drejtën historike, por mbi gjendjen aktuale të popullsisë së  vendbanimit. Aktualisht sot tre të katërtat (pjesa perendimore) e Jeruzalemit janë të banuara nga izraelitët  dhe një e katërta (pjesa lindore )nga palestinezët.

Po  vecmas për palestinezët cfarë është Jeruzalemi? Ai është  kryeqender e tyre dy mijë vjecare e njohur edhe me një dokument  të  OKB-së që  të vitit 1947-1948.  Por harta e vendbanimeve në ditët e sotme, (sic u përmend edhe më lart),  ka psuar ndryshime të mëdha demografike nga ajo e 1947-1948-tës. Realiteti në teren flet për një shtrirje të vendbanimeve izraelite  në përmasat që  nuk e pengojnë atë aspak ta shpall dhe ta bëjë realitet Jeruzalemin Perendimor  kryeqytet të Izraelit.

Atëherë a mund të ishte një zgjidhje e pranueshme që pjesa lindore e Jeruzalemit të shpallej dhe të pranohej nga të dy palët si kryeqytet i  Autoritetit Palestines dhe pjesa perendimore po ashtu  si kryeqytet i Izraelit? Pse jo. Aktualisht në pjesën perendimore janë të vendosura disa ministri dhe institucione të rëndësishme të Izraelit dhe cfarë do ti shtonte apo ti hiqte peshës së  ketij qyteti  lëvizja e Ambasadës Amerikane nga Telavivi në Jeruzalemin perendimor? Nga pikpamja formale asgjë. Nga pikpamja diplomatike po, sepse përfaqësitë diplomatike vendosen ne kryeqytetet e vendeve ku atashohen. Po praktikisht a mund të jetonin, të funksiononin dhe të punonin pa penguar njeri-tjetrin dy kryeqetete të dy etnive të ndryshme(izraelite e palestineze) në Jeruzalem? Prirem të besoj se në se do të vendoset paqe e qëndrueshme  dhe e garantuar nga OKB-ja, pse jo, madje të ishte një shembull i madh për civilizimin e ardhshëm botëror.

Po europianët a friksohen dhe pse , nga deklarata e Presidentit Trump? Po. Ata realisht e kanë një arsye madhore me praninë  e shumë  refugjatëve nga lufta në Irak , Siri e Libi. Në këto kushte ata   mendojnë se mund të ketë trazira  të reja  në lindjen e mesme të cilat do të  prodhojnë  kontigjente të rinj refugjatësh dhe problemi  do të bëhej i pa përballueshëm për to. Kjo qëndron ,por pyeta shtrohet pse duhet të ketë trazira kur nga pikpamja formale asgjë nuk po  ndryshon. Trazirat nuk ja zgjidhin problemin as palestinezëve, as izraelitëve dhe as atyre që fishkëllejne  a bërtasin si spektatorë.

Po Rusia, Turqia dhe Irani, pse turfullohen kaq shumë për deklaratën e Presidentit Trump? . Mendoj se   së pari ata i bashkojnë disa interesa  të ngushta  anti amerikane në Lindjen e Mesme ,sepse secila vec e vec , por dhe në tërësi (si bashkësi në formim), duan ta dominojnë rajonin. Cdo përpjekje amerikane  për ta fuqizuar Izraelin ose vetëm thënia e idesë  se ceshtja e Kurdistanit ekziston dhe se heret a vonë do të bëhet nje realitet i prekshem sic u bë Izraeli para 70 viteve, atyre ju lëvizin “pllakat tektoinike”.

Po shqiptarët në Shqipëri, Kosovë, Maqedoni e Maltë Zi, si ta  vlerësojnë  deklaratën e Presidentit Trump, në një kohë që kerkojnë ti bashkangjiten BE-së dhe kjo e fundit nuk e mbështet atë. Mendoj se nuk duhet të ketë asnjë dyshim për rrugën dhe qëndrimin  pro amerikan. BE-ja ka punët e veta dhe vështirësitë e panumërta, sic shpesh është e pa zonja të marrë vendime të shpejta, të drejta e të bashkrenduara me të gjithë partnerët. Por BE-ja është hapsira të së cilës i përkasim, gjeografikisht, politikisht, kulturalisht etj, pra është shtëpia jonë natyrale. Kurse deklarata kundërvënëse që Kryeministri Edi Rama , i bëri BE-së se në qoftë se ju nuk na pranoni në gjirin tuaj, ka edhe opsione të tjera ruse, kineze a turke, në këndshikimin dhe gjykimin tim, është krejt e pa kuptimtë për të mos përdor ndonjë konotacion më negativ. Opsionet lindore  ne shqiptarët i kemi provuar dhe kanë rezultuar fatale si me turqit, rusër dhe kinezët.

Por shqiptarët janë me të drejtën e zotit t’ju bëjnë me dije izraelitëve se në kohërat më të vështira për ju, ne si komb ju kemi mbrojtur duke rrezikuar vehten dhe familjet tona. Tani është radha juaj të njihni pa asnjë  ekuivok pavarsinë e Kosovës. Po ashtu, lypset t’ju bëhet me dije palestinezëve, se për disa dekada në periudhën e  shtetit totalitar, ju kemi mbrojtur, ndihmuar, madje  kemi stërvitur ushtarakisht  kuadrot tuaj të “AL Fatahut” (ne kundershtim me te drejten nderkombetare). Tani është koha të reagoni dhe të njihni pavarsinë e Kosovës.

Pyetja e fundit që mund të bëhet për deklaratën e Presidentit Trump është se a  mundet që  kjo deklaratë të prodhojë më shumë terrorizëm se më parë? Mendoj se jo. Terrorizmi ka ekzistuar , ekziston dhe do të vazhojë të ekzistojë edhe një perudhë kohe, por intensitetit i tij mendoj se do të vijë duke u ulur. E them këtë se besoj shumë tek demokracia, prosperiteti, zhvillimi, qytetërimi e arsimimi i popujve, shoqërive, organizmave, organizatave e institucioneve të  ndryshme të cdo vendi. Shkurt besoj se e ardhmja do të jetë më e mirë dhe më  tolerante , agresiviteti e ekstremizmi  fetar do të  ulet dhe një shpërndarje më e mirë e të ardhurave do të bëhet i prekshëm për këdo.

FESTIVALI I 27-TË SHQIPTAR , NJË KURORË SHUMËNGJYRËSHE PËR HEROIN KOMBËTAR

by

Dom Pjeter Popaj:Ky Festival i dedikohet heroit tonë kombëtar Gjergj Katstriotit Skenderbe me rastin e 550 vjetorit të tij.  Ne e falënderojmë Zotin për këtë njeri të madh.Mos të ishte Ai nuk e di a do të kishte Shqipëri, nuk e di a do të flisnim shqip ndopak dhe me siguri nuk do ta kishim këtë festival sonte.  Prandaj, edhe për këtë tubim, si shqiptar, e falënderojmë Zotin në qiell e Kastriotin në tokë. Me flamurin e tij identifikohemi, me gjuhë e kulturë që na i ruajti ne krenohemi. Këtë pasuri, sonte, ky festival e qet në skenë para jush që të shijoni traditat e bukura, të lashta shqiptare.  Dhe kurrë mos t’i shmangemi porosisë së tij, “Mos harro se je shqiptar”./

 

1 ok 1 balline1 dom Pjetri1 femijet dhe Heroidritani Boston1 valltaret ok 3Valle djemte

NGA ASLLAN  BUSHATI /Lehman Center for the performing arts,- 5 Nentor 2017- Në pasditën e së  dielës  të 5-së Nëntorit 2017, drejt  sallës së madhe të performimit te artit në Lehman  Kolegj ,(Lehman Center for the performing arts),  bashkatdhetarët nga NY me rrethina, por dhe nga shtete të tjera, me fëmijët dhe familjarët e tyre,  erdhën për të qenë  të pranishëm në performin dhe shijimin  e festivalit të 27-të të Këngës  Shqiptare në Bronx NY .Organizimi i kësaj ngjarje të rëndësishme kulturoro-artistike  për komunitetin shqiptaro-amerikan, është bërë i mundur  nga Qendra “Nëna Tereze” e Kishës Katolike Zoja e Shkodrës. Rrugët që të conin për në mjediset e sallës së festivalit, ishin me një prani shumë  të shtuar të policisë së NY. Kjo gjë nuk bezdiste askënd, por përkundrazi  njerëzit ndjeheshin më të sigurtë, duke patur parasyshë ngjarjen makabre të  kësaj të diele  në Teksas dhe të para disa ditëve në Manhattan. Policët ishin shumë të sjellshën, por edhe shumë rigoroz, për të parandaluar cdo  situatë të pakëndëshme. Respekte për ata dhe punën e tyre.

23275310_10155887374623151_8517490894149523550_o1 dritani Dom Pjetri1 marku5 edhe richardi6 Mark Sh23172865_1559608507437877_2371185598600128892_n

Para fillimit të festivalit, pak nga pak, salla u mbush me kostume shumëngjyrshe të të gjitha krahinave shqiptare nga Kelmendi  në Camëri, nga Presheva e në Tivar. Fëmijët e të rinjt  shkëlqenin  me veshjet e tyre si  lule të bukura , por edhe të moshuarit “ konkuronin”  tek-tuk si për të  thënë:  se dhe ne jemi  këtu!  Të ftuarit dhe personalitetet e komunitetit  i pritën me shumë përzemërsi  drejtuesit e Kishës katolike “Zoja e Shkodrës”: Famulltari Dom Pjetër Popaj, Marjan Cubi  e Mark Shkreli, si dhe drejtuesit artistik Fran Cotaj, Gëzim Nika (Mjeshtër i Madh) etj.  Për personalitetet  e komunitetit ishte rezervuar rreshti i parë i  kolonës se mesit , në të cilën zunë vend:  Kryetari i Federatës Panshqiptare të Amerikës Vatra  Zoti Dritan Mishto , Asamblisti i NY Zoti Mark Gjonaj, drejtues të Vatrës,  Kishës Katolike, komunitetit, artit e kulturës,  biznesit etj.

Kur sipari i festivalit u hap, në sfond u cfaq hijshëm një poster madhështor i Gjergj Kastriotit – Skënderbeut,  e cila i ndjesoi të pranishmit të ngrihen në këmbë e të prisnin me duartrokitje daljen në skenë të grupit te valleve  “Rozafati”  me koreografi të Angjelina Nikës (Mjeshtër i Madh) dhe fill pas tyre grupi i konferencierëve të festivalit : Kozeta Turishta, Sebastian Tinaj, Veronika Juncaj dhe Joseph Cubi, të cilët e drejtuan me profesionalizëm dhe dinjitet. Me duartrokitje të zgajtura është pritur ngjitja në skenë e Famullitari të Kishës Katolike Shqiptare “Zoja e Shkodrës”,  Dom Pjetër Popaj. Në përshëndetjen e Tij, famullitari tha se ky festival, i 27-ti që nga fillimi, i dedikohet Heroit Kombëtar të Shqiptarëve, Gjergj Kastrioti Skënderbeu, në nderim të përvjetorit të 550 të largimit nga jeta! Ja pershendetja e plote e famullitarit Dom Pjeter Popaj:” Mirëmbrëma dhe mirë se vini në Festivalin e 27 shqiptar ,organizuar si për çdo vit nga Kisha e jonë shqiptare, Zoja e Shkodrës në Hartsdale, New York.

Ky Festival i dedikohet heroit tonë kombëtar Gjergj Katstriotit Skenderbe me rastin e 550 vjetorit të tij.  Ne e falënderojmë Zotin për këtë njeri të madh.Mos të ishte Ai nuk e di a do të kishte Shqipëri, nuk e di a do të flisnim shqip ndopak dhe me siguri nuk do ta kishim këtë festival sonte.  Prandaj, edhe për këtë tubim, si shqiptar, e falënderojmë Zotin në qiell e Kastriotin në tokë. Me flamurin e tij identifikohemi, me gjuhë e kulturë që na i ruajti ne krenohemi. Këtë pasuri, sonte, ky festival e qet në skenë para jush që të shijoni traditat e bukura, të lashta shqiptare.  Dhe kurrë mos t’i shmangemi porosisë së tij, “Mos harro se je shqiptar”.

Falënderojmë anëtarët e komisjonit organizativ, të cilët kanë dedikuar muaj, javë, ditë e orë, për të përgaditur një program të shkëlqyshëm për ju. Sa kënaqësi është kur i shohim të rinjt e të rejat që kanë lindur këtu, duke kënduar e vallëzuar këngë e valle shqiptare.  Këta e tregojnë se mburren që janë shqiptarë.  Gjithashtu, nga Shqipëria, Kosova, Maqedonia, Mali i Zi e Çamëria kemi këngëtarë, muzikantë, instrumentalista të talentuar e të shquar, të ftuar këtu sonte në këtë festival.Mirëseardhje mysafirëve tanë të shquar nga lamitë e ndryeshme, fetare, politike, shoqërore. Pjesëmarrja e juaj na nderon.Falënderojmë gjithë ju, të pranishëm, për pjesëmarrjen tuaj, e njëkohësisht për përkrahjen tuaj tash 27 vjet me radhë.  Pa ju nuk do të ishte Festivali, prania e juaj ndihmon dhe nxiton brezin e ri, sidomos ata që kanë lindur këtu.Ju dëshiroj që s’bashku të kalojmë disa orë të këndshme ndërsa argëtohemi me këngë e valle të bukura shqiptare.Faleminderit, e kalfoshi mirë!”

Festivali i 27-të Shqiptar ishte një spektakël i bukur, ku jehuan këngët dhe vallet nga të gjitha trevat kombëtare, ku Shqipëria Etnike, ishte e gjitha në skenë.

Me këngën për Ibrahim Rugovën dhe “Kuq e zi”,këngëtarja e mirënjohur Alberie Hadergjonaj, hapi festivalin dhe si i thonë fjalës “ e tërhoqi këmbën zvarrë” që cdo gjë  të shkonte si është më e mira. Kurse kengen”Margjelo” e kendoi me shumë pasion Artur Matija e në vazhdim “Vallen e shamisë”, e interpretoi  grupi i dytë i Rozafatit me koreografi  të Angjelina Nikës (Mjeshtër i Madh),  për të cilën duhet thënë se e “lulëzoi” skenën e festivalit.

Kur konferencierët njoftuan se në drejtimin e orkestrës është Mjeshtri i Madh, Shpëtim Saraci  dhe se potpurinë me këngë korcare do ta këndojë  këngëtarja e mirnjohur (dhe bashkshortja e tij), Mira Konci, të pranishmit u ngritën në këmbë  e duartrokitën në shenjë respekti për ta:- Së pari për gjurmët që ata kanë lënë në artin shqiptar, së dyti si ndjesi,  për keqtrajtimin që shtetarët e sotëm i bënë Shpëtimit Saracit (orkestrantit më të mirë shqiptar të cerek shekullit të fundit) duke i shkurtuar vendin e punës, dhe së treti,- ata tashme do të jenë pjesë e komunitetit tonë shqiptaro-amerikan.

Në vijim festivalin e pasuroi Ansambli folklorik “Bashkimi Kombëtar”i drejtuar nga Gjergj Dedvukaj e Tomë Gjergji, të cilët interpretuan“Kombi ynë me djep mbi gurë”,”Të pa ndarë jug e veri”, valle dibrane, e pjesë instrumentale, si dhe interpretimi nga  gjashtë vjecari Joseph Juncaj, që këndoi me shumë  pasion e dinjitet këngën”O malësi të bekoftë zoti”. Me duartrokitje u përcoll edhe Valentina Ivezaj, që këndoi “Këngë për Shqiptarinë”. Programi vazhdoi me “Freski Bjeshke-Instrumentale e; Interpretuan Tonin Haxhia, Ndue Nika dhe Edmond Nikolli.

Koncerti kulmoi me këngën polifonike të Grupit të Bostonit, nën drejtimin e Petrit Alibeajt( inisiator per krijimin e deges se Vatres ne Boston) “Në Vlorë foli Prefekti”…

Në pjesën e dytë të programit të pranishmit u argëtuan  me “Moj e bukura more” kënduar nga Layla Lukaj, potpuri këngësh kosovare nga Shpresa Gojani, melodi me cifteli, monolog për Prek Cal Viganin nga Tomë Gjergji dhe vallen came të interpretuar nga grupi i valleve të Bostonit me koreogafi  të Bashkim Brahos. Në vazhdim të kësaj pjese të programit, Shoqëria klturoro-artistike “Kelmendi” solli “Kangë për Prek Calin”, “Bashkimin kombëtar”, “Shtatë malet e Malsisë” e valle tradicionale etj.

Në pjesën mbyllëse të festivalit,  u soll për të pranishmit pak humor, këngë shkodrane nga Nikoleta Vokrri, “Vajzë e bukur moj malësore” nga Elisabeta Marku dhe si qershia mbi tortë “Vallja e shqipeve “ interpretuar shume bukur nga grupi Rozafati me koreografi të Angjelina Nikës (Mjeshtër i Madh).

Festivali i 27-të,  ishte në vetvete jo vetëm një aktivitet i  rëndësishëm vjetor, por mbi të gjitha  ishte një vepër e rëndësishme e jetës kulturoro-artistike të komunitetit tonë  shqiptaro-amerikan. Ai  do të mbahet mend gjatë  si për prurjet dhe nivelin artistik. Ka qene një punë e lodhshme  për të madhin Gëzim Nika (si drejtues artistik dhe regjizor)  e për gjithë komisionin organizator, por në të njejtën kohë  një kënaqësi, dëfrim e clodhje  për ata që e panë dhe e shijuan direkt në sallë dhe për ata që do ta ndjekin në ekranet e televizionit. Respekte për Dom Pjetër Popajn dhe gjithë drejtuesit e Kishës Katolike “Zoja e Shkodrës” që bëjnë kaq shumë për edukimin atdhetar e fetar të komunitetit.

Komisioni Organizues i festivalit përbëhej nga : Famullitari Dom Pjetër Popaj; nga Marjan Cubi- Drejtori i Qendrës “Nëna Terezë”, Drejtor i festivalit:Fran Cotaj;  Drejtor Artistik dhe Regjia: Gëzim Nika(Mjeshtër i madh); Skenografia: Fran Shala; Gjeka Shala dhe Lisa Juncaj; konferencierët: Kozeta Turishta, Sebastian Tinaj, Veronika Juncaj dhe Joseph Cubi. Orkestra”Kastrioti” drejtuar nga Shpëtim Saraci(Mjeshtër i Madh) dhe Dritan Papa.

Këshilli Drejtues i festivalit përbëhej nga : Fran Cotaj, Ismer Mjeku, Mark Shkreli dhe Simon Vukel.

 

KRIMINALITET DHE ARROGANCË PAKUFI

by

Asllani Portret-81

NGA ASLLAN BUSHATI/

Ndoshta (në parim), nuk është  etike dhe normale,  ti drejtohesh me këto epitete maxhorancës , qeverisë dhe Kryeministrit  të vendit tënd.  E pranoj këtë mungesë etike , por  në të njejtën kohë nuk dua  dhe nuk më lejon morali im, që të fshihem prapa etikës  duke poshtruar  mendimin im, të cilin dua ta ndajë me ata që mendojnë në të njejtën linjë me mua. Po ashtu e di, se ka shumë të tjerë që mendojnë ndryshe, madje mund të më quajnë ekstremist. E respektoj mendimin e tyre  në se ma argumentojnë se ata janë më afër të vertetës se unë. Por le të këthehemi tek faktet.

Telenovela Saimir Tahiri u cfaq , me të gjitha përmasat e saj, në Parlament sic e panë  drejtpërsedrejti të gjithë shqiptarët.  Mbrojtja maxhoritare parlamentare ishte , jo nga dy të ashtuqujturat  thashetheme e “lajthitje shtypi” dhe të italianëve  , por nga akuzat e  shumta dhe ndoshta të përditëshme të opozitës për gati katër vite. Akuza të cilat kanë sjellë informacione  se ish Ministri i Brendëshëm është përfshirë në aktivitetin kriminal të kanabisit.

Në se Edi Rama dhe maxhoranca (sic pretendojnë ), është e interesuar për të nxjerrë të vërtetat në shesh, pyetja shtrohet pse ata  e bllokuan  prokurorine me vendim parlamenti ,për ta arrestuar dhe dërguar para gjykatës Saimir Tahirin? Kush ka frikë nga ngujimi prapa hekurave i Saimir Tahirit? Kush është i interesuar të prishet cdo provë rreth veprimtarisë kriminale të tij të supozuar nga organi i akuzës? Vetë Edi Rama a ka frikë nga  ata që di Saimir Tahiri dhe që po të thuhen  hapur e merr me vehte në bankën e të akuzuarit edhe atë? Po të zbardhet tërësisht veprimtaria e grupit  narkotik të Xibrakës  së Elbasanit, a mos del i implikuar edhe Edi Rama me të afërmit e tij? A disponon  fakte Saimir Tahiri për  veprimtari kriminale të të afërmve të Edi Ramës në off shore? Po ashtu cfarë din Zoti Tahiri nga aktiviteti antiligjor i Edi Ramës si ish Kryetar Bashkie në Tiranë? Në se Saimir Tahiri ishte më i miri ministër i kabinetit të tij të parë (sic ka deklaruar shpesh Edi Rama), pse nuk e riemroi përsëri ministër? Ka edhe shumë pikpyetje të tjera , por edhe kaq na mjaftojnë  të arrijmë në përfundimin se :përceptimi i përgjithëshëm është se edhe Edi Rama është i përfshirë në veprimtari të dënueshme dhe se dorëzimi i Zotit Tahiri rrezikon jo vetëm pozitat e tij politike por edhe më shumë. E thënë më shkurt, Edi Rama duke mbrojtur Saimir Tahirin po mbron edhe  vehten nga prangosja . Po deri kur do të vazhdojë kjo tragji-komedi?  Se dihet se  italianët kanë edhe regjistrime të tjera, CIA nuk ka folur akoma, organet e reja të prokurorisë e drejtësisë nuk kanë folur akoma. Dhe vec Edi Ramës e Saimir Tahirit ka edhe ca qeveritarë të tjerë që po dridhen se kur do tu dalë emri  në listat e kriminalitetit. Shtoj kësaj  edhe bandat kriminale që bëjnë ligjin  në Elbasan, Vlorë, Durrës, Shkodër , Lushnje etj, të cilat bashkpunojnë hapur e fshehtas me segmentet e qeverisë.  Kjo e  ka emrin  thjeshtë kriminalitet  i ngritur në system në shërbim të banditëve e në dëm të njerëzve të ndershëm të cilët nga mos durimi kërkojnë të largohen me cdo kusht jashtë vendit.

Pas seancës parlamentare, Kryeministri  “ ju  pergjigj” pyetjeve të gazetarëve. Ju pergjigj e them vetëm si shprehje e përdorur rëndomtë në të tilla raste, sepse ai jo vetëm nuk ju  përgjigj, por i sulmoi gazetarët pa as më të voglën etikë. Edi Rama me një arrogancë të paparë, me një fodullëk të pakrahasueshëm me askënd tjetër , i ofendoi  ata duke ju thënë se jeni të paditur, nuk lexoni, nuk kuptoni, jeni pjesë e llumit të kazanit të mediave etj. Kjo arrogancë është e denjë vetëm për njerëz të rrugës, kabadainj, megalomanë të tipit Edi Rama  dhe për askënd tjerër . Nuk e di se si e duruan pa e ofenduar gazetarët e pranishëm, njeriun e gjatë që kishin para mikrofonave. Do të ishte krejt e pranueshme ta kalonin edhe ata  qoftë edhe një herë të vetme  kufirin e mirsjelljes, përpara një njeriu  kaq arrogant sic është Kryeministri  ynë  e kryetari maxhorancës socialiste.

Në gjykimin tim, ju socialistët e   vertetë, duhet të respektoheni  nga gjithë shoqëria, për bindjet tuaja të majta, me të cilat mendoni se shoqëria shqiptare mund të përparojë më shumë me idetë  tuaja sociale. Dakort , e respektoj plotësisht mendimin dhe idetë tuaja. Por, në të njejtën kohë  edhe  ju, ju lutem respektoni   bindjet e mija të djathta (dhe të shumë njerëzve si unë)  për një qeveri  të vogël, taksa të ulta, gjenerim të biznesit, uljen e  borxhit të jashtëm e të brendshëm, per arsimin, shëndetsinë, ndarjen teritoriale, organizimin shteteror etj  sipas pikpamjeve të djathta. Por të nderuar socialist idealist, a mund të më thoni se cfarë lidhje ka Edi Rama me idetë tuaja sociale?  Edi Rama dhe klani i tij nuk janë  socialist e  bartës të  idealeve dhe interesave tuaja.  Ata janë thjeshtë , bartës dhe mbrojtës të  një grusht njerzish multimolionerë, të bërë të tillë me afera korruptive e kriminale. Ju socialist të vertetë duke mbështetur  Edi Ramën në premtimet false, idetë avantureske, kanabizimin dhe kriminalitetitn i keni bërë e vazhdoni ti bëni një dëm të madh të majtës e të djathtës , të sotmes dhe të ardhmes së vendit.  Do të ishte në nderin tuaj një reflektim sa më i shpejtë duke mbeshtetur bartësit e menditit tuaj social, tek ata deputetë e intelektualë  që nuk janë kompromentuar, korruptuar e kriminalizuar  akoma.

Pajtohem me qëndrimet dhe lëvizjet e fundit politike të LSI-së dhe të Kryetares së saj Zonjës Kryemadhi , si për luftën kundër kanabizimit e kriminalitetit dhe në qëndrimin ndaj problemit Tahiri. Por s’mund të pajtohem me lëvizjen e gabuar  parazgjedhore të kesaj force,  e cila nuk ju bashku qëndrimeve të PD-së dhe opozitës, e cila do të kishte sjellë rezultate të tjera zgjedhore. Gabimin që ka bërë po e pëson vetë  nën mëgalomaninë e Edi Ramës, por po e vuan i gjithë populli shqiptar.

Kam mendimin se opozita në tërësi duhet ta njoh autoritetin e PD-së dhe të liderit të saj Lulzim Basha. Ai mund të ketë bërë edhe ndonjë  gabim parazgjedhore i detyruar nga rrethanat dhe vecanërisht ndërkombëtarët, por ka treguar largpamësi e këmbëngulje në betejat për luftën kundër kriminalizimit të shtetit e  kanabizimin duke ju drejtuar me emër  e mbiemër Saimir Tahirit e Edi Ramës dhe  klaneve mafioze që i mbështesnin ata. Po ashtu, në gjykimin tim, ai ka qenë shumë serioz dhe i vendosur   në platformën e tij për reformën në drejtësi. Shpresoj dhe dëshiroj  që  gjithë  opozita  të jetë më e bashkuar në qëndrimet e veprimet e saj, e  të  korigjojë shenjestrën duke ju drejtuar për goditje objektivave madhor.

Kohët e fundit në shkrimet e mia , kam qenë shpesh herë shumë kritik ndaj ndërkombëtarëve, vecanërisht ndaj Departamentit të Shtetit Amerikan dhe BE-së, për mbështetjen e pamerituar që ata i dhanë Edi Ramës në zgjedhjet e fundit parlamentare duke ndihmuar që situata brenda Shqipërisë   të përkeqësohet. Shpresoj që  ata ,nga telenovela Tahiri, të kenë nxjerrë përfundime e duhura  dhe   të ndihmojnë  në përshpejtimin e reformës në drejtësi   duke marrë  pjesë aktive në luftën kundër krimit të organizuar që ka  pushtuar Shqipërinë. Ndihmesa e tyre është shumë e nevojëshme  dhe qëndrimi  pa ekuivok ndaj kriminelëve e të korruptuarve duke folur me emër e mbiemër është  domasdoshmëri .

 

A PO DUKET NË HORIZONT NJË 1997-të E RE?

by

Asllani 21

NGA ASLLAN BUSHATI/Shqiptarët , pas Luftes Dyte Botërore, kanë bërë shumë “marrëzira” ( në se mund ta përdorim këtë term në kontekstin jo fyes për popullin),  disa prej të cilave  kanë qenë edhe kolektive por  shumica nga udhëheqësit  politik. Edhe kur kanë qenë kolektive janë ideuar e mbështetur po nga politikanët. Shkarazi po përmend  disa prej tyre : Nxjerrja  në një  gjyq falls  dhe pushkatimi  i gjithë  deputetëve opozitar në 1945 . Mashtrimi me bombën në Ambasadën Sovjetike dhe pushkatimi  në Tiranë i 22 intelektualëve  atdhetarë pa asnjë arsye. Vënia nën shenjestën e nëndetses  së Bazës se Vlorës me ekuipazh sovjetiko-shqiptar për tre ditë (16, 17, dhe18  dhjetor 1959) e një destrojeri amerikan  në Mesdhe ,me të cilin udhetonte për në Lion-Francë, Presidenti Amerikan Ajzenhauer dhe si pasojë kundërpërgjigjeja amerikane duke vënë nën shenjestrën bërthamore për më shumë se tridhjet vjet  bazat  ushtarako-ajrore të Rinasit e Kucovës, bazën ushtarako-detare të Vlorës dhe  qytetin e Gjirokastrës. Dalldija kolektive e 1967-tës për prishjen e  shkatërrimin e gjithë institucioneve të fesë duke u bërë i vetmi” vend ateist në botë”. Ideja e cmendur ” tu qepemi  kodrave e maleve dhe ti bëjmë pjellore si dhe fushat” duke shkatërruar tërësisht bimësinë,pemët,pyjet, faunën e florën,e  duke bërë erozion shkatërrues të të gjithë vendit  me duart tona . “Ndërtimi me sukses i socializmit duke u mbështetur vetëm në forcat tona”, duke e këthyer vendin në një depo të madhe hekurishtesh me të ashtuquajturat uzina e fabrika moderne. Bunkerizimi i gjithë vendit për tu “ballafaquar e fituar në luftë me gjithë botën”. Marrëzia  kolektive  e 1997-tës me futjen e parave në piramida  e cila coi në  humbjen e  tyre , humbjen e  jetës së mijera shtetasve dhe për inatë të tyre , shkatërrimin e  plotë të  shtetit. Vrasja e besimit se ky vend  nuk mund të bëhet  normal si të tjerët , dhe eksodi i të paktën i një të tretës së numurit të përgjithëshëm të popullatës. Nuk na mjaftuan të gjitha këto, por na “duheshim” edhe dy marrëzi të tjera  dhuratë nga Edi Rama si: kanabizimi i gjithë vendit,dhe së fundi  kriminalizimi i tejskajshëm i pushtetit .

Ka edhe  shumë  të tjera ,por edhe kaq  na mjaftojnë për të dalë në konkluzionin  se për   gati shtatëdhjetë vite këto janë shumë të tepërta për një popull të vogël si i yni, dhe se këto  për të mos thënë i kanë kthyer mbrapsh rrjedhat e përparimit të  vendit , më së pakti mund të themi i kanë  ngadalësuar  ndjeshëm  ato në krahasim me popujt e tjerë në rajon e më gjërë. Në këto kushte pyetja më e thjeshtë  nga cdo shtetas shqiptarë do të ishte  se :  pse kanë ndodhur e  ndodhin këto  gjëra  ne?  Mendoj  se edhe përgjigjja më e thjeshtë  do të ishte se: mbi të gjitha  është  keq qeverisja e këtij vendi.

Edi Rama, nuk realizoi asnjë nga premtimet madhore të mandatit të parë dhe më e keqja , në vend të realizimeve, solli  kanabizimin dhe kriminalizimin e gjithë vendit. Disa nxitojnë ta  mburrin se ai bëri reforma dhe po e bën Shqipërinë shtet. Në gjykimin tim kjo nuk qëndron.  Së pari Shtetin Shqiptar e krijoi Ismail Qemali dhe  e formësoi me të gjithë elementët e shtetit modern perendimor Ahmet Zogu. Së dyti,  lidhur me reformat e Edi Ramës, unë mendoj se ata janë gjysmake e përgjithësisht të dështuara dhe se vetë Edi Rama jo vetëm nuk është reformator, por është një shoumenë, batutaxhi,  hokatar dhe një mashtrues perfekt.

Le të ndalemi pak tek kanabizimi. Disa mendojnë se ai solli punësim të përkohshëm të një sasie njerëzish dhe se fitimet janë brenda vendit e  duke u shëndruar në një pasuri kombëtare. Në këndshikimin tim kjo nuk qëndron për shumë arsye, por nga më kryesorët janë: dëmtimi i imazhit të vendit në sytë e ndërkombëtarëve dhe frenimi i biznesit ndërkombëtar për investim afatgjatë në Shqipëri. Për rrjedhojë kjo frenoi mbi të gjitha, hapjen e vendeve të reja të punës kaq të domosdoshme për brezin e ri, por zvogloi ndieshëm prodhimin e brendëshëm buqësor. Kanabizimi   duke qenë fenomen masiv, tashmë është kthyer në një bankë informale të parave të pista që kërkojnë të blejnë pasuri të patundëshme deri forcërisht duke dëmtuar kështu pronarët e biznesin e vogël dhe duke tjerërsuar forcërisht elementët themelor të bazës ekonomike të vendit.Shkurt me parat e kanabisit, mafia po krijon pasuri konkuruese të pa ligjëshme dhe krejt të pa ndershme.

Tjetër  aspekt është se parat e drogës deformuan  vullnetin , votën e lirë edhe  rezultatin  përfundimtar të  zgjedhjeve të qershorit 2017-të. Edi Rama i bleu ato duke bashkëpunuar  hapur me kriminelët e drogës dhe për pasojë  me rreth njëzet përqind të votave të shqiptarëve udhëheq i vetëm gjithë vendin pa e ditur se ku do të shkojë ,se për këtë mandate të dytë  ai  nuk ka bërë asnjë premtim electoral. Ai i fitoi zgjedhjet jo për zotësi e punë të madhe në realizimin e premtimeve elektorale, por për një ligj elektoral  skandal, për një lëvizje të gabuar politike të LSI-së e cila nuk ju bashkangjit opozitës, dhe për një mbështetje të pa drejtë dhe të pandershme që atij i dhanë ndërkombëtarët.

Humbëse e vetme e gjedhjeve me më shumë se dyqind mijë vota, doli  PD-ja dhe shumë i baltosur e i plagosur Lulzim Basha. Në gjykimin tim,  kjo ndodhi  jo për faj dhe paaftësi të Zotit Basha, por të rrethanave, sepse megjithë përpjekjet e tij për rishikimin e ligjit zgjedhor për gati një vit e gjysëm ajo ju bë e pamundur në një kohë që edhe  ndërkombëtarët ja kishin premtuar një gjë të tillë. Basha me synim zgjedhjet e lira e të nderëshmë u fut në cadër para Kryeministrisë dhe nuk do të futej  edhe në zgjedhje pa u krijuar kushtet për to. Por ndërkombëtarët OSBE, Odihri, BE e SHBA i dhanë gjithë përkrahjen e duhur Edi Ramës ( duke mbyllur sytë përpara mosrealizimeve dhe  paudhësive që kishte bërë ) dhe duke u bërë bashkautorë në shkatërrimin e zgjedhjeve në Shqipëri.  Ata duke mos dashur të ballafaqohen me të vërtetën zgjedhore dhe të drejtën ,  zgjodhën rrugën e deklarimit se zgjedhjet  ishin të mira për Shqipërinë . Por  jam i bindur se po të kishte ndodhur  kjo situatë në një vend tjetër  demokratik me siguri (nuk do të quheshin të  mira për rrethanat), por  do të quheshin  skandal zgjedhor .

Përfaqsuesi i Departamentit të Shtetit Amerikan Yee, e detyroi Zotin Basha të mos shtonte ne dokumentin e  rekomanduar  të ndërkombëtarëve, qoftë edhe një presje të vetme, por vetëm të thoshte “PO”. Pra ndërkombëtarët nuk u shqetësuan  sa duhet për ardhjen e të inkriminuarve në Parlament e në strukturat drejtuese të shtetit dhe kanabizimin e vendit para zgjedhjeve, për të cilat opozita dhe Basha ishin shumë të motivuar e të vendosur për të luftuar kundër tyre. Pyetja shtrohet : atëherë po pse tani  kur zgjedhjet kanë mbaruar dhe  i ka fituar padrejtesisht Rama ,ngrihen e thonë se në Shqipëri ka katër grupe kriminale , njëzet familje etj.  Ku ishin këto  ndërkombërar  para zgjedhjeve kur opozita dhe Zoti  Basha  thërrisnin me të madhe nuk shkohet në zgjedhje me Edi Ramën dhe kriminelët e armatosur?  Pse ata  i imponuan Bashës dhe opozitës një zgjidhje  turpruese me disa ministra teknik, figurant e pafuqi vepruese për rregullimin dhe zgjidhjen e problemit të  zgjedhjeve? Pse  i  mëshojnë  sot specifikisht temës së kriminalitetit , kur ai ishte një fenomen veprues edhe para zgjedhjeve? A mendojnë ata se me këtë veprim  dalin paqshëm dhe të larë  nga ndotja zgjedhore që krijuan? Jo , mendimi im është se ata nuk janë të pastërt dhe të larë me zgjedhjet  e qershorit 2017 në Shqipëri, por janë të  baltosur dhe me përgjegjesi. Ata jo vetëm nuk kanë qenë një arbitër i paanshëm zgjedhor por shumë të anëshëm e pro qeveritar. Më e pakta gjë që mund të thuhet është se kjo është e pandershme.

Tani Edi Rama erdhi në pushtet i vetëm  e me fuqinë e  parave dhe të armëve të bandave. Ata nuk i duhen më, por ai është i pa fuqishëm ti largojë, se i kërkojnë pjesën që kanë investuar . Në këtë raport interesash, bandat kanë filluar të sulmojnë fillimisht njera-tjetrën në Elbasan, Vlorë, Durrës, Shkodër, Lushnje etj, por njëherazi po i tregojnë dhëmbët edhe Edi Ramës duke i  bërë karshillëk në pushtetin vendor të cilin ka rrezik ta nëpërkëmbin shpejt aty ku nuk e kanë nën kontroll akoma. Pas pushtetit vendor bandat do të përplasen me segmentet e shëndosha  të policisë, shërbimit informative, prokurorisë, opozitës dhe segmenteve qeveritare që nuk i përkrahin. Kam të dhëna nga shokë, miq e dashamirë se në Shkodër, Lezhë, Lac, Fush-Krujë, Vorë, Tiranë, Shijak, Durrës, Elbasan, Lushnje, Vlorë etj shumë pronar dyqanesh, trojesh e banesash  e biznesesh të vogla ,po largohen nga pronat e tyre nga presioni i bandave. Në shumicën e rasteve ata ju ofrojnë një ofertë poshtruese dhe më pas në se nuk ja arrijnë qëllimit,  u drejtojnë grykat e armëve dhe tritolin.Por ky nuk është fundi se pas tyre  presioni do të drejtohet tek bankat dhe organet e drejtësisë. Kur e kudo që  bandat do të hasin në pengesa  ata më së pari e pastrojnë vendin me armë. Kjo është 1997-ta  e re që po gatuhet në vorbullën e ideve e të praktikave të  Edi Ramës.

Në gjykimin tim, Edi Rama është i falimentuar në cdo kuptim, se  ai nuk ka para e  nuk ka mundesi ta thërras investitorin e huaj se është i pa besueshëm për te. Pra nuk mund të hap vende të reja  pune, nuk mund të bëjë investime publike  në infrastrukturë, arsim e shëndetësi etj. Edhe ne se bën përpjekje për ngritjen e rrogave e të pensioneve, ose do të shtojë borxhet (të cilat aktualisht  jane shume të larta), ose do të rrisë inflacionin që është po ashtu shkatërruese për ekonomine e Shqipërisë . Pra ky njeri i falimentuar  nuk i duhet askujt tjetër përvec bandave që vetë i krijoi. Atëherë pse duhet të mbahet në pushtet?  Shqiptarët nuk kanë nevojë për një shoumenë, hokatar e batutaxhi, qe kudo qe shkon ben teater , nje njeri  pa ide e platforma për të ardhmen e vendit. Ai nuk eshte reformator por thjeshte genjeshtar e nje mashtrues i kamufluar, te cilit s’mund ti besosh per asgje jo me te ardhmen e vendit .

Në këtë situatë është e nevojshme që  opozita jo vetëm të bllokojë foltoren e Parlamentit, por ta rrethojë   Parlamentin  , Kryministrinë, ministristë, sheshet e  kryqëzimet me  njerëz paqësor,e  jo të dhunshëm, për ta larguar nga pushtetit një orë e më parë Edi Ramën . Largimi i tij do të krijojë mundësinë dhe hapsirën e nevojshme për të luftuar dhe zhbërë strukturat organizative, parat, pasuritë , asetet dhe cdo gjë të mafias dhe të bandave kriminale të cilat janë një rrezik serioz për të ardhmen e Shqipërisë. Që 1997-ta të mos përsëritet më, këtij njeriu të papergjegjshem  i  duhet thënë NDAL.

DY DEKADA TË TV KULTURA SHQIPTARE

by

Asllani Portret-66

Nga Asllan Bushati/Ishte prilli i vitit 1998. Problemet ne Kosovë po zjenin . Gjak  shqiptarësh po derdhej nga shtypja, dhuna e reprezaljet e  skadroneve ushtarako-policore  të  Milloshevicit. Diaspora ishte ngritur në këmbë   në SHBA, Europë  e kudo në mbrojtje të Kosovës. Fondacioni “Vendlindja thërret” bënte dy mitingje në dite (si edhe organizma të tjerë të diasporës), për të ndërgjegjësuar komunitetin vecanërisht në tri shtetëshin NY, NJ dhe Kenerika, e  për të mbështetur me të gjitha mënyrat e mjetet,  formacionet e ardhëshme  ushtarake të  Kosovës. Në kuadër të kësaj veprimtarie në disa zyra në Artur Avenue në Bronx dhe  në mjediset e Royall Regency  Hotel  në Yankers të NY,  së bashku me disa kolegë të tjerë, i ishim futur  punës për ngritjen dhe stërvitjen e “Batalionit Atllantiku”. Aty erdhën shumë  reporter televizionesh të cilët donin të filmonin dhe të merrnin intervista, por ne për të mbrojtur punën tonë nga ndonjë keqbërës, nuk pranuam të  publikonim atë  që po bënim (me përjashtim të të autorizuarve të Shtetit Amerikan). Ne si shtaf drejtues , kishim autorizuar( për efekt arkivi)  Zotin Gani Bllaka të bënte foto-portretin e cdo pjesëmarësi të Batalionit Atllantiku dhe të filmonte disa pjesë të ngritjes e stërvitjes së Batalionit, filmime të cilat do ti shërbenin historisë së ardhme së UCK-së.

Por ndërkohë  që po punonim ,erdhi  të na takonte  edhe Zoti Adem Belliu , cili kishte filluar që  në 1997, një program televiziv një orësh në gjuhën shqipe i  njohur me emrin” TV Kultura Shqiptare” . Ishte hera e parë që e takoja  dhe  përnjëherësh më krijoi përshtypjen e intelektualit e  atdhetarit të formuar me idetë  dhe prakticitetin  e kohës, e larg  slloganeve e steriotipeve të  së shkuarës.  Pasi shkëmbyem disa mendime  me  Zotin Adem, ramë dakort se do të ishte një gjë e mirë për të ardhmen që edhe  TV-ja Kultura Shqiptare ta  filmonte këtë veprimtari. Ashtu u bë, dhe që nga ajo kohë e deri më sot  po bëhen dy dekada që shohim, ndiejmë e shijojmë gjithë  programet e TV Kultura Shqiptare së bashku me familjarët, miqt, shokët, vatranët dhe gjithë bashkatdhetarët në SHBA. Ai tashmë midis nesh është një “familjar” shtesë cdo ditë e cdo  natë.

Programi i ketij TV, nisi si një program kulturor një orësh në javë, por  në këto njëzet vite, ai  ka pësuar një evolucion të vërtetë zhvillimi. Ai ka ardhur duke u shtuar në orë transmetimi, është pasuruar në përmbajtje, është përsosur figura, dritëhijet, portreti, këndi i shikimit, titrat, zëri, transmetimi etj. Eshtë bërë jo vetëm kulturor por dhe informues, është bërë jo vetëm hulumtues   por edhe arenë debate për problemet shqetësuese të komunitetit madje dhe të Kombit.Eshtë  bërë  promovues i sukseseve  në biznes,por edhe shumë argëtues për të  gjitha moshat e njerëzve të  komunitetit shqiptar. Ëshë bërë mjet i pa zëvëndësueshëm për fëmijët e komunitetit që ata ta mësojnë e mbajnë gjallë gjuhën e bukur shqipe. Por, mbi të gjitha  arkivi i TV Kultura Shqiptare  në këto njëzet vite,  i  hedhur në shirita e CD, është një enciklopedi e gjallë e jetës dhe e veprimtarisë së komunitetit shqiptar në SHBA.

Me këtë rast , specifikisht do të theksoja se të gjitha aktivitetet kryesore të Vatrës në këto njëzet vite si : Kuvendet e Vatrës, formimi i disa degëve të reja, festimet e Ditës Pavarsisë së Shqipërisë e Kosovës,përvjetore për Nolin, Konicën, Arshi Pipën, Mithat Frashrin,Abas Kupin, Mark Krasniqin, Musine Kokalarin, promovime librash etj, janë filmuar e transmetuar nga TV Kultura Shqiptare. Kjo  ka qenë për ne vatranët ( e vecanërisht drejtuesit), një ndihmesë  shumë e madhe në përcielljen para vatranëve e gjithë komunitetit  të problemeve, shqetësimeve dhe ideve  të Vatrës për të ardhmen. Nuk ka patur aktivitet madhor të Vatrës që drejtuesit e saj të mos jenë  ftuar para mikrofonit të TV Kultura Shqiptare e  intervistuar, duke përciellë kështu nëpërmjet këtij ekrani, jo vetëm frymën e vendimeve të marra, por edhe ndiesitë shpirtërore e qytetare të të zgjedhurve në organet drejtuese. Dhe sic është vepruar me Vatrën, është vepruar edhe me të gjitha shoqatat, organizmat dhe institucionet e tjera të komunitetit. Kam bindjen se  Shoqatat: Liga Civile shqiptaro-amerikane, “Motrat Qirjazi”, ”Kosova”,  “Cameria”, “Dibra”,” Malsia”etj ,do të kishin vënë  në dukje më specifikisht shumë detaje të punës së mbrekullueshme e të  pa lodhur të këtij televizioni.

Tematika rreth ceshtjeve e shqetësimeve  të mëdha kombëtare ka qenë jo vetëm  e pranishme në TV Kultura Shqiptare , por ka qenë boshti dhe  strumullari i pjesës më thelbësore të emisioneve të transmetuara. Forcimi i demokracisë dhe i shtetit ligjor në Shqipëri e Kosovë, zgjedhjet e lira, punësimi, rritja e mirëqenies, frenimi i emigrimit, zhvillimi i arsimit,kulturës, shëndetsisë , e lufta kundër kriminalitetit, janë trajtuar me përparësi nga vetë TV Kultura Shqiptare  (Zoti Adem Belliu) e gazetarët Dalip Greca, Marjana  Zeneli  Bulku etj  dhe personalitetet e komunitetit. Po ashtu me shume vemendje janë trajtuar edhe  problemet e shqiptarëve në trojet e tyre etnike në Maqedoni, në Camëri, Mal të Zi, Luginën e Preshevës etj.

Reportazhet e TV Kultura Shqiptare kanë patur  si dimension hapsinor nga NY në Kaliforni e nga Alaska në Florida. Madje kohët e fundit edhe nga gjithë trojet etnike shqiptare. Por mbledhja e informacionit në këto distance, përpunimi i të dhënave,  përgatija dhe transmetimi, kanë qenë e janë një punë voluminoze dhe shumë e lodhëshme për Zotin Adem Belliu, bashkshorten e tij Mimoza, vajzën Vera, e djalin  Gertold. Për të cilët komunitetit në këtë njëzet vjetor,  shpreh ndjenjat e konsideratës me të lartë. Kudo e kurdoherë është përdorur një fjalor i zgjedhur, gjuhë e kulturuar, larmëni shprehjesh e frazash të dialekteve te ndryshme, por pa cënuar aspak versionin zyrtar të  gjuhes  njesuar . E tashme ky TV pothuaj i ka kaluar brezit te dyte, sepse Vera Belliu pothuaj drejton nentedhjete perqind te emisioneve.

Shumë politikanë, njerëz të artit e kulturës, nxënës e student nga Shqipëria , Kosova, diaspora  dhe trevat etnike, kanë patur rastin të ftohen e ta  përdorin mikrofonin e TV Kultura Shqiptare, që  ndiesitë dhe shqetësinet e tyre t’ja përciellin komunitetit shqiptaro-amerikan e më gjërë. Kjo e ka bërë këtë TV një mik më të mirë e më të besueshëm,  të të gjithë shqiptarëve pa dallim krahine, krahu politik, feje  a dallimi tjetër.

Dhe së fundi, është e pa mundur që në një copëz shkrimi në përvjetorin e njëzetë të jetës së TV Kultura Shqiptare, të rroket e të vihet në dukje gjithë ajo punë kolosale që është bërë, e cila po të hidhej në letër do të ishte mijra faqesh. Pa ashtu, është dashur që organizma përfaqësues të komunitetit, në këtë përvjetor ti propozinin Presidentëve të Shqipërisë dhe Kosovës, dekorimin e këtij televizioni si institucion dhe të Drejtorit të tij  Zotit Adem Belliu me medalje e urdhera të nivelit të merituar. TV Kultura Shqiptare është mjet i fuqishëm i komunikimit dhe edukimit e si i tillë ka nevoje edhe per përkrahjen jo vetëm morale por edhe financiare  të biznesmenëve e organizmave të tjerë të komunitetit. Dhe më e vogla gjë që mund të bëjmë është që më  29 Tetor të marrim pjesë në mbrëmjen gala të njëzet vjetorit të tij.