– Botev Plovdiv – Dielli

Nga Albano Kolonjari/

Partizani: Tomorri:”Besoj tek forca e grupit”.

Botev Plovdiv. Kirov:”Partizanit i njoh historine”.

“Besoj tek eksperienca dhe forca e grupit”, shprehet drejtori i FK Partizanit Genc Tomorri. Legjenda e kuqe do te luaje ne Europa League perballe skuadres bullgare Botev Plovdiv. Ndeshja e pare do te luhet ne Elbasan Arena me daten 29 qershor, kurse ajo e kthimit me 6 korrik ne Plovdiv te Bullgarise. Nga ekipi i Partizanit jane larguar Ramadani dhe Cetkovic. Golashenuesi me i mire i skuadres Caleb Ekuban dhe mesfushori argjentinsa Agustin Torassa jane ne bisedime me klubi te tjere dhe ende nuk kane kthyer pergjigje nese do te luajne me Partizanin ne Europa Leagua. Nga ana tjeter te kuqte kane marre ne ekip per sezonin e ardheshem Prognin dhe Kotobelli qe sezonin e kaluar luajten me Teuten e Durresit.

Tomori: Sigurisht që të gjithë në short presin një kundërshtar të lehtë. Duke parë edhe koefiçentin që ka besoj se bullgarët mund të konsiderohen një ekip i pranueshëm. Sigurisht nuk duhet të harrojmë që kampionati bullgar është një kampionat i forte, ndaj nuk duhet ta nënvlerësojmë, por as ta mbivlerësojmë, pasi sezonin e kaluar ne jemi përballur me ekipe edhe më të forta. Për momentin nuk kemi informacion të mjaftueshëm për ekipin e Plovdiv , por përgjatë kësaj periudhe do të marrim të gjithë informacionin e duhur. Në ndeshjen e parë në Tiranë do të mundohemi të mos pësojmë gol dhe të shënojmë , por gjithsesi ndeshja e kthimit në Bullgari do të jetë përcaktuese.

Sa mendoni se do ti shërbej Partizanit paraqitjet pozitive që dhuroj sezonin e kaluar në Kupat e Evropës?

Tomori: Padyshim në sezonin e kaluar u përballëm me skuadra mjaft të forta, por e përsëris ne nuk duhet të nënvlerësojmë asgjë. Sigurisht që pjesa më e madhe e ekipit është ruajtur ndaj edhe lojtarët tashmë kanë fituar përvojën e duhur për tu përballur në ndeshjet ndërkombëtare . Ajo eksperiencë e fituar në sezonin e kaluar sigurisht do të na shërbej edhe në këtë sezon. Objektivi ynë primar është kualifikimi në turin e parë eleminator , më pas, sigurisht do tentojmë të synojmë kualifikimin edhe në turin pasardhës.

Trajneri i skuadrës së Botev Plovdiv, Nikolai Kirov u shpreh se:”Partizani është një skuadër të cilën nuk e njohim. Njohim vetëm një pjesë të historisë së këtij klubi, por na duhet ende të mbledhim informacione tekniko-sportive rreth tyre. Nuk kemi shumë kohë deri në ndeshjen e parë por do të bëjmë më të mirën e mundshme për të njohur në detaje lojën e tyre dhe për t’u përgatitur për ndeshjen”.