Nga Shefqet Kërcelli/

Parditen e 27 prillit, në rajonin e gjirit të Vlorës u zhvillua stërvitja “Vlora-Sarex-2016” me pjesmarrjen e personelit dhe mjeteve detare të Flotiljes Detare Pashaliman{FDP} dhe institucioneve detare që veprojnë në qarkun e Vlorës. Stërvitja u zhvillua në zbatim të matricës kryesore të veprimtarive të Flotiljes Detare Pashaliman, si dhe planit vjetor të stërvitjeve në FDP.  Stërvitjen e ndoqën nga afër Zv/Ministri i Mbrojtjes z.Petro Koci, Shefi i Shtabit të Përgjithshëm të FA, Gjeneralmajor Jeronim Bazo, Kryetari i Bashkisë Vlorë, z.Dritan Leli, Zv/Komandanti i Forcës Detare, Kapiten i Rangut të I-rë, Adnand Agastra, etj. Qëllimi i stërvitjes “VLORA SAREX 16” ishte rritja e mëtejshme e kapaciteteve Operacionale të shtabeve, reparteve e mjeteve detare gjatë procesit të planëzimit dhe realizimit të Operacioneve të Kërkim-Shpëtimit (SAR) në bashkëpunim me institucionet e tjera që kanë interesa në det. Për mëse një orë efektivat e Grupeve Patrulluese, konkretisht Anijet “ORIKU P-132” “BUTRINTI P-134”, bashkë me gomonet e tyre, një anije e klasit “Drini” dhe “Bora”{Tip ARCHAngel}, dy mjete detare të shpejta nga Njësia e Lëvizshme Territoriale e Kufirit dhe Migacionit (Forca Delta) dhe një mjet detar i Drejtorisë Rajonale të Kufirit & Migracionit (Policia Kufitare), demostruan veprime të shpejta e profesionale në kryerjen e operacioneve të kërkim-shpëtimit dhe zbatimit të ligjshmërisë Detare. Në këtë mënyrë institucionet detare që veprojnë në qarkun e Vlorës hodhën një hap tjetër për tu aftësuar në përballjen e emergjencave detare në Detin JON. Në fund Shefi i Shtabit të FA, Gjeneral-major Jeronim Bazo, përgëzoi efektivat pjesmarrës të kësaj stërvitje për përmbushjen me sukses të objektivave e synimeve të caktuara.