Dr.Zekri Palushi – Dielli

COVID-19 DO TË MBETET NË HISTORI SI NJË VIRUS ME VIRULENCË POLITIKE …

May 18, 2020 by dgreca

– Dalin dy pyetje që s’kanë marrë ende përgjigje të saktë: Cili është burimi ekzakt i këtij virusi: Marketi i Gjësë së Gjallë, apo laboratorët e Virologjike të Wuhanit? A do ta lejojë Kina zbulimin e së vërtetës?

– A ka një ilaç efektiv, dhe jo të kushtueshëm, që në rast nevoje, mund ta përdorim kundër tij?

– Përse po rekomandohet Remdesivir (RDV) -që është një ilaç anti-viral, shumë i shtrenjtë, dhe me efekte t’pa dëshirueshme anësore, në vend të Kinina, HCQ (HYDROXYCHLORQUINE),- një ilaç jo i shtrenjtë, antimalarje, efektiv kundra SARS në vitin 2005, rezultativ edhe kundër COVID-19?

SHKRUAN PER DIELLIN NGA AUSTRALIA: DR. ZEKRI PALUSHI

Në kohët që po jetojmë, thënia e George Orwell: “The further a society drifts from truth the more it will hate those who speak it”, (Sa ma shumë shoqëria njerëzore i largohet së vërtetës, aq ma shume ajo do t‘i urrejë ata që flasin për të)- merr një kuptim ma t’madh.

Realisht, ne njerëzit jemi të etur për të ditur me ekzaktësi faktet apo vërtetësinë e ngjarjeve që kanë ndodhur apo që do të ndodhin, -gjë që asht shumë e vështirë, dhe mendimet për ato gjana që s’mund ti dimë, apo si dimë me ekzaktësi, na i ngacmojnë mendjet, dhe ky ngacmim i vazhdueshëm që na rrin çekiç në tru, na ndikon në jetën tonë të përditshme duke na e vështirsu atë. Ndërkohë, jeta jonë do të ishte ma e kollajshme, nëse do të mësoheshim të toleronim ambiguitetin (interpertimet e ndryshme).

Kjo shkon veçanërisht në fushën mjekësore, ku nga njëherë asht ma mirë të mos kesh një përgjigje, sesa të keshë një përgjigje të gabuar. Punimet shkencore në Dunning-Kruger effect tregojnë se sa ma pak njerëzit të dinë rreth diçkaje, aq ma t’sigurt ata janë, dhe kjo “siguri” i ban ata të lumtur.

Këtë fenomen ne e konstatojmë edhe në rastin e COVID-19, -që deri më tash, -(pa marrë në konsideratë ekzagjerimet), ka infektue në të gjith botën, 4.708.435 njerëz, nga të cilët 311.954 kanë vdekur(deri me 17 maj). Prandaj seicili prej nesh dëshiron të ketë përgjigje të sakta për dy pyetje kryesore që janë: -Burimi ekzakt i këtij virusi, (ka ardhë prej Marketit të Gjasë së Gjallë, apo prej laboratorëve Virologjike të Wuhanit)? Dhe a ka një ilaç efektiv, dhe jo të kushtueshëm, që në rast nevoje, mund ta përdorim kundër tij.

Përgjigje të arsyeshme për të dyja kto pyetje duhet të ishin ‘PO’ -megjithatë ne s’do ta kemi të lehtë që t’marrim përgjigjet e pyetjeve tona, kur dimë se Partia Komuniste Kineze dhe Organizata Botërore e Shëndetësisë, kanë ba dhe po bajnë ç’mosin për të MBULUE të VËRTETAT.

Ndërkohë, asht e kuptueshme se marrja e këtyre përgjigjeve do të ishte e randësishme jo vetëm për shuarjen e kuriozitetit tonë, -por ma e randësishme do të ishte se këto përgjigje do t’na tregonin me ekzaktësi origjinën e këtij virusi, mbartësin e tij, dhe rrugët e infektimit. N. q. s i kemi këto të dhana, -atëherë e kemi shumë ma t’kollajshme për të gjetë rrugët e parandalimit apo të ri-ardhjes së tij.

Përgjigjet e sakta të këtyre pyetjeve, do të ishin shumë të rëndësishme edhe për qeveritë. Kjo do t’ju jepte atyre konfidencën e nevojshme për të fillue sa ma shpejt punën në drejtim të ekonomisë, që aktualisht asht në pikën e vdekjes.

Fillimisht ideja se COVID-19, mund të kishte rrjedhur nga një prej Laboratorëve të Wuhanit, u hodh poshtë si një Teori Konspirative’-(falë “Teorisë Konspiracionit”,të Majtit/kripto-komunistët po realizojnë gradualisht, me mjeshtri e fshehtësi planet e tyre), por tashma, zyrtarë të ndryshëm, në pozita të niveleve të larta qeveritarë dhe të inteligjencës, si në Amerikë, Australi, Britani etj, besojnë se ky virus mund të ketë rrjedhë nga një prej dy Laboratorëve Virologjikë të Wuhanit, -gjë që është duke e shqetësuar shumë Kinën.

Gjetja e së vërtetës në lidhje me COVID-19, do të ishte një goditje e fortë për propogandën e Partisë Komuniste, dhe reputacionin e saj para popullit te vet, dhe botës.

Prandaj ajo asht duke ba t’pamundurën për të ç’vendosë vëmendjen e botës perëndimore ndaj kërkesave për gjetjen e s’vërtetës, duke i kërcnue këto me sanksione të ndryshme.

Por çfar do të thuash për komunistët kinez, kur në shumicë, politikanët e krahut të Majtë, në vendet e zhvillume të botës, përfshi dhe Governorin e New York-ut, -Andrew Cuomo, (anëtar i Partisë Demokratike të Amerikës), e quan COVID-19, ‘virus Europian’.

Tani le t’i rikthehemi analizimit të përpjekjeve që po bahen në Amerikë, në drejtim të mjekimit të COVID-19, -rezultatet e të cilit, influencojnë në të gjithë botën.

Shkurtimisht, në Amerikë po rekomandohet 2 ilaçe që mund të luftojnë COVID-19,

Kinina, HCQ (HYDROXYCHLORQUINE),- një ilaç jo i shtrenjtë, që është përdorë kundra malarjes, -por që ka dhanë rezultate shumë të mira edhe kundra SARS në vitin 2005, e tash po përdoret me sukses edhe kundra COVID-19, si në Itali, Spanjë, Portugali dhe në disa pjesë të Francës. Ndërkohë, -çuditërisht ky ilaç asht refuzue të përdoret në shumicën e Amerikës dhe Britanisë.

Remdesivir (RDV), -që është një ilaç anti-viral, shumë i shtrenjtë, dhe me efekte t’pa dëshirueshme anësore.

Me 29 Prill, Revista Mjekësore LANCET ka publikue rezultatet të përmbledhura të punimeve shkencore rreth Remdesivir-it (RDV). Aty dalin shumë qartë faktet që ky ilaç jo vetëm që s’punon siç duhet, por 66% e pacientëve patën evente të pa dëshirueshme si, disfunksion të shumë organeve, shok septic, damtime acute të veshkave, ulje të tensionit të gjakut (BP), damtime të melçise dhe insuficience acute respiratore.

Po çfare dimë ma tepër për Quininen (Hydroxychloroquine-HCQ)?

Oliver Cromwell, -që njihet ma së shumti për kthimin e Anglisë në republikë dhe pastrimin etnik të Irlandës, -vdiq nga malaria në vitin 1658, pasi ai s’pranoi të mjekohej me ekstratin e një bime mjekësore, të quajtur ‘bark e pemës cinochona’ që rritej vetëm në Peru, e që përmbante quinine. Mqs, kjo bimë ishte sjellë në atë kohë në Europë, nga misionarët Jezuit, Cromwell-i s’pati besim në të, e ky mosbesim i kushtoi atij jetën.

Siç duket historia përsërit vehten, -pra pas rreth mbi 350 vjetësh.

Në Shkurt, një grup ekspertësh Kinez, të drejtuar nga Zhong Nanshan, -(një shkencëtar që pat qenë i pari që zbuloi një mjekim efektiv për SARS), -publikuan rezultate aq impresive të një studimi për HCQ, sa që e deklaruan si Mjekim Standart për COVID-19.

Që prej Shkurtit, të paktën edhe 5 studime (trials) të tjera prej vendeve të ndryshme Mediterriane, Afrikane, Latino-Amerikane dhe Aziatike kanë vërtetuar praktikisht se përdorimi i HCQ, ka paksu mortalitetin, ka paksu ngarkesën virale, ka paksu shtrimet në spital, ka paksu progresimin e keqësimeve dhe ka shpejtu kohën e përmirësimit dhe shërimit, -vecanërisht nqs mjekimi fillohet shpejt. Me gjithë këto të dhana pozitive, FDA-s Amerikane i mori dy muj që të lëshonte një Autorizim Përdorimi Urgjent (Emergency Use Authorisation), për ta përdor quininen, – por vetëm për të shtruarit në spitale.

Ndërkohë, Dr Fauci ka dhanë 70 milion dollar (sigurisht, nga ato të tax-paguesve), për të studjue anti-viralin Remdesivir (RDV), – një studim krejt i pa-nevojshëm, në të cilin asht angazhue edhe OBSH-ja (Organizata Botrore e Shëndetësisë). Për ma tepër, edhe Instituti Virologjik i Wuhanit, (pa zhurmë), më 21 Janar, (para se të publikonte rezultatet e provave të tij sekrete më 4 Shkurt, për rezultatet shumë të mira të HCQ+AZT (Azithromicine), kishte paraqitë një aplikim patente për RDV!!!

Siç shihet, asnjë prej tyre s’janë të interesuar në efektivitetin e provuem dhe cmimin shumë të arsyeshëm të HYDROCHLORQUININES (HCQ). Ndërsa ato dinë shumë mirë rezultatet e publikuara më 29 Prill, nga Rrevista Mjekesore LANCET,-ku janë dhanë të përmbledhura punimet shkencore rreth Remdesvir-it (RDV).

Edhe pas këtyre t’dhanave, Dr Fauci-t nuk ndryshoi mendja, ai bile publikoi rezultatet e studimeve të veta rreth RDV, ku tregonte se pacjentët e tij u përmirësuan 4 ditë më shpejt, ndërkohë që përqindja e mortalitet, s’pati ndonjë përmirësim të randësishëm statistikor. Çuditërisht ai nuk publikoj të dhëna të tjera të studimit të tij, që të tjerët t’kishin mundësi ti analizonin. Kjo nuk e pengoj atë që të deklaronte se RDV mund të jetë si ‘mjekim standart’ për COVID-19 (‘Standart of care’), -ndërkaq, FDA (Food and Drug Administration) e Amerikës lëshoj një Autorizim Përdorimi Urgjent (Emergency Use Authorization), për përdorimin e RDV, në rastet serioze, për të sëmurët në spitale.

Një Zot e din pse Dr Fauci kambëngul në kët ilac. Por merret me mend, se ai ka mbështetjen e shumicës së anëtarve të Komisionit që kanë kompetenca të vendosin se cilin mjekim duhet të përdorim kundra COVID-19. Dimë që nga ky Komision, – 9 antarë kan tregue (disclose) lidhjet e tyre financiare me kompaninë farmaceutike GILEAD. Po kështu, nuk janë të pakët ekspertët mjeksorë e shkencorë që anojnë në favor të propogandimit të RDV, por që në fakt gëzojnë edhe do përfitime financiare nga GILEAD. Për shembull, Dr Jean-Michel Molina and Dr Constance Delaugerre që kanë drejtue një studim (trial), kanë marrë mbi 100.000 dollar. Nëpërmjet të dhanave të publikuara, ata thonë se s’ka evidencë që mjekimi me HCQ+AZT punon në të sëmurët me COVID-19. Në të vërtetë, nëse studimi i tyre tregoi dicka, ai ishte se në 11 pacjentët që ishin të sëmurë shumë randë me COVID-19, e që u trajtuan me HCQ+AZT, vetëm një vdiq, -kjo në fakt është një arritje e shkëlqyeshme kur dihet se 8 prej 11 pacjentve patën edhe sëmundje të tjera shoqëruese si obezitet, cancer dhe infeksione me HIV. Professor Katherine Seley-Radke që pajtohet me Molina, ka shares në GILEAD.

Lajmi ma i mirë, -që ja shtoi menjëherë (16 bilion dollar) vlerat e marketit (market values), Kompanisë Farmaceutike GILEAD, ishte konkludimi i OBSH-së, nga fillimi i këtij viti, kur tha se RDV (remdesivir), ishte kandidati ma premtues për shërimin e COVID-19.

Ndërsa për popujt tax-pagues, – e vecanërisht të atyre vendeve në-zhvillim,-ku hyn edhe Shqipëria, -konkludimi i OBSH-së, asht një lajm i keq, me pasoja shumë të mëdha.

Do t’ishte interesante të spekullonim se, tash që vëte Dr Anthony Fauci ka hy në quarantinë, -cilin nga keto dy ilaçe ai do të përdorë? -Le të shpresojmë se ai s’do të zgjedhë rrugën e Oliver Cromwell-it.

Pak fjalë në përgjithësi: Ne shqiptarët njihemi për marrdhanie të mira familjare e shoqërore, dhe ndihmën e dashurinë e shfaqur apo t’pa shfaqur që kemi për njeri-tjetrin, -kto janë favore të mëdha në këtë kohë izolimi të pakuptimtë.

Personat me lidhje të forta shoqërore kanë 50% ma pak shanse për vdekje të parakohshme. Marrëdhëniet e varfëra shoqërore, mund ta dëmtojnë jetëgjatësinë aq sa e dëmtojnë edhe pirja e 15 cigareve në ditë, -ato e influencojnë jetëgjatësinë më shumë se obeziteti, alcoholi dhe mungesa e ushtrimeve fizike (lack of exercise).

VETMIA shoqërohet me rritjen e rrisqeve për zhvillimin e sëmundjeve të enëve coronare të zemrës, rritje të Tensionit të Gjakut (high BP), stroke, dementia, ankth dhe depression. Gjithashtu, vetmia mund edhe të na mbysë krejt. Në librat Mjeksore të pas-viteve 1990, shkruhet e përshkruhet në lidhje me TAKOSUBO syndrome, -që ne Shqiptarët do ta quanim “Zemër e plasur”, – një cardio-myopathy me shkaktarë mërzitjen dhe STRESET.

Le t’shpresojmë se ‘Distancimi social’ të mos jetë një trashegimi e COVID-19, -dhe të mos zëvendësojë fjalinë “God bless you” (Zoti ju bekoftë), -që mendohet të ketë origjinën nga Roma, kur ‘Murtaja e Zezë” e (shkaktuar nga Yersina pestis, që infekton kryesisht minjet e zi, dhe pastaj njerëzit), -ishte duke shkatrrue Europën. Teshtitja në atë kohë ishte symptomi kryesore i asaj sëmundje, -prandaj Pope Gregory I, u sygjeroi njerëzve që të përdorin këtë lutje të shkurtë pas çdo teshtitje, – me mendimin se kjo do t’i mbronte prej vdekjes.

Përfundimisht, për mendimin tim, – COVID-19, do të shkojë në histori, dhe do të mbahet mend, -shumë ma tepër si një ‘Virus me virulencë Politike’-se sa për aftësitë e tij infektuese njerëzore.

E them këtë, duke u bazuar në faktin se, -shumë nga Mediat kryesore nuk e fshefin dëshirën e madhe që kanë për mos-suksesin e Hydroxychloroquine-nes , -kjo për arsyen e vetme se presidenti Trump, ishte nga entusistikët e parë promotues të ktij ilaci (jo pa baza).

Po kështu, shumë të tjerë në Amerikë, luten cdo ditë që COVID-19 të bëjë sa ma shumë damtime, -duke shpresue se kjo ka për t’shkatrrue përfundimisht shanset e Trumpi-t për tu ri-zgjedhur.

Shqiptarët mund të jenë populli ma me ekperiencë për të nuhatur ngjarjet e tanishme. Komunizmi na i ka mpreh në maksimum “shqisat” politike, që ne duhet t’i përdorim cdo ditë, -nëse s’duam të biem përsëri në Kurthet Komuniste.

Pjesmarrja e Greta Thunberg-ut, -(një fëmijë me shumë probleme mendore të spektrit autistic), në panelin e ekspertëve të CNN-it, duhet të na kujtojë filmin “Lulkuqet mbi mure”.

Dr Zekri Palushi,

Australi, 17 Maj 2020

Në bashkëjetesë me COVID-19

April 17, 2020 by dgreca

….nëse ju keni kalue një infeksion COVID-19, -unë ju siguroj se tashma në trupin tuaj, ju keni mjaft antitrupa të krijuar që do t’ju mbrojnë nga COVID-19, -dhe nëse ju mund të ri-infektoheni, le të themi në sezonin dimror të vitit tjetër, kur kto viruse do të kthehen përsëri, ju mund ta kaloni shumë lehtë, e ndoshta bile s’do ta vini re aspak./

Shkruan: DR.ZEKRI PALUSHI/

Të dashur lexues, -me shumë respekt po ju paralajmëroj se ky shkrim ka një përmbajtje ma shumë teorike, -gjë që e ban leximin pak të bezdisshëm, por ju lutem, merrni mundimin që ta lexoni deri në fund. Zgjerimi i dijenive rreth viruseve, dhe situatës aktuale,-ndihmojnë në qetësimin tuj, shpirtnor e psikologjik. Frika, asht ndjenja emocionale ma e vjetra e ma e forta e njerzimit. Ajo asht ngjitëse (contagious), dhe askush s’mund t’i shmanget, -sidomos në rrethanat ku mbizotron e pa-njohura, dhe pa-siguria, -siç asht koha që po jetojmë.

VIRUSET

Të kthehemi tek VIRUSET

Fjala ‘VIRUS’, rrjedh prej gjuhës Latine,-që do të thotë ‘helem’. Por sa i njohim ne viruset, dhe a janë ato pjestarë të botës së gjallë?

Megjithëse viruset janë të aftë të shkaktojnë sëmundje të rrezikshme, e nganjëherë vdekje-prurëse siç janë psh, Ifluenzen (gripin), Ebola-n, Tërbimin (Rabies), Lijen (Smallpox), etj, -prap se prap, kto nuk klasifikohen si pjestar të botës së gjallë.

Viruset janë grimca (particles) shumë të vogla, të një madhësie që varion nga 20 deri në 400 nanometer. At s’kanë qeliza, s’kanë sistem nervore…, pra ato s’kanë një “makineri” biologjike për t’u shumzue nëpërmjet ndarjes qelizore, -ato nuk konsumojnë energji për t’jetuar, -pra ato s’kanë as procese metabolike, -siç kanë psh, çdo gja tjetër e gjallë, -ku përfshihen edhe bakteriet dhe funguset.

Viruset përbëhen nga Acidet Nukleike (Nucleic acids), që mund të jenë, -DNA (Deoxyribonucleic acid) ose RNA (Ribonucleic acid), që së bashku me Lipidet (yndyrnat), Proteinat dhe Carbohidratet, formojnë 4 molekulat ma të mëdha biologjike, që janë esenciale për të gjitha format e njohura të jetës.

Acidi nukleik i virusit asht i mbështjellur me një veshje proteinike, ku strehoet apo ruhet edhe proteina virale e tij, që merr pjesë në zhvillimin e infeksionit.

Që të riprodhojnë vetë-vehten, -viruset duhet së pari të hynë në qelizat e një “mik-pritësi”, ku menjëherë fillojnë modifikimin e aparatit ri-prodhes të këtyre qelizave, -duke i kthye ato, në një “makine foto-kopjuse”, -ku “fotokopjojnë” kodin e vet gjenetik, -të cilin pastaj e mbështjellin brenda një “kontaineri” të sapo formuar, që quhet CAPSID. Tashma, qelizat e “marruna peng” të ‘mik-pritësit”,- punojnë sipas instruksioneve të ardhura nga acidet nukleice të virusit, -keshtu pra ato vazhdojnë të prodhojnë proteinë pathologjike virale.

Kategorizimi i viruseve si “gja- jo-e- gjalle”, i ka sjell njerëzimit pasoja t’pa qëllimshme. Shumë nga kërkuesit shkencore, deri më tani, në studimet e tyre mbi evolucionin, -i kan injoruar viruset. Fatmirësisht, kohët e fundit,këto shkencëtar po i vlerësojnë viruset si ‘lojtar fundamental’ në Historin e Jetës.

Çuditërisht pra, -kjo gja kaq e vogël dhe jo e gjallë, sa “primitive”aq e komplikuar, -asht në gjendje të shkatrrojë jo vetëm jetë njerëzish, por mund të shkatrrojë edhe ekonominë, e ndoshta edhe lirinë e demokracinë e vendeve të zhvilluara.

Struktura kaq e ndërlikuar e këtyre “grimcave”, -dhe mos-njohja e mirë e tyre, fatkeqësisht, e ban pothujse t’pa mundur një vaksinë efikase kundra infeksionev t’shktuara prej tyre. Le t’kujtojmë zhurmën e madhe që ka qenë ba rreth HIV-s, dhe SARS, -pamvarsisht, viteve të humbura, e milionave të derdhuna, prap se prap, ne hala s’kemi një vaksinë kundra tyre. Megjithatë, le t’shpresojmë se një vaksinë për COVID-19, s’do të ketë të njëjtin fat.

NE PRITJE TE VAKSINES LE TE PERDORIM VAKSINEN”PASTERTIA”

Ndërkohë, le t’përdorim HIGJENËN dhe PASTËRTINË, si ‘vaksinat’ ma t’fuqishme kundra sëmundjeve virale, -përfshi COVID-19, -i cili origjinoj në Marketin e Gjas së Gjallë, në Wuhan të Kinës, -ku niveli i higjenës e pastërtisë ka qenë dhe asht nën-zero. Aty theren në mënyrat ma barbare, -apo hahen edhe të gjalla, shumë kafshë të ndryshme, -edhe nga ato ma ekzotiket, -përfshi edhe lakuriqin e natës.Kinezët thonë se:“Ne hamë gjithçka me katër kambë, -përveç tavolinës; -ne hamë gjithçka që noton, -përveç nëndetses; dhe, -ne hamë gjithçka që fluturon, -përveç aeroplanit”.

Çuditërisht, nga provinca e Hubei-t (ku kryeqytet asht Wuhani), -rreth viteve 1331-1335, u përhap edhe murtaja (vdekja e zezë), -e shkaktuar nga minjt. Në atë kohë, ajo arriti të përhapej deri në Angli, Belgjikë e Itali.

Nga Kina, kan burue edhe disa nga pandemitë e tjera, si:

Murtaja e Justinianit, në shekullin e 6-të; Gripi Spanjoll i vitit 1918; Gripi Aziatik i vitit 1956; Gripi i Hong Kong-ut në vitin 1968; Gripi i zogjve (Avain flu), në vitin 1966; SARS (Severe Acute Respiratory Syndrome) në vitin 2002; Gripi i derrave (swine flu) në vitin 2009; dhe në fund të vitit 2019, Kina komuniste, e ndihmuar nga Organizata Botrore e Shëndetësisë,- i “dhuroj” botës COVID-19, -nga i cili, deri m’tani janë infektuar:

– në USA 678.144, nga t’cilët 34.641 kan vdekur.

Ndërsa, në t’gjith botën numri i përgjithshëm i të infektuarve deri m’tani që po shkruaj këtë shkrim, ashtë, 2.183.148,-prej tyre, 146.841, numërohen të vdekur.

Si rezultat i këtij infeksioni viral, -sot pothujse i gjith njerezimi ndodhet nën “arrest shpijak”.

Sigurisht që çdo vdekje asht një tragjedi familjare, dhe në këtë rast, unë s’due të minimizoj aspak rrezikshmërinë dhe damtimet e jasht-zakonshme të COVID-19, -megjithatë, janë raportue shumë pasaktësi, -si për numrin e të infektuarve, ashtu edhe për numrin e të vdekurve.

Prandaj shumë nga punonjësit shkencore nga vende të ndryshme të botës, mendojnë se shifrat e deri-tanishme s’përputhen plotësisht me realitetin. Ato kanë arritur në një konkluzion të përbashkët se: “Pa një testim të plotë, e të besueshëm, si dhe pa një përshkrim korrekt të shkaktareve të vdekjes, -shifrat e deri-tanishme, në lidhje me COVID-19, duhet të shifen me dyshim”.

Dr Scott Jensen, që asht edhe senator, nga Minnesota, tregon se kishte marrë në postë një dokument prej 7 faqesh, me udhëzime se si t’plotsonte Certefikatat e Vdekjes,- ku COVID-19 duhej shkruar si shkaktar i vdekjes,- edhe pa e konfirmue këtë infeksion, me teste laboratorike.

Ndërkohë, s’duhet të harrojmë se veç dy vjet më parë, 2017-2018, -gjatë 16 javëve të sezonit të gripit (Flu), në USA kan pas vdekur 80.000 njerëz, -pra atje afërsisht kanë vdekur 5.000 njerëz në javë.

Italia, ka regjistrue COVID-19, si shkak vdekje, edhe në ato raste kur i sëmuri ka qenë duke vuajtur nga sëmundje të ndryshme kronike.

Po ashtu, qeveria Spanjolle i ka raportuar të gjitha vdekjet, ku si shkaktar asht regjistrue COVID-19, pa përmendur aspak, sëmundjet e tjera shoqëruese që të vdekurit kanë qenë duke vuajtur.

Pra, ne s’dimë asgjë në lidhje me sëmundjet e tjera, që mund t’kenë qenë shkaktar t’vërtetë të ktyre vdekjeve, -si rrezultat, ne s’dimë nëse i sëmuri ka vdekur prej COVID-19, apo me COVID-19.

MJEKIMI

Të diskutojmë pak rreth Mjekimit:Siç kemi pa, gjatë gjithë kësaj periudhe, grupe të ndryshme janë duke u përpjekur shumë për të gjetë një mjekim për gjendjet shëndetësore të shkaktuara nga COVID-19. Por se sa reale dhe shpresë-dhanse, kto përpjekje do të jenë,- le të presim për rezultatet. Megjithatë, ne duhet të kuptojmë se deri më tash, nuk ekziston as një terapi efikase për trajtimin e COVID-19, por pamvarsisht ktij realiteti dëshpërues, një gja positive që na jep shpresa, asht se,- ne tashma, dimë disa të dhana të randësishme rreth ktij virusi të ri, -dimë ciklin jetsor në qelizën e “mik-pritësit”,-gjë kjo që u jep shkencëtarve shumë mundësi për ta vu në shenjë këtë virus, dhe eleminue pastaj, nëpërmjet një mjekimi specifik.

Deri atëherë, le të “spekullojmë” me çfare dimë deri tani:

Në muajn Mars, Presidenti Donald Trump, -gjatë një konference për shtypin, promovoi përdorimin e HYDROXYCHLOROQUIN-es, (KININES siç e njohim ne Shqiptarët), që ka qenë përdorur kundër malarjes,- dhe deri pak vite më parë, -ktu në Australi, e kemi përdor me shumë sukses, edhe në mjekimin e krampeve (ngerrqeve) muskulare. Trump-i tha se “…ne duhet ta provojmë këtë”, -dhe t’njëjtën gja, ai e tweet-i, -ku rekomandonte kombinimin e Kinines me Azithromycin (antibiotic). Sigurisht që presidenti s’asht një ekspert mjeksor, por mendoj se prapa rekomandimit tij qëndrojnë ekspert të mirëfillët mjeksor, -megjithatë kundërshtarët e tij s’hezituen ta kritikojnë.

E vërteta asht se Trump-urryesit, preferojnë ma shumë vdekjen, se sa t’i japin të drejt Atij. –Ato udhëhiqen nga sllogani “Better dead than red”. (ma mirë t’vdekur se t’kuq), -Çuditërisht, ngjyra e kuqe në Amerikë përfaqson Partinë Republikane (Konservative). Dukshëm, të Majtët, me në krye Parinë Demokratike në Amerikë, -shpresojnë se COVID-19 do t’vrasë shanset e ri-zgjedhjes së Trump-it. Kush ka pa filmin,- The Matrix, besoj se i kujtohet “red pill” “blue pill”, -ku “kokrra e kuqe” përfaqson realitetin e ashper dhë lirinë, ndërsa “kokrra blu” përfaqson një izolim/arrest shpie, (lockdown) të pa fund.

Nga New York-u janë raportue deri më sot, 17 Prill, 222.284 raste me 63 vdekje për 100.000 banor,- ndërsa marrja e Kininës mbetet në dëshirën e njerëzve. Ndërkohë, profesor Ian Lipkin, -drejtor i Qendrës se Infeksioneve dhe Imunitetit, pranë Universitetit Columbia, nga fundi i Marsit lajmëroj se ndjehej shumë keq, dhe se testi i COVID-19, kishte dalë pozitiv, -prandaj ai tha se, do t’merrte ilaçin magjik të Trump-it. (Nuk di në se ai ka pas rezultat apo jo, por sigurisht që marrja e këtij ilaçi, edhe nqs s’jep rezultat, s’do të prishte asgjë nëse do të provohej).

Por ka raste që Kinina asht provue, -bile me rezultate shumë të mira. Për ta ilustruar këtë, unë kam ndjekur me vëmendje profesorin Francez, Didier Raoult, -një nga ekspertët ma të njohur në botë për sëmundjet infektive.

Me 29 Mars, ai bani të ditur se qysh me 3 Mars, -në spitalin e tij, kishte trajtuar me Kininë + një antibiotic, mbi 1.000 pacjent të infektuar me COVID-19, ndër to, vetëm një kishte vdekur. Gjatë se njëjtës periudhe, në Francë kishte mbi 44.000 raste ‘pozitiv’ me COVID-19, ndër të cilët 2.602 kishin vdekur. Kjo tregon se,nqs sygjerimet e profesor Raoult-it do t’merreshin në konsideratë nga autoritetet Franceze, -Franca do të kishte pasë jo ma shumë se 44 vdekje.

Në t’vërtetë sygjerimet e tij, dhe veçanërisht studimin e 80 rasteve, jo vetëm që si përfillen, por estabilishmenti “mjeksor”-politk, i konsideroj ato si të pa vlefshme, duke thanë se rastet që ai kishte trajtue, kishin qenë raste të lehta, që mund të kishin kalue edhe pa mjekim, -ndërkohë, professor Raoult-i, -për të provue sukseset e punës së tij, -publikoj në ditët e para të Prillit, se në 80 pacjentët e studjuar, -60% e tyre, kishin të paktën një rrisk-faktor që tregonte për një infeksion të rëndë COVID-19, si psh, Hypertension; Diabet; Sëmundje të koronareve të zemrës; Sëmundje kronike të rrugve të frymë-marrjes; Kancere; Mjekime me imuno-supresiv; Rreth 53% e tyre kishin qenë me pneumoni; dhe gati 30% kishin qenë mbi 60 vjeçar. Nga 80 pacjentët, vetëm një 86 vjeçar kishte vdekur. Mbi 80% e tyre kishin dalë nga spitali të shëruar, brenda 10 ditëve, mesatarja e dit-qëndrimit në spital, kishte qenë 4.6 ditë. Siç shihet, këto fakte flasin vetë.

Pak fjalë për TESTET

Testet diagnostike (Diagnostic tests)- tregojnë nëse ju jeni të infektuar, në atë moment që testi asht ba. Një test tipik për këtë qëllim, asht SWAB-i naso-faryngeal, i cili dërgohet në laborator, ku shikohet në një mikroskop të fuqishëm elektronik, nëse shifet apo jo Acidi Nukleik I virusit, -prandaj quhet PCR (Polymerase Chain Reaction), -një metodë që përdoret gjerësisht në Biologjinë Molekulare, kjo ju ban të mundur specialistve shkencor, që të marrin pjesë shumë të vogla të DNA, pastaj ti zmadhojnë në atë dimension, që pastaj mund ta studjojnë me imtësi. Kjo metodë pra tregon nëse jeni, ose jo, të infektuar.

Testet për gjetjen e Ani-trupave (Antibody tests). Tregojnë nëse keni qenë të infektuar, le të themi, javës që shkoj, muajin që shkoj apo vitet e shkuara. Pra asht një rekordim i përhershëm, që tregon se ne kemi qenë dikur të infektuar.

Sa të saktë mund të jenë kto teste? Nëse diskutojmë në lidhje me “POINT of Care” test, që bahet nëpërmjet shpimit të majës së gishtit (si deepstick tests), -ai brenda 15 minutave të jep një përgjigje, por në shumicë, rezultatet s’janë të sakta. Ky test asht i mirë për të tregue deri diku se çfar asht duke ndodh në përgjithësi. Prandaj FDA e ka autorizue përdorimin e ketij testi, -por nuk e ka aprovue. Pra ky test tregon “po” ose “jo”, por s’na tregon sa imunitet ne kemi, dhe nëse jemi të mbrojtur nga një infeksion tjetër përsëritës, e po kshtu, s’tregon nëse jemi të mbrojtur në atë shkallë që mund të shkojmë prap në punë.

ANTITRUPAT

Antitrupat kundër COVID-19, (antibodies), na mbrojnë ne, por trupi ynë fillon ti prodhojë kto antitrupa, 7-14 dit pas infektimit fillestar me COVID-19. Kështu fillimisht zhvillohet IgM (immunoglobulin M), asht antitrupi i parë që trupi prodhon gjatë luftës së tij kundra një infeksioni të ri, -kjo qëndron në trupin tonë për rreth 2 muaj. Dhe pastaj vjen prodhimi I imunoglobulines G, (IgG). Antitrupat IgG marrin ma shumë kohë për tu prodhue nga trupi jonë, por zgjasin për shumë kohë, -ndoshta gjatë gjithë jetës. Pra, nëse testi juaj tregon se ju jeni pozitive ndaj IgG, kjo do të thotë se ju keni qenë të infektuar të paktën 2 muaj më parë. Ndërsa në qoftë se IgM del pozitiv kjo tregon se ju jeni immune ndaj COVID-19.

IMUNITETI

Me IMUNITET kuptojmë dy gjana, -krijimin e ndonjë antitrup, ose krijimin e një përgjigje imunitare kundra proteines pathologjike të viruseve. Pra, ne s’mund të themi se jemi immune, pa e dite se në çfarë nivelesh janë antitrupat tonë, -gja që s’mund të percaktohet vetëm duke ban një Spot test.

Duke u bazue në këto njohuri, -ideja e Dr. Fauci-t, për të paisur popullin me Çertifikata Imuniteti,- s’ka asnjë vlere. Dihet se testet e shpejta, të japin një ide të përgjithëshme, por s’tregojnë asgja nëse ne jemi të mbrojtur apo jo.

Për të ditë vërtetë, e me saktësi, nëse populli asht i imunizuar apo jo- Dr Fauci-t, i duhet të pajisë me analiza të rregullta gjaku, -mbi 328 miljon Amerikan, ku kërkohet “Quantitative Serum Immunoglobulin Tests”, -gja që mund të jetë e pa mundur?

Një gja e dimë shumë mirë,- nëse ju keni kalue një infeksion COVID-19, -unë ju siguroj se tashma në trupin tuaj, ju keni mjaft antitrupa të krijuar që do t’ju mbrojnë nga COVID-19, -dhe nëse ju mund të ri-infektoheni, le të themi në sezonin dimror të vitit tjetër, kur kto viruse do të kthehen përsëri, ju mund ta kaloni shumë lehtë, e ndoshta bile s’do ta vini re aspak.

Po kështu, mund t’ju siguroj se: megjithse COVID-19, erdhi nga një vend që s’duhet t’i zihet kurrë besë,- ai prap se prap, s’i përmbush tiparet për t’u kualifikue në grupin e ‘armve biologjike’, -ku vdekshmëria shkon nga 50 deri me 70%.

Disa fakte qetësuese dhe krahasuesë, që mund të shuajnë panikun dhe frikën e krijuar ndaj COVID-19:

Dihet se në botë, në një vit tipik, vdesin 56 milion njerëz, -pra me një mesatare ditore prej 153.000.

Ndërsa Lifeline children’s services (WWW.WORLDOMETERS.INFO), ka publikue vdekjet për perudhën 1 Janar-1 Prill 2020 në t’gjith botën, -ku rendit:

COVID-19 – 46.438; Sezonal grip (flu) 121.993; Malaria – 246.121; Suicide – 269.076; Vdekje aksidentale në trafik -338.715; HIV/AIDS – 421.808; Pije alkolike 627.571; Pirja e duhanit – 1.254.352; Canceri -2.060.730; Uria 2.806.314; dhe Abortimet – 10.665.130

Britania rraporton rreth 150.000 vdekje në vit, që ndodhin gjatë periudhes Janar-Mars, – pra në sezonin e dimrit.

Shpresojmë se së shpejti qeveritë do të vinë në një konkluzion të përbashkët se, asht shumë ma i randësishme DISTANCIMI I TYRE NGA KINA KOMUNISTE, se sa“social-distancing apo vet-izolimi”,-i imponuar në popujt e vet.

Po e mbylli me një paragraf nga bibla: “Dhimbja që keni ndjerë nuk mund të krahasohet me gëzimin që po vjen”. -Le t’shpresojmë kshtu.

Dr. Zekri Palushi (Australi)

Sëmundja e MASOCHISM-it

March 27, 2020 by dgreca

– Partia Demokratike kishte “fitue”, por edhe Partia Socialiste ishte afërsisht po aty, ndërsa njerëzit e saj të padukshëm ishin gjithkund, në Parlament, Qeveri, Presidencë, Ministri të ndryshme,gjithkund, gjithkund… edhe vetë në Partinë Demokratike.

…shumica e anëtarve të Këshillit të Ministrave ishin ish-komunista, apo bijë komunistash, e njëjta gja ekzistonte pothuajse në çdo nivel burokratik, nga maja e piramidës deri në bazën e saj. Komandanti i rojeve të kryeministrit ishte një ish-sigurims, -imagjinoni se sa ish-sigurimsa të tjerë ishin duke punue…/

Shkruan:Dr. Zekri PALUSHI/

Është një sëmundje psiqike, që ban pjesë në grupin e ç’rregullimeve Paraphilike (Paraphylic Disorders).

Të sëmurët me masochism, ndëgjojnë kënaqësi,- kur vetë, apo të tjerët i keqtrajtojnë, poshtrojnë, apo abuzojnë nga ana fizike, dhe emocionale/psikologjike, -duke u shkaktue kështu,- DHIMBJE fizike apo shpirtërore.

Psh. Një karakter masochistic, mezi s’pret me shkue tek dentist për të shkul dhambin pa anastezi lokale, pasi dhimbjet i japin kënaqësi!

Pse po e shkruj këtë artikull?

Në t’vërtetë, ky nuk asht një shkrim i radhës, për rubrikën ‘Këshilla Mjeksore’. Aq më tepër, këtë sëmundje e kam takue shumë rrall në praktikën time mjeksore, -megjithatë shenjat e kësaj sëmundje më nxitën dëshirën për t’i diskutue me ju, e njëherësh, së bashku t’i analizojmë e krahasojmë, -(por jo pa dhimbje), me psikologjinë, dhe metalitetin post-komunist të popullit Shqiptar.

Në vitin 1991, kam qenë një nga kandidatët për deputet të Partisë Demokratike për rrethin e Pukës, -një kohë kur mendoja se edhe pa nevojën e një fushatë elektorale kundra komunizmit, populli do t’votonte në shumicë për mue. Bindjet e mija bazoheshin në një llogjikë të thjeshtë, -komunistët kishin punue pamëshirshëm, për 50 vjet, kundra popullit, e tash populli e kishte rradhën të punonte kundra tij, (jo me dhunë) me votën e lirë. Fatkeqësisht qesh shumë i gabuar, e thellësisht i zhgënjyer. Prap fituen përfaqësuesit komunist.

Në vitin 1992, në pozicionin e këshilltarit të kryeministrit, e n’disa poste të tjera, -përsëri pata mundësinë të konstatoj se komunistët ishin kudo, shumica e punonjësve të Kryeministrisë ishin po ato t’kohës komuniste, shumica e anëtarve të Kshillit të Ministrave ishin ish-komunista, apo bijë komunistash, e njëjta gja ekzistonte pothuajse në çdo nivel burokratik, nga maja e piramidës deri në bazën e saj. Komandanti i rojeve të kryeministrit ishte një ish-sigurims, -imagjinoni se sa ish-sigurimsa të tjerë ishin duke punue në të gjitha nivelet e tjera, në “rojë” të Institucioneve dhe autoriteteve tona DEMOKRATIKE!!!

Kjo e gjitha,- ligjërohej e justifikohej nga VOTAT e LIRA e të VULLNETSHME, të popullit Shqiptar. Kjo ishte në t’vërtetë e VËRTETA. Partia Demokratike kishte “fitue”, por edhe Partia Socialiste ishte afërsisht po aty, ndërsa njerëzit e saj të padukshëm ishin gjithkund, në Parlament, Qeveri, Presidencë, Ministri të ndryshme,…gjithkund, gjithkund,.., edhe vetë në Partinë Demokratike.

Kjo ka qenë një situatë tepër poshtruese, pa dyshim e mundësuar nga votimi, pothujse i barabartë, n’favor t’socialisve. Për këtë gjendje sa të dhimbshme aq dhe të turpshme, – Shqiptarët s’mund të gjejnë asnjë lloj justifikimi. Komunistët nuk do të kishin mundësi të blenin votat, nqs shqiptarët s’do t’jua shisnin atyre, -komunistët s’mund të manipulonin votimet, nqs shqiptarët s’do të manipuloheshin prej tyre. Socializmi s’qe një fenomen i ri e i pa-njohur për shqiptarët.

E di që komunistët/socialistët tonë, janë ma dinakët në botën komuniste, -ato premtojnë gjithçka, bile edhe falas, -por shqiptarët, me një eksperiencë, nga ma t’dhimbshmet në botë, tashma pas 50 vjetësh duhet ta dinin ma mirë se kushdo tjetër, se: “Mice die in mouse traps because they do not understand why the cheese is free”. (mijt cofin në kurthat e mijve, sepse se kuptojnë pse djathi asht falas).

Socialistët Shqiptar janë po ato komunist që na kan pas premtue “lugët e arta”.

Socialistët shqiptar janë po ato komunist që me FORCË, per 50 vjet na kan kshillue që “Të luftonim KUNDRA rehatisë personale…”

Socialistët Shqiptar janë po ato komunistë që nëpërmjet “Luftës së Klasave” na kan nxitë që t’luftonim e urrenim njeri-tjetrin, brenda familjes e në shoqëri.

Socialistët Shqiptar janë po ato komunist që ndërtuen mbi 39 burgje të tmerrshme, ku vuajtën tragjikisht, u torturuen, e u poshtruen mbi 16788 burra, dhe 7367 gra,- krejt t’pa faj. Ndër kohë, pushkatuan me “gjygj” e pa gjygj AJKËN e intelektualve dhe t’klerikve shqiptar,-ndërto -5.391 burra, dhe 450 gra, pa përmend të zhdukurit e pa dokumentuar.

Socialistët Shqiptar janë po ato komunist që ndërtuen 70 kampe Interrnimi, ku vuajtën të ‘zitë e ullirit’ e ndryn jetën n’mjerim e t’poshtruem mbi 70.000 njerëz të mirë.

Socialistët Shqiptar janë po ato komunist që na detyruan me FORCË që të ndërtonim “vullnetarisht” 850.000 bunkerë, kur s’kishim as strehim të përshtatshëm, e as buk, apo ushqime tjera bazale, e t’mjaftueshme për një jetë njerëzore minimale.

Këto janë pra, pak nga përmbajtja e “menu-s” së Tmerreve Komuniste, që ne shqiptarët i kemi pasë në “tavolinën” tonë t’përditshme. Kjo edhe sikur t’kishte qenë një “menu” e shijshme, prapseprap njeriu s’han për 50 vjet të njëjtën gja.

Pra, sot asht e turpshme, qesharake dhe e pa-besueshme që Shqipëria, -ky “Vend Shqiponjash” -të qeveriset nga SOCIALISTËT.

Asht ma se e turpshme, poshtruse, qesharake, dhe e pa besueshme, që Kryetari i Parlamentit Shqiptar asht Gramoz Ruçi,-ish ministër i mbrendshëm i kohës komuniste.

Sejcili prej nesh, në diasporë e trojet Shqiptare, njifemi me eucritë dhe ngjarjet politike të niveleve katastrofike që kan përcjellë Shqiprinë, Kosovën…, -të gjitha janë pjellë e manipulimeve të socialistve shqiptar, që janë pra, po ato komunist që kishim më parë.

Sejcili prej nesh asht në dijeni të vuajtjeve të gjithanshme, e rrezikut të krijuara nga KRIMI I ORGANIZUAR e KORRUPSIONI SHTETROR që njerëzit tonë po kalojnë t’nënshtruar ç’do ditë, -edhe kto pra janë pjellë e socialistve, ish-komunistve.

Sejcili prej nesh, e të gjithë shqiptarët e dinë se në THELBIN e te gjitha t’kqiave që kanë përcjellë popullin Shqiptar nga viti 1941 deri në vitin 1991, dhe nga viti 1991 deri në vitin 2020, e n’vazhdim, janë rezultat i një pune djallëzore, kordinuese, e tepër t’organizuar të komunistve EnverHoxhian, në një bashkpunim e kordinim të përsosur me Socialistët e sotëm të Shqipërisë, Kosovës…!

Socialistët Shqiptar, janë po ato komunist që barbarisht shkatrrun besimet fetare, dhe mohuan Zotin, duke i zevendesue ato me Fene Komuniste, ku zot u shpall krimineli ma sadistik i botës, EH., me “biblën” e tij të famshme,-“Manifestin Komunist”, – t’cilit ne duhet t’I luteshim 24 orë, e t’i falenderoheshim ç’do ditë për të “mirat” që na sillte Partia.

Në kët “bibël”, prap vazhdojnë të luten e betohen edhe socialistët tonë të sotëm.

Pra, -ç’far vlerash morale kanë kangët, dokumentarët, lapidarët dhe përkujtimet e vujtjeve të tmerrshme tej- Makbethjane, të shkaktuara nga komunistët e djeshëm, që janë socialistët e sotshëm, -kur ne, vullnetshëm, e me votën tonë të lirë, vazhdojmë të respektojmë MASAKRUESIT. Ne me votat tona, n’favor të socialistve, po shkelim pa-nevojshëm, me një mospërfillje të pa shpjegueshme mbi gjakun dhe amanetin e njerëzve tonë,-atyre që ju bajmë kangë. Po t’ktheheshin në jetë kto victima të ndjera, do t’na pshtynin n’sy, për hipokrizinë e pa kufishme që po tregojmë tash 30 vjet me ta, ndaj tyre, e po ashtu, edhe ndaj vujtjeve tona. Ndërkohë në paturpësisht na pëlqen të ndjehemi krenar për ç’far kemi ba për to. S’kemi ba asgja. Zot na fal!

Duke i ditë, dhe përjetue t’gjithë sa tham më sipër, -sigurisht shumë ma tepër e ma thellë i përjetojnë kto vujtje,- pothujse vetëshkaktuese, njerëzit tonë që jetojnë në trojet Shqiptare,- atëherë natyrshëm lind pyetja: A vuajm në Shqiptarët nga MASOCHISMI?

Fatkeqësisht, eksperienca e deritanishme,-veçanërisht ajo në Shqipëri, po e vërteton ma s’miri këtë diagnose.

Tashma kjo asht një sëmundje endemike, e shkaktuar nga viruset komuniste, që dukshëm kan depërtue thellë në kodin gjenetik t’shqiptarve, dhe që janë -shumë ma t’rrezikshmë se një infeksion kalimtar viral, shkaktuar nga CORONAVIRUSI.

Votimi ne favour të socialistve, azgjësimi i PATRIOTIZMIT,…. Përçarjet brenda Shqipërisë, me tendencë përhapje në Kosovë, Maqedoni e Mal t’Zi,- janë shenjat ma t’dukshme e shumë t’rrezikshmet t’kësaj sëmundje me pasoja katastrofike për Kombin Shqiptar.

Sigurisht që nga kjo sëmundje, kanë përfitue, përfitojnë e gjithmonë do të përfitojnë,…KUSH? = Shkaktuesit,-pra Socialistët Shqiptarë, -si dhe spektatorët e JARGOSUR Serbë, Maqedonas, Grekë, e Malazez.

Le t’shpresojmë se një ditë të afërt, socialistët shqiptar do t’ndërgjegjësohen, e vetë të tërhiqen nga krimet kundër shqiptarve, se me ç’far po shofim deri tani,- PATRIOTIZMI SHQIPTAR fatkeqësisht ka vdekur,-kshtu që socialistët tonë, mund t’sundojnë vendin me mënyrat e vet atë stilit MAFIOZ, deri sa t’mërziten e të hane njeri-tjetrin.

Me shpresë në mirkuptimin tuaj, pa paragjykime.