Ish kryetari i Vatrës Dritan Mishto uron Kryetarin e ri të Vatrës Elmi Berisha dhe Presidentin e Nderit Agim Rexhaj/

I nderuar z. Kryetar Elmi Berisha,

Së pari dua tju percjell Urimet e mia më të sinqerta për zgjedhjen tuaj në detyrën e lartë të Kryetarit të Federates Panshqiptare të Amerikës Vatra.

Zgjedhja juaj nga Kuvendi i Michigan 2020 ishte vendimi i mencur dhe i logjikshëm i delegateve nga tërë Amerika dhe Kanadaja, jo vetëm mbi bazën e programit tuaj ambicioz, por lidhur edhe me përvojën tuaj për mëse tre dekada në cështje kyce kombëtare, përvojen dhe sukseset profesionale. Ndaj jam i bindur se mandati juaj do të jetë i suksesshëm.

Gjithashtu i përcjell urimet më të përzemërta bashkëpunëtorit tim të ngushtë dhe të të gjithë vatranëve, njeriut me kontribute të jashtëzakonshme në Vatër dhe në proceset e rëndësishme jetike të Shqipërisë dhe Kosovës, Presidentit të Nderit z. Agim Rexhaj, për të cilin jam i bindur se do të dijë të mbajë me nder këtë pozicion.

I nderuar z. Kryetar Berisha!

Gjatë mandatit tuaj do tju duhet të lundroni ndonjëherë në ujërat e injorancës, shpifjeve, intrigave dhe urrejtjes për te cilat ne shqiptaret nuk mbetemi pas, biles i perfeksionojmë dita ditës. Do të të duhet të ndeshesh me mendjet e ndryshkura, që përvec goditjes me baltë nuk dinë gjë tjetër. Këta janë pakicë dhe të parëndësishëm. Ndaj injoroji, kuptohet duke ushqyer zemrën tënde me dashuri.

Shumica e anëtarëve të Federatës do tju japin kënaqesi kur të bisedoni me ta, do tju mbeshtesin dhe ndihmojnë sepse Ne të  gjithë besojmë se Ju do të vazhdoni me më shumë forcë reformat e mëdha të Vatrës të nisura në Kuvendin 2017 dhe që po konsolidohen dita ditës. Ne jemi dëshmitarë të ndryshimit të mentalitetit në Vatër dhe kjo është vepra më e madhe nga fillon cdo punë e mirë dhe e suksesshme. Ndaj puno fort, sërish duke vazhduar të ushqesh zemrën me dashuri.

Së fundi do të doja tju thoja dicka: Vatra nuk eshte e kryetarëve dhe ish kryetarëve. E kundërta është e vërtetë: Kryetarët dhe  Ish Kryetaret jane aty për të shërbyer.

Zakonisht në rastet e zgjedhjeve është Kryetari i ri ai që premton se cfarë do të bëjë. Por, në këtë rast, jam Unë që do të bëj një premtim: Si ish kryetar do të jem gjithmonë pranë Jush për aq sa Ju mendoni se mund tju ndihmoj. E në mos, do të hesht.

Sic po duket, të jesh Ish Kryetar i Vatrës është më e vështirë se të jesh Kryetar i saj.

Përzemërsisht,

Dritan Mishto