dritan Mishto – Page 3 – Dielli

Gazetari Shaqir Salihu:Vatra, një Monument dhe Tribunë Kombëtare

November 29, 2018 by dgreca

– Ish gazetari i Zërit të Amerikës për 32 vjet, autori i librit “RRËFIME LIRIE- Shtegtimi i një mësuesi shqiptar nga burgjet serbe te Zeri i Amerikës”- Vizitoi Vatrën në Ditën e Pavarësisë/

– Ai dhuroi për bibliotekën e Vatrës librin”RRËFIME LIRIE”; për arkën e Vatrës $500.00 si dhe punimin në dru”KOSOVA”/

Ish gazetari i Zërit të Amerikës, vatrani Shaqir Saliu, kishte zgjedhur 28 Nëntorin e Pavarësisë për të vizituar Vatrën, si pararendëse e Pavarësisë së Shqipërisë, e themeluar 7 muaj para Shpalljes së Pavarësisë së Shqipërisë. Z. Saliu tha se ndjehej i respektuar që pritej nga bordi i Vatrës me Kryetarin Dritan Mishto. Vatra historike e Nolit dhe Konicës, tha ai, është ylli polar për pavarësinë e Shqipërisë. Qoftë për jetë një VATËR e ngrohtë dhe udhëheqëse në shtegtimin e Kombit tonë!

Mysafirit ia uroi mirëseardhjen kryetari i Vatrës z. Dritan Mishto. Ai tha se Vatrës i bën nder vizita e një vatrani si z. Shaqir Salihu, që ka punuar shumë vjet në Zërin e Amerikës. Jeta e tij nga izolimi dhe represioni serb në liri, dhe puna në Zërin e Amerikës, është një histori interesante. Më pas z. Mishti i preznatoi mysafirit veprimtarinë e Vatrës. Në fokus të Federatës Panshqiptare të Amerikës”Vatra”, krahas të tjerave, janë vendosë marrdhëniet e Shqipërisë me Shtetet e Bashkuara të Amerikës. Këtij qëllimi i kanë shërbyer edhe shumë veprimtari të organizuara nga Vatra, ose në bashkupunim me organizatat e tjera që veprojnë këtu në SHBA ose në vendlindje. Kemi ftuar dhe kanë ligjëruar këtu në Vatër edhe figura të njohura të Zërit të Amerikës si Dr. Elez Biberaj, redaktor përgjegjës për redaksitë në gjuhët Evropiane në Zërin e Amerikës, Frank Shkreli, ish drejtor për Euro-Azinë, anëtari i Këshillit të Vatrës , ish gazetar i Zërit të Amerikës Idriz Lamaj e të tjerë. Vatra ka konstatuar se Shqipëria ka pasë më shumë se një rast kur ka paraqitë votë kundër Amerikës, ndërkohë që Shtetet e Bashkuara të Amerikës kanë bërë aq shumë për Kombin shqiptar.

Nuk e kam lexuar librin tuaj, me përjashtim të disa fragmenteve në mediat online, prandaj dhe nuk mund të bëj një vlerësim, tha kryetari i Vatrës, por tash që na e dhuruat do ta lexoj.

Më pas e kanë marrë fjalënë Agim Rexhaj -zv/Kryetar i Vatrës, Lek Mirakaj, Pashko Camaj, Mehmet Kadrija, Sylë Lajçi,Frederik Ndoci, Asllan Bushati dhe editori i Diellit, Dalip Greca.

Gazetari Shaqir Salihu është autor i librit”RRËFIME LIRIË- Shtegtimi i një mësuesi shqiptar nga burgjet serbe te Zeri i Amerikës”. Duke folur për librin dhe motivet që e shtynë për ta shkruar, ndër të tjera autori u shpreh:”-DEMOKRACIA VDES NË ERRËSIRË”- Kjo thënie ndodhet në ballinën e një prej gazetave më të mëdha e më të mira në botë “The Ëashington Post” dhe është motoja e kësaj gazete. Është kjo arsyeja, që kjo gazetë, dhe media të tjera të mëdha, luftojnë përditë për të nxjerrë në dritë ato që të paktën një ose disa njerëz nuk duan që të dalin. Thelbi i Demokracisë Amerikane, që është më e madhja dhe më e konsoliduara në botë, është motivi që shtyn gazetarët që në një mënyrë ose një tjetër të tregojnë të vërtetën.Më ka intriguar shumë historia dhe mençuria e një burri të moçëm, Atë Zef Pllumi. Vuajtjet e tij nga diktatura komuniste në Shqipëri, i hodhi në letër në librin e tij të famshëm”Rrno për me tregue”. Arsyet që më shtynë që të shkruaja librin tim ishin të ngjajshme. Rrova dhe mbijetova për të treguar. Natyrisht nuk vuajta sa dom Zefi, por ama vuajta, dhe vuajta goxha.Vuajta dhunën dhe represionin serb. U flaka në burgjet serbe në qeli të lagështa e të errëta, ku nuk hynte aspak rrezja e diellit.U torturova dhe u detyrova të degdisem përtej Atlantikut. Mendova se vuajtjet e mia do të merrnin fund, kur pas shumë vitesh me vështirësi, u rehatova në një punë që më sillte më pranë Atdheut, por për fat të keq konstatova se kishim probleme të mëdha si popull. Armikun më të madh e kishim mes njeri-tjetrit.”

Më pas ai ka treguar për punën e tij 32 vjeçare në Zërin e Amerikës dhe krenarinë që ndjenë për kontributin modest që ka dhënë si shërbim në gjuhën shqipe.

Duke analizuar gjendjen e shqiptarëve në Ballkan ai përcolli mesazhin: Vetëm nëse identifikojmë dhe demantojmë përçarësit mund të bashkohemi si Komb i fortë në Ballkan. Edhe në librin”Shtigje Lirie” shtoi ai, flitet shumë për bashkimin dhe përçarësit. Flitet për ne si Komb në përgjithësi, por edhe për ngjarje e përjetime personale në veçanti. Nuk është vetëm përplasja me të ndryshmin ajo që na ka lënë pas, por edhe ajo me të ngjajshmin.Jo vetëm lufta me hasmin, por edhe me vëllanë. Këto mbeten plagë ende të pashërushme për Kombin tonë fatkeqsisht dhe na bën që të mbetemi pas.

Rrfëime Lirie:”Shtegtimi i një mësuesi shqiptar nga burgjet serbe te Zëri i Amerikës”, i ka të gjitha. Është histori personale, është roman, është poezi, ka dramë dhe romancë; ka luftë dhe paqe; ka pranga dhe liri, ka intrigë dhe çiltërsi; ka gjak; ka lot dhimbjeje dhe lot gëzimi. Mbi të gjitha, tha ai në mbyllje të fjalës së tij; në këtë libër gjithkush mund të gjejë një histori të detajuar të një prej mediave më të mëdha shqipfolëse dhe që ka më shumë ndjekës; Zëri iAmerikës.

Shaqir Salihu dhuroi për bibliotekën e Vatrës librin”RRËFIME LIRIE”; për arkën e Vatrës $500.00 si dhe punimin në dru”KOSOVA”-

Gazetari Shqir Salihu shkroi në librin e mysafirëve :

“Ishte kënaqësi e veçantë që u takova sot, në këtë ditë të shenjtë për shqiptarët, me Vatranët në selinë e Vatrës historike.Vatra është një monument dhe tribunë kombëtare. Jam krenar që jam antëtar i saj.

Me respekt

Shaqir Salihu

28 Nëntor 2018.

Nderim i vërtetë për Mid’hat Frashërin

November 14, 2018 by dgreca

NGA DRITAN MISHTO/

Kryetar i Federata Panshqiptare e Amerikës VATRA/

Festa e Pavarësisë na sjell gjithnjë ndër mend të nderojmë ata burra që me forcën e tyre mendore, qartësinë dhe largpamësinë për një komb shqiptar evropian firmosën dhe vulosën historikisht themelimin e shtetit modern shqiptar.

Por, ky vit, si asnjëherë më parë na ka bërë të evidentojmë njërin syresh, Mid’hat Frashërin, të cilit iu plotësua amaneti për dergjen përfundimtare në tokën mëmë.

Federata Panshqiptare e Amerikës VATRA e ka nderuar dhe do ta nderojë Mid’hat Frashërin për gjithë atë çfarë ai ka bërë për alfabetin dhe gjuhën tonë të bukur, zbulimin e rrënjëve dhe prejardhjes sonë kombëtare, kontributin e rrallë në letërsinë shqipe, bibliografinë mbi baza shkencore, faktet historike të zbuluara e shoqëruara me argumentë të pakundërshtueshëm, elegancën diplomatike dhe forcën bindëse, e mbi të gjitha për qëndrimin e tij atdhedashës në luftën e pakompromis kundër komunizmit, gjatë e pas Luftës së Dytë Botërore, si një e keqe e cila fatkeqësisht na pllakosi për dekada të tëra.

Veçanërisht Federata VATRA nderon dhe kujton me shumë respekt e dashuri Mid’hat Frashërin për marrëdhënien e bashkëpunimin e veçantë që ka pasur me këtë gjigand të shqiptarizmës, si ambasador të saj për të mbrojtur çështjen tonë kombëtare tek Fuqitë e Mëdha; si të deleguar të Shqipërisë kur arka e shtetit shqiptar ishte bosh, dhe VATRA mblodhi fondet e duhura, apo edhe për kërkesën që Vatranët i bënë të merrte drejtimin e Federatës. Ashtu siç duhet të pranojmë me dhimbje të vërtetën tjetër, që VATRA e pasluftës, për shkak të influencave të qeverisë komuniste të Tiranës, e kritikoi dhe nuk e mbështeti Mid’hatin në nismën e tij me Komitetin Shqipëria e Lirë, aq sa edhe njoftimi i vdekjes së këtij kollosi të shqiptarizmës në Gazetën Dielli ishte i thatë. Por, ne jemi dëshmitarë që dekadat e fundit, VATRA e ka kujtuar dendur e vlerësuar lart Mid’hat Frashërin, aq sa vizitat në varrin e tij, akademitë politike, veprimtaritë kulturore e dokumentare kanë qenë të panumërta. Vetëm vitin e fundit drejtuesit e Federatës dhe përfaqësues të diasporës kanë vizituar tre herë varrin e Tij, duke përfshirë edhe ndarjen dhe homazhin përfundimtar. Fotografia e Mid’hat Frashërit ka zënë gjithmonë vend nderi në zyrat tona.

Ndaj, nisur nga ky raport i veçantë dhe kjo trashëgimi historike, Federata PanShqiptare e Amerikës VATRA shtron me të drejtë pyetjen: Si po kthehet Mid’hat Frashëri në Shqipëri? Në qoftë se vetëm kthimin e eshtrave të Mid’hatit e konsiderojmë të mjaftueshëm, mendoj se bëjmë një vlerësim të pjesshëm. Ndaj pyetja është: A po kthehet i plotë Mid’hat Frashëri në Shqipëri? Unë mendoj se Jo.

Qeveria Socialiste Shqiptare vërtet ndërmori një akt të tillë, por është i papranueshëm vlerësimi i cunguar i figurës së Tij, vetëm si kryetar i Kongresit të Manastirit, ashtu siç shkruhet në njoftimin zyrtar të ceremonisë kryeministrore “Personalitet i Kulturës Mbarëkombëtare” duke lënë në hije tërë pjesën tjetër të aktivitetit të tij patriotik, albanologjik, historik e mbi të gjitha Doktrinën e tij politike.

Rivlerësimi i figurës polidimensionale të Mid’hat Frashërit nuk bëhet me një fjalim Kryeministror, që e merr era e vjeshtës. Ky vlerësim dhe ndjesa ndaj Tij bëhen me platforma institucionale duke filluar nga rishikimi i teksteve historike shkollore e studimore; përfshirja në enciklopeditë e figurave më të ndritura kombëtare; analiza e thellë të sjelljes brilante diplomatike; e nuk gaboj të shtoj përthithjen e doktrinës “Mid’hatiane” në qëndrimet aktuale akademike e politike për të ardhmen e kombit tonë. Duhet pranuar dhe thënë me zë të lartë që koha i dha të drejtë Mid’hatit në luftën pakompromis kundër doktrinës komuniste dhe bartësve të saj, sepse Shqipëria që donte Mid’hati do të ishte një Shqipëri krejt tjetër nga ajo që fatkeqësisht kishim me dekada të tëra. Vetëm kështu ne të gjithë do të jemi të qetë dhe brezat do të njohin Mid’hatin e vërtetë.

E derisa të bëhen të gjitha këto, na mbetet të themi: “Çohu Mid’hat nga varri se erdhën armiqtë politikë me të marrë”!

VATRA IS ABOVE POLITICS

July 11, 2018 by dgreca

CHAIRMAN DRITAN MISHTO’S ADDRESS AT THE 106th ANNIVERSARY GALA OF THE PAN-ALBANIAN FEDERATION OF AMERICA VATRA/

Dear Vatra Members,/

Honorable Ladies and Gentlemen,/

Honorable Clerics,/

Honorable Representatives of the Community Organizations,/

Fellow Albanians all over the globe who join us today,/

I have the distinctive honor and the great privilege to say to each one of you “Happy Birthday, Vatra!”/

After 106 years of hard work, we are gathered here today, on this unique occasion to celebrate the longevity of our Federation and be more proud than ever.

There is no area of life and activity throughout the Albanian nation where the presence of Vatra Federation is not evident: in the arts and photography, diplomacy, government and state leadership, contributing to the establishment and strengthening of religious communities and harmony, in education, literature and culture, journalism, music and science. The forefathers of our Federation, Konica and Noli, as well as all the forerunner officials and leaders of Vatra have passed onto us a rich legacy which gains new dimensions as the time goes by. Today we bow down with respect for all that has been accomplished by our Federation and express our gratitude and reverence to the known and the unknown members who have empowered Vatra into becoming a driving force with positive and valuable impact for the nation in the most crucial moments of our history.

Fellow Vatra Members,

Vatra’s history and its glorious past do not serve as the main motivation of our current mandate. Each one of us feels the responsibility to be involved wherever possible, with credited or uncredited roles in our support for Vatra today. We shall not rest on our laurels from the past glory days. The present is calling upon us to, once more, lead the path of the good deeds for the nation. Vatra does not deal with politics and is not a political organization. Indeed Vatra is above politics.

Certainly Vatra has all the historical and moral rights to be concerned with the issues that face our compatriots wherever they live.

It is painful to witness the severity of the social situation in Albania. Albanians live without hope, a fundamental factor for progress and advancement. The ongoing immigration, the constant erosion of democratic standards, and the domestic chaos in Albania sadden us immensely. The recent reports of the State Department, by the policy-setting and policy-executing institutions are unfortunately regrettable on account of the country’s cannabis pandemic, unemployment among young people, and the widespread corruption at every level of the administration.

Even more concerning and worrisome is the breach in the relations between Albania and the United States of America. Only in the last five years there have been several flagrant cases of violating these relations by the Albanian Government, which has even positioned itself contrary to the official stand of the American Government. The Federation of Vatra has reacted forcefully and has made its attitude known to the US authorities that we, Vatra members, our supporters and sympathizers around the world favor wholeheartedly the strengthening of the Albanian – American relations. We distance ourselves from any attempt by the current government to weaken these historic ties while increasing the relations with non-Western states that exhibit dictatorial tendencies. Albanians have suffered long enough from their communist dictatorship, with consequences that still devastate our people; thus we fully support President Trump’s policy to increase the authority of the United States on the world arena, particularly the intensifying of US efforts to crack down on dictatorial governments. With regard to its strategy on foreign policy, Vatra is determined to openly advocate and impress upon Albanians all over the world that Albania and Albanians in the Balkans have but only one strategic ally for the ages, the United States of America. On your behalf, I thank the United States Government and President Trump for the attentiveness and the commitment they have shown and will continue to show Albanians.

Honorable Ladies and Gentlemen,

Vatra, The Pan-Albanian Federation of America is well respected by the Albanian community in the US and around the world, today more than ever. Excellent relations with religious institutions, cultural and educational organizations, regional and professional associations are in great standing and will continue to stay strong moving forward. We are helping in strengthening the education of the diaspora’s children, enriching the cultural life of the community and increasing our presence thanks to the wisdom, maturity, experience and influence of Vatra.

We respect all the structures of the Albanian diaspora around the world, we sympathize and urge them to increase their authority and prestige, and we do appreciate the respect and admiration of the Albanian community for Vatra.

Dear Vatra members,

The 106th anniversary is an important year for our Federation on account of the ongoing reforms that aim to revitalize it. We have tapped into capacities with national and international recognition which have opened up new horizons for our beloved Vatras.

We are aware of the importance of Vatra’s economic empowerment and we will soon appeal to entrepreneurs, businessmen and individuals who are keen to revive Vatra economically.

I am grateful to all the members and supporters for sending their wishes from New York, New Jersey, Connecticut, Michigan, Washington DC, Virginia, Maryland, Jacksonville, Fort Lauderdale, Tampa, Orlando, California, Canada, Boston, Worcester, California, Texas, Arizona, Maine, North Carolina, Ohio, Pennsylvania, Rhode Island, and from across the ocean: Albania, Kosovo, Montenegro and Macedonia, Italy, Greece, Germany, Belgium, United Kingdom, Australia, France, as well as every place where they work hard to maintain their culture, tradition and the Albanian values. To all the base and the supporters: I thank you for your dedication; you are all good citizens and we will do great work together.

We have the blessing of all honest Albanians around the world and these prayers and blessings make us strong and invincible.

We do not work for the history books, yet history assigns each of one their rightful place, and I believe that all Vatra members will stand on the golden pedestal of Albanianism. Be proud of being a member of VATRA!

Dear friends,

Our strength lies in our faith for the future!

Allow me to make an announcement in front of you today, the Pan-Albanian Federation of America Vatra will continue to intensify its efforts and further its initiatives in the service of Albanians.

VATRA’s mission is to SERVE THE NATION!

We will face hardship but we will succeed because time is on our side and time is the greatest power. Time will summon Vatra to tackle the most pressing issues, and Vatra will always be there, at the front and confronting any force that attempts to delay the time for Albanians to march into history.

VATRA will go ahead lighting the path as the Pole Star of Albanians around the globe.

Long Live the Pan-Albanian Federation of America VATRA;

Long Live Albanians,

God Bless the United States of America!

KRYETARI MISHTO:VATRA ËSHTË FEDERATË MBIPOLITIKE*

June 2, 2018 by dgreca

Të dashur Vatranë,/

Të nderuara Zonja dhe Zotërinj,/

Të Nderuar Klerikë,/

Të nderuar përfaqësues të Organizatave të Komunitetit,/

Të dashur bashkëatdhetarë që na ndiqni sot nga gjithë globi,/

Kam nderin e lartë dhe privilegjin e madh të uroj secilin prej jush “Gëzuar Ditëlindjen e Vatrës”!

Pas 106 vjetësh punë të palodhur, ne vatranët jemi mbledhur sot si rrallë herë për të festuar jetën e gjatë të Federatës sonë dhe për të qenë më shumë se kurrë krenarë.

Nuk ka fushë të jetës dhe veprimtarisë së kombit shqiptar, ku nuk gjendet prania e Federatës Vatra: Në art dhe fotografi, në diplomacy, në qeverisje dhe në drejtimin e shtetit, në kontributin për ngritjen dhe forcimin e komuniteteve fetare dhe harmonisë fetare, në arsim, në letërsi dhe në kulturë, në gazetari, në muzikë dhe në shkencë. Etërit e Federatës sonë Konica e Noli, por edhe të gjithë bashkëpunëtorët dhe drejtuesit e Vatrës ndër vite na kanë lënë pas një trashëgimi të paçmuar, e cila sa më shumë kalon koha aq më shumë merr dimensione të reja. Ne përulemi me respekt sot për gjithë ç’ka është bërë në Federatën tonë dhe shprehim publikisht mirënjohjen dhe respektin për ata vatranë të njohur dhe panjohur që e shndërruan Vatrën në burimin e energjive pozivite për të bërë gjëra të mira dhe të dobishme për kombin tonë në momente vendimtare të historisë.

Të dashur Vatranë,

Historia e Vatrës dhe lavdia e së shkuarës nuk mund të shërbejnë si motivi kryesor I veprimtarisë sonë të tanishme. Çdokush nga ne duhet të ndjejë përgjegjësinë të bëjë diçka, aty ku mundet, të dukshme e të padukshme për Vatrën e sotme. Ne nuk mund të qëndrojmë në hijen e kurorës së lavdisë së shkuar. Koha sot na kërkon të jemi sërish në krye të punëve të mira kombëtare.

Vatra nuk merret me politikë dhe nuk është formacion politik. Por, Vatra është “mbipolitike”.

Vatra ka të gjithë të drejtën historike dhe morale të shqetësohet për bashkëkombasit tanë kudo që ata ndodhen dhe jetojnë.

Ne konstatojmë me dhimbje se gjendja shoqërore në Shqipëri është e rëndë. Shqiptarëve u është vrarë shpresa, e cila është forca thelbesore për ecjen përpara dhe për zhvillim. Emigracioni i pandërprerë, ulja konstante e standarteve demokratike dhe kaosi I brendshëm në Shqipëri na trishtojnë pa masë. Raportet e fundit të Departamentit të Shtetit dhe institucioneve të tjera politikëbërëse e politikëzbatuese janë fatkeqësisht të zymta kur flitet për kanabizimit të vendit, papunësinë e të rinjve dhe shtrirjen e korrupsionit në çdo qelizë të administratës.

Por, ajo që na rrit ankthin dhe shqetësimin është cënimi i marrëdhënieve mes Shqipërisë dhe Shteteve të Bashkuara të Amerikës. Vetëm në pesë vitet e fundit janë konstatuar disa raste flagrante të goditjes së këtyre marrëdhënieve nga ana e Qeverisë Shqiptare, deri edhe rreshtimi i hapur kundër vendimeve zyrtare të Qeverisë Amerikane. Federata Vatra ka reaguar me forcë dhe ka bërë të ditur qëndrimin e saj tek autoritetet amerikane se Ne, pra Vatra, gjithë anëtarësia jonë e madhe, mbështetësit dhe simpatizantët tanë në botë janë me tërë forcën për forcimin e marëdhënieve shqiptaro – amerikane dhe se distancohemi nga çdo tentativë për dobësimin e këtyre marëdhënieve dhe për më tepër rritjen e relacioneve me shtete joperëndimore që shfaqin tendenca diktatoriale. Ne shqiptarët, kemi vuajtur nga diktatura komuniste, e cila edhe sot ka lënë pasoja shkatërrimtare ndër ne, ndaj mbështesim me gjithë forcën politikën e Presidentit Trump për rritjen e autoritetit të Shteteve të Bashkuara në botë, veçanërisht në përpjekjet amerikane për goditjen e qeverivë diktatoriale. Federata Vatra në strategjinë e saj për politikën e jashtme ka vendosur të shpalosë publikisht dhe të mëshojë fort kudo tek shqiptarët në botë se Shqipëria dhe Shqiptarët në Ballkan kanë vetëm një Aleat Strategjik në jetë të jetëve, dhe ky eshtë Shtetet e Bashkuara të Amerikës.Me lejoni që në emrin tuaj të falendroj përzëmërsisht Qeverinë e Shteve të Bashkuara dhe Presidentin Trump për gjithë vëmendjen dhe përkushtimin që kanë dhe do të kenë ndaj shqiptarëve.

Të nderuara zonja dhe zotërinj,

Federata Vatra gjendet sot e nderuar nga komuniteti shqiptar në SHBA dhe në botë më shumë se asnjëherë më parë. Marëdhëniet e shkëlqyera me institucionet fetare, organizatat dhe shoqatat kulturore, arsimore, krahinore, profesionale, etj janë në nivelin më të lartë dhe do të fuqizohen më tej. Ne po japim ndihmën tonë në fuqizimin e arsimimit të fëmijëve shqiptarë në diasporë, rritjen e aktiviteteve kulturore dhe shtimin e pranisë sonë aty ku nevojitet mençuria, maturia, përvoja dhe fuqia e Vatrës.

Ne respektojmë të gjitha strukturat e diasporës shqiptare në botë, I mirëkuptojmë dhe I nxisim të rrisin autoritetin dhe prestigjin e tyre, dhe ndjehemi mirë që komuniteti shqiptar e sheh Vatrën me respekt e admirim.

Të nderuar Vatranë,

Ky 106 vjetor është një vit i rëndësishëm për Federatën tonë per një sërë reformash që në kemi ndërmarrë për rivitalizimin e saj. Ne kemi afruar kapacitete të vlerësuara kombëtarisht dhe ndërkombëtarisht duke i dhënë Vatrës sonë të dashur më shumë hapësirë mendimi dhe veprimi.

Ne jemi të ndërgjegjshëm për rëndësinë e fuqizimit ekonomik të Vatrës dhe së shpejti do të afrojmë sipërmarrës, bisnesmenë dhe individë të cilët duan ta ringrejnë Vatrën ekonomikisht.

Unë u jam mirënjohës gjithë vatranëve dhe mbështetësve tanë për urimet e tyre, kudo që ndodhen në New York, New Yersey, Connecticut, Michigan, Washington DC, Virginia, Maryland, Jacksonville, Fort Lauderdale, Tampa, Orlando, Kanada, Boston, Uster, California, Texas, Arizona, Maine, North Carolina, Ohio, Pensilvania, Rode Island, por edhe me gjerë në Shqipëri, Kosovë, Malin e Zi dhe Maqedoni, Itali, Greqi, Gjermani, Belgjikë, Mbretërinë e Bashkuar, Australi, Francë, dhe kudo që ndodhen për punën e madhe që bëjnë për të mbajtur të fortë kulturën, traditën dhe virtytet më të mira shqiptare. Dhe I drejtohem të gjithë vatranëve dhe mbështetësve tanë: faleminderit për përkushtimin tuaj, jeni të gjithë të mirë dhe do të bëjmë së bashku vepra të mëdha. Ne kemi bekimin e të gjithë shqiptarëve të ndershëm në botë dhe këto lutje e bekime na bëjnë të jemi të fortë e të pathyeshëm.

Ne nuk punojmë për historinë, por mekanizmi i historisë i jep vendin e tij çdokujt, ndaj besoj se vatranët do të qëndrojnë në piedistalin e artë të shqiptarisë. Jini krenarë që jeni vatranë.

Të nderuar miq,

Forca e jonë qëndron tek besimi që ne kemi për të ardhmen. Më lejoni të deklaroj publikisht se Federata Panshqiptare e Amerikës Vatra do të shtojë më shumë ritmin e punëve të saj duke mbetur qendër e nismave në shërbim të shqiptarëve. Prandaj Vatra ekziston: T’i shërbejë kombit. Do të hasim në vështirësi, por do t’ja dalim mbanë sepse koha është me ne, dhe Koha është fuqia më e madhe. Koha do të thërresë sërish Federatën Vatra në zgjdhjen e çështjeve të rëndësishme dhe Vatra do të jetë gjithnjë aty, në ballë dhe përballë çdo force që tenton të vonojë orën e historisë së shqiptarëve. Vatra do të mbetet Ylli Polar i shqiptarëve në botë.

Rroftë Federata Panshqiptare e Amerikës VATRA;

Rrofshin shqiptarët,

Zoti bekoftë Shtetet e Bashkuara të Amerikës.

*Fjalimi i Kryetarit te Vatres z. Dritan Mishto ne darken kushtuar 106 vjetorit te Themelimit te Vatres(28 prill 2012) dhe njohjes prej shtetit Amerikan(13 qershor 1912).

*Fotografite i shihni ne facebook(dielli vatra)

Marrëdhëniet e forta me SHBA janë shpëtimi i vetëm i Shqiptarëve

April 26, 2018 by dgreca

Nga Dritan Mishto*/

Është një kënaqësi e madhe që sot diskutojmë në Vatër rreth tezave politike e kombëtare që shtron publicisti i njohur Frank Shkreli , të pasqyruara profesionalisht në përmbledhjen publicistike “Demokracia nuk pret”. Diskutimi rreth ketij libri sot në Federatën Vatra zhvillohet në një kohë të rëndësishme për ecurinë e marëdhënieve shqiptaro-amerikane, të cilat në periudha të ndryshme historike kanë pasur luhatjet e veta. Me keqardhje duhet të pranojmë se ndërprerja apo dobësimi i marrëdhenieve shqiptaro-amerikane ka ardhur gjithmonë nga politika shqiptare. Marrja e pushtetit nga komunistët në vitin 1944 dhe vendosja e njërës prej diktaturave më të ashpra në botë u pasua menjëherë me dobësimin dhe ndërprerjen e marrëdhënieve me SHBA. Por, edhe me pas rivendosjes së tyre në vitin 1991, këto marrëdhënie janë prekur nga lojrat politike dhe interestat meskine te politikanëve shqiptarë, të cilët në disa raste kyce nuk jane ngritur ne lartësinë qe kerkon mbajtja fort dhe të shenjta të marredhenieve mes dy kombeve tona. Mbrojtesit e flakte dhe të pakompromis të marrëdhënieve shqiptaro-amerikane janë diaspora jonë në SHBA me në krye Federatën Panshqiptare VATRA dhe mbarë kombi ynë. Ndaj edhe qeverite shqiptare jane pro-amerikane sepse perqafesojne nje nga kombet me proamerikan ne bote. Sic e dini, Vatra nuk perfshihet ne debate politike por më duhet të ngre disa shqetësime të konstatuara gjatë viteve të fundit lidhur me cënimin e marrëdhënieve mes Shqipërisë dhe SHBA. E para është cështja e shkatërrimit te armeve kimike siriane në vitin 2013. Sic dihet pati disa protesta në Shqipëri kunder përfshrjes së Shqipërisë në këtë proces, protesta të cilat sic u pa qartë u nxitën indirekt nga qëndrimi I Kryeministrit Rama duke mbajtur popullatën në një errësirë informative lidhur me të vërtetën e kësaj lëvizjeje diplomatike nga ana e SHBA. Është fatkeqësi shumë e madhe që për herë të parë në historinë e marredhenieve tona diplomatike u protestua përpara Ambasadës Amerikane në Tiranë, vetëm (e përsëris) për shkak se Kryeministri i Shqiperise nuk i paraqiti qytetarëve të vendit të tij tërësinë e planit të shkaterrimit të armëve kimike (aq sa shqiptarët pandehën se armët do të shkarkoheshin në port dhe do përbënin rrezik direkt për popullatën). Pra, një sjellje kryeministrore pasqyrohet direkt në marrëdhëniet mes dy kombeve tona dhe ne nuk duhet te harrojme dicka të rëndësishme se cdo cenim, cdo dobësim i marredhenieve shqiptaro-amerikane sjell rritjen e drejtëpërdrejtë të influencave ruse në rajon, ndaj ne nuk duhet te kemi as me te voglen luhatje se i vetmi alet dhe mik i forte i Shqipërise dhe shqiptarëve janë Shtetet e Bashkuara të Amerikës. Tendenca e shfaqur nga Kryeministri Rama, që Shqiperia e vogël të luajë rolin e një nukli politik me marrëdhënie të shumta me Perëndimin e Lindjen është e kotë. Shqiperia duhet të ketë si bosht kryesor të politikes së saj të jashtme fuqizimin e marrëdhënieve me SHBA dhe ndjekjen e politikës amerikane. Rasti i dyte, sërish I përjetuar me trishtim nga mbarë kombi shqiptar, është votimi I Shqipërisë kundër vendimit të Presidentit Trump për njohjen e Jeruzalemit si kryeqytet të Izraelit. Është rast i rrallë në historinë e qeverisjeve botërore që një qeveri të votojë kundër mikut dhe aleatit më të madh të saj (me një popullsi në shumicë dërrmuese proamerikane) sic ndodhi me votën e Kryeministrit Rama kundër SHBA. Ajo votë nuk mund të pranihet kurrësesi që është votë e shqiptarëve kundër Amerikës. Jo, ajo është vota e Edi Ramës kundër SHBA dhe politikës së saj zyrtare, ndërkohë që Shtetet e Bashkuara kanë qenë nismëtarja dhe mbrojtësja e shqiptarëve në Ballkan, me një rol parësor në pavarësinë dhe procesin e njohjes ndërkombëtare të Kosovës. Arsyetimet dhe justifikimet e qeverisë shqiptare duke sjellë argumenta të diplomacisë të periudhës hoxhiste për të justifikuar votën kundër janë qesharake. E treta, vendimi i fundit i Presidentit Trump për sulmin ndaj shkatërrimit të bazave kimike ne Siri. Nuk pati asnjë deklaratë përshëndetëse nga Kryeministri shqiptar. Pa asnjë shpjegim.

Ndaj edhe Federata Pan-Shqiptare Vatra ashtu si në të shkuarën do të jetë aty ku konstatohet një zbrazëtirë apo ku krijohet një e krisur sado e vogël në marrëdhëniet shqiptaro-amerikane, duke u bërë si gjithmone gardiane e fortë dhe pakompromis e paprekshmërisë së tyre. Në Kuvendin e fundit të Federates Pan-Shqiptare Vatra u miratua platforma fituese që parasheh se Vatra do të ndjekë dhe do mbeshtesë fuqimisht vendimet e Departmentit te Shtetit, Qeverise Amerikane dhe Presidentit Trump lidhur me Shqipërinë dhe shqiptaret sepse ne jemi të bindur tek dashamirësia e tyre ndaj nesh dhe se largpamesia e vendimarrjes amerikane i tejkalon aftësitë e politikanëve shqiptare për t’i gjykuar keto vendime. Vatra do të bëj gjithcka që forcimin e ketyre marrëdhënieve mes Shqipërisë dhe Shteteve të Bashkuara ta kthejë, ashtu si deri tani, në forcimin e pozitës së shqiptarëve.

Ndaj, edhe analizat e mikut tonë të nderuar Frank Shkreli marrin një rëndësi të vecantë, sepse I përgjigjen realitetit dhe japin rrugëzgjidhje për një të ardhme më të mirë. Vetëm marrëdhëniet e forta dhe të palëkundura me ShBA janë dhe do të jenë shpëtimi i shqiptarëve.

Ju faleminderit!

**Diskutimi i Kryetarit të Federatës Panshqiptare VATRA z. Dritan Mishto në debatin e zhvilluar në Vatër rreth marrëdhënieve shqiptaro – amerikane, me rastin e publikimit të librit “Demokracia nuk pret” të z. Frank Shkreli…