“Politika e zakonshme ёshtё shumё shpesh arti i tё ecurit sё bashku tё gёnjeshtrёs pёrkrah sё vёrtetёs, nё mёnyrё qё kush i sheh tё kalojnё mos tё dijё tё dallojё se cila ёshtё gёnjeshtra e cila ёshtё e vёrteta.”/-Arturo Graf (1848 – 1913) poet e kritik italian/

NGA EUGJEN MERLIKA/

Seanca e njё shkurtit nё Kuvendin e Shqipёrisё dha njё tabllo tё shёmtuar tё politikёs shqiptare, qё nuk po del dot nga psikoza e luftёs guerrile nё politikё. Ёshtё krijuar njё atmosferё, nё dukje, kundёrshtie tё papajtueshme mes shumicёs qeverisёse dhe pakicёs kuvendore. Kemi tё bёjmё me grupe tё ndryshme politike, t’organizuara nё parti, qё prej vitesh padisin njёri tjetrin pёr tё njёjtat shfaqje e dukuri qё i vishen herё njёrit e herё tjetrit. Pёr mё tepёr huazojnё nga njёri tjetri metodat e luftёs politike, duke bёrё qё, nё kohё tё ndёrsjellta t’i venё nё zbatim nё tё njёjtat mёnyra. Historikisht ёshtё vёrtetuar paaftёsia e shqiptarёve pёr t’u marrё vesh me njёri tjetrin, njё dukuri patologjike qё fashitet pak nё diktaturat, si ajo e gjysmё shekullit komunist, por qё shpёrthen si vullkan sapo tё pёrvijohet njё sistem sado pak demokratik.

Duke parё nё televizion shfqjen e njё shkurtit nё Kuvend mё erdhi vetiu njё pyetje : a ishte mё i rёndёsishёm pёr interesat e Shqipёrisё diskutimi i dhёnies me konçesion tё ndёrtimit tё aeroportit tё Vlorёs, apo ekstradimi i Nezar Seitajt nё Itali ? Nё vetminё time arrita nё pёrfundimin se mё i dobishёm pёr t’u diskutuar, nё tё gjitha drejtimet, ishte çёshtja e aeroportit, qё paraqet pёr mendimin tim, disa pika t’errёta. Sё pari pёrse qeveria nuk shpall njё garё pёr konçesionin nё tё cilёn tё merrnin pjesё edhe edhe kompani tё tjera ndёrkombёtare, veç asaj turke ? Dihet se garat pёr tenderat, nё kёta raste, janё jo vetёm mё ekonomike pёr Vendin, sepse mund tё çojnё nё uljen e vlerёs sё veprёs por, nga ana tjetёr, japin edhe pёrshtypjen e tejpamjes, tё veprimit nё dritёn e diellit, duke larguar çdo dyshim qё mund tё lindё kur bёhen marrёveshje tё fshehta, tё cilat mund tё mbulojnё interesa tё ndёrsjellta tё kontraktuesve, tё tilla qё mund tё shkojnё nё dёm tё atyre kombёtare e nё dobi tё atyre vetiake tё njёrit apo tjetrit.

Po tё hedhim njё sy nё tёrё ecurinё e konçesioneve tё viteve tё pas komunizmit nё tё gjitha degёt e ekonomisё, sidomos n’ata tё minierave, tё naftёs dhe energjitikёs, hasim njё varg dёshtimesh tё llahtarёshme, dёshmitarёt e tё cilёve janё herё mbas here qindra e mijra punonjёs qё protestojnё deri nё qeveri, sepse mbeten me muaj pa marrё rrogat!! Tё gjitha kёto janё pasojё e dhёnies pa kriteret e duhura ekonomike tё konçesioneve shoqёrive tё panjohura e jo serioze tё Vendeve tё ndryshme. Kjo pёrvojё duhet tё jetё njё mёsim i madh pёr shtetarёt qё, nё marrёdhёnie me kapitalin e huaj, duhet tё dijnё tё zgjedhin seriozitetin, fuqinё ekonomike dhe siguritё, tё sanksionuara me kontrata tё qarta, tё njohura e qё nё rast se nuk respektohen tё mund tё paditen nё organizmat ndёrkombёtare e tё detyrohen tё paguajnё dёmet.

Nё mos gabofsha, njё klauzolё e kontratёs sё konçesionit pёr aeroportin e Vlorёs thotё se kur tё vihet nё shfrytёzim, shteti ёshtё i detyruar t’i paguajё kompanisё shpenzimet pёrkatёse, nёse nuk arrihet numuri i udhёtarёve qё do tё fluturojnё. A ka kuptim njё klauzolё e tillё ? Pёr atё qё ndёrton e shfrytёzon aeroportin po, pёr shtetin tonё jo, mbasi njё vepёr e tillё duhet tё ndёrtohet mbas njё studimi tё saktё tё kёrkesave, edhe nё perspektivё, pёr qarkullim njerёzish e mallrash. Nёse kjo vepёr do t’i shёrbejё ekonomisё si njё stoli, pa qenё nё gjёndje tё jetё rentabёl, nuk mё duket me vёnd qё tё ndёrtohet, aq mё shumё se largёsia nga Rinasi nuk i kalon 120 km.

Mendoj se pёr tё gjithё kёta aspekte duhej diskutuar atё ditё nё mbledhjen e Kuvendit, me qё ishte vёnё nё rendin e ditёs. Por Opozita parapёlqeu tё merrej me çёshtjen e ekstradimit nё Itali tё Nezar Seitajt, njё çёshtje e cila duhet tё jetё krejtёsisht nё dorёn e organeve tё Drejtёsisё. Salla e Kuvendit u kthye nё njё arenё ndeshjesh me armёt e fyerjeve tё ndёrsjellta sepse, simbas Opozitёs, ekstradimi i njё banditi qё ёshtё mbajtur nё arrest pёr rreth katёr muaj, do tё “bllokojё”tё gjithё hetimet pёr trafikantёt e drogёs e pёr “peshqit e mёdhenj” qё pritet tё bien nё rrjetёn e Drejtёsisё. Pёr konsum publik duket se argumenti i a arrin qёllimit.

Nё tё vёrtetё ai nuk pёrbёn asnjё rrezik tё tillё pёr dy arsye : e para, se i arrestuari pёr katёr muaj ka patur kohё tё mjaftueshme pёr tё dhёnё nё hetuesi gjithshka qё do tё kishte dashur tё jepte dhe e dyta se, edhe nё dorёn e policisё gjyqёsore italiane, ёshtё plotёsisht e mundur tё vazhdojё hetuesia mbi tё. Nuk ёshtё e vёrtetё se ai shkon nё njё kamp pushimi, nga ku mund tё humbasё gjurmёt nё çdo çast, por ёshtё nё dorё  tё njё policie qё ёshtё tepёr e efektёshme nё punёn e saj. Nё gjithё kёtё potere qё bёn Opozita nё lidhje me kёtё rast, nuk mbahet parasysh fakti qё qe prokuroria  e Katanjёs qё e zbuloi dhe e kapi grupin e Habilajve pёr drogёn e tregtuar nga Shqipёria nё territorin italian. Krimet e rёnda pёrfituan nga rasti se Nezari, duke nuhatur rrezikun qё i vinte nga qёndrimi atje, rrinte nё Shqipёri.

Organet e Drejtёsisё sё Shtetit shqiptar nuk mund tё kthenin mbrapsht kёrkesёn e Drejtёsisё italiane, mbasi ka konventa, marrёveshje e rregulla qё bёjnё edhe tё detyrueshme disa veprime nё marrёdhёniet ndёrkombёtare. Fatmirёsisht ka kaluar koha e mbylljes nё “kalanё e socializmit”, me tё gjitha pasojat negative tё veçimit nga bota. Njё hedhje poshtё e mundёshme nga ana shqiptare e kёrkesёs pёr ekstradim tё njё njeriu qё ёshtё kapur me fakte krimi nё Itali, do t’a ndёrlikonte pozitёn e Shqipёrisё, do tё krijonte njё preçedent tё rrezikshёm dhe njё goditje tё fortё bashkёpunimit ndёrmjet organeve kompetente tё Drejtёsisё sё dy Vendeve, gjё qё nuk do tё sillte asnjё dobi pёr ne.

Nёse “peshqit e mёdhenj” nuk bien nё rrjetёn e drejtёsisё shqiptare, arsyet duhen kёrkuar jo tek ekstradimi i Nezar Seitajt, por sepse ata dijnё t’i fshehin mirё gjurmёt e tyre, se nё njё mёnyrё apo tjetёr janё tё mbrojtur nga segmente tё caktuara tё Shtetit dhe tё Drejtёsisё e shembulli i zhdukjes sё Klement Balilit ёshtё rasti tipik i njё dukurie tё tillё. Nё kёta raste duhet njё punё shumё e zgjuar dhe e mprehtё pёr tё gjetur faktet qё do tё vinin para drejtёsisё fajtorёt. Madje nuk mjafton vetёm kjo, sepse Drejtёsia shqiptare ka dhёnё shёmbuj se din tё bёjё tё pavlefshme edhe prova si filmimet apo tё vrarёt me plumba nё shёtitore.

Kjo ndodh sepse drejtёsia ёshtё nё dorёn e politikёs, qё e vёrtit si tё dojё ajo, madje i ka “dhuruar” edhe veset e saj mё tё kёqia si dёshirёn pёr t’u pasuruar me mjete tё paligjёshme. Nё kёtё rast nuk mund tё bёhet njё pёrgjithёsim, mbasi do t’ishte njё mёkat tё njolloseshin ata gjyqtarё qё ushtrojnё ndershmёrisht profesionin e tyre, e qё duhet tё jenё baza ku duhet tё mbёshtetet kursi i ri i domosdoshёm i Drejtёsisё shqiptare. Vlerёsimi dhe ngritja nё pёrgjegjёsi e atyre gjyqtarёve ёshtё detyrё e poitikёs sё mirё. Pёrzgjedhja e tyre do tё jetё fillimi i njё proçesi tё domosdoshёm pastrimi e moralizimi tё jetёs publike shqiptare.

Gjykatat e pavarura e tё papolitizuara, siç janё zyrtarisht e formalisht edhe ato tё Shqipёrisё sё kёtyre viteve, duhet tё jenё shtylla mё e fuqishme, mbi tё cilёn mbёshtetet shteti demokratik. Shёmbujt nё botё janё tё bollshёm pёr tё nxjerrё mёsime e pёr t’i zbatuar edhe tek ne, fatkeqёsisht mungo vullneti pёr t’i pёrqafuar ato pёrvoja. Si nё shumicёn e rasteve mbetemi tё fundit nё nismat e veprimet pozitive.

Politika e mirё kёrkon maturi e guxim. Nёse kur duhet maturia, pёrdoret guximi dhe anasjelltas, pёrfundimi ёshtё zero. Mё njё shkurt vlente mё shumё maturia pёr tё diskutuar me themel pёr aeroportin e Vlorёs, se sa guximi pёr tё sharё e pёr t’u pёrballur pёr ekstradimin e njё banditi. Jo mё kot personi mё i qetё n’atё sallё ishte Kryeministri qё qeshte nёn buzё sepse projekti i tij pёr aeroportin u miratua pa u diskutuar e gjithshka ndodhi shkoi nё favor tё tij.

Besoj se ai episod duhet tё bёjё tё pёrsiatet mirё Opozita mbi rolin e saj, mbasi qёndrime e sjellje si ato tё njё shkurtit nё Kuvend nuk i sjellin asnjё dobi çёshtjes sё saj, qё ёshtё tepёr e rёndёsishme pёr fatet e Vendit dhe tё demokracisё shqiptare.

Shkurt 2018