-Në Kosovë, Viti i Ri është pritur në sheshe si tradicionalisht në vitet e lirisë e pavarësisë /
– Në vitin 2017, djalë lindi fëmija i parë. Sa banorë i ka Kosova dhe cilët janë emrat më të shpeshtë, të rekordit/
-Lajmi i para 17 viteve -1 janarit 2000. Si e priti Kosova Vitin e Ri – të parin në liri/
Gazeta DIELLI nga korrespondenti në Kosovë Behlul JASHARI/
PRISHTINË, 1 Janar 2017/ Në Kosovë, Viti i Ri 2017, i 18 vjetorit të lirisë e 9 vjetorit të pavarësisë, është pritur gëzuar si tradicionalisht në këto vite në sheshet e kryeqytetit, Prishtinës, e qyteteve të tjera, ku ka pasur edhe koncerte, mes shkëlqimit të dritave e fishekzjarreve, stolive edhe me shumë bredha të mëdhenjë.
Derisa, “në robëri pritet veç festa e lirisë”, si raportoja nga Kosova në prag të ndërrimit të moteve në kohën e paraluftës e luftës, në vitin e parë të lirisë së Kosovës nga mbrëmja e 31 dhjetorit 1999 e deri pas mesnatës mëse 100 mijë njerëz për herë të parë të lirë ishin në sheshet kryesore të Prishtinës në pritjen e Vitit të Ri 2000, ndërsa festime të mëdha në sheshe kishte edhe në qytetet e tjera kosovare.
Në vitin 2017, djalë lindi fëmija i parë në Qendrën Klinike Universitare në Prishtinë, ku gjatë 2016-tës kishte 10.040 lindje.
Sipas Statistikave të Lindjeve të publikuara në verën 2016, brenda vitit 2015 në Kosovë kishte 24.594 lindje, kurse jashtë vendit 6 715. Binjakë u lindën 712 foshnje, ndërsa trenjakë e më shumë u lindën 18 foshnje.
Kosova shkon drejt dy milionëshit të banorëve rezidentë, derisa sipas regjistrimit të popullsisë të pranverës 2011, ku nuk u përfshinë katër komunat veriore, u numëran 1.739. 825 banorë rezidentë, 92.93 % shqiptarë.
Por, numri i banorëve-shtetasëve të Kosovës është më i madh, meqë regjistrimi i popullsisë nuk ka përfshirë një të tretën e kosovarëve që vlerësohet se jetojnë e punojnë jashtë vendit. “Ti je pjesë e atdheut” është motoja me të cilën Kosova edhe në vitin 2016 ka vazhduar procesin e regjistrimit diasporës dhe deri tash ka arritur të evidentojë mëse 400.000 bashkatdhetarë.
Ndërkohë që priten statistikat e vitit 2016, në Kosovë, emrat më të shpeshtë, të rekordit, për fëmijtë e lindur në vitin 2015, për vajza ishte Alea me 223 pagëzime dhe Erina me 146, ndërsa për djemtë Diar me 214 dhe Ajan me 205 pagëzime.
Dy emrat më të shpeshtë për vajzat ishin të njëjtit edhe në vitin 2014, por nën një ishte Erina me 199 pagëzime e nën dy Alea me 182. Në 2015-ën emri për vajzat Alea rikthehet në vendin e parë ku ishte edhe në 2013-ën me 154 pagëzime, e që pasohej nga Tuana me 118.
Për djemtë edhe në 2014-tën emri më i shpeshtë ishte Diar me 215 pagëzime, e pas tij Amar me 180. Edhe në 2013-tën për djemtë emërat e njejtë Diar me 122 dhe Amar me 117 pagëzime ishin më të shpeshtit, sipas Agjencisë së Statistikave të Kosovës.
—
LAJMI I PARA 17 VITEVE -1 JANAR 2000:
http://groups.yahoo.com/group/albania/message/3014
Afro 100 000 qytetarë e pritën Vitin e Ri në sheshet e Prishtinës
PRISHTINE, 1 janar /ATSH- B. Jashari/ – Afro 100 000 qytetarë në
Prishtinë e pritën Vitin e Ri në sheshe dhe rrugët e mbushura me borë në
shoqërinë e koncerteve dhe programe të ndryshme festive.
Kryeqyteti i Kosovës, që festoi Vitin e Ri për herë të parë në liri,
ishte një nga pesë qytetet e botës prej nga qendrat më të mëdha televizive
bënë transmetime të drejtpërdrejta.
Një mesazh solidariteti, me kërkesën për lirimin sa më të shpejtë të
7 000 djemve dhe vajzave kosovare, që vazhdojnë të mbahen peng në burgjet e
Serbisë, u lexua në sheshin kryesor “Nënë Tereza” të Prishtinës.
http://www.hri.org/news/balkans/ata/2000/00-01-01.ata.html#06
http://www.hri.org/news/balkans/ata/2000/00-01-01.ata.html
[02] Some 100 000 citizens welcome New Year on Prishtine Squares
PRISHTINE, January 1 (ATA)-By B. Jashari, Nearly 100 000 citizens of Prishtine received the New Year on snow covered squares and streets in the company of various festive concerts and programmes.
The capital of Kosova, which celebrated the New Year for the first time in freedom, was one of the five cities of the world from which the biggest TV centers carried live broadcasts.
A message of solidarity, appealing for the rapid release of 7 000 Kosovar sons and daughters, who continue to be held hostage in Serbia’s prisons, was read at the main square “Mother Teresa” of Prishtine. /dast/lm/