Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“Shok”, shfaqet në festivalin prestigjioz “Tribeca Film Festival”, në New York

by

Nga Beqir SINA/

Filmi “Elvis & Nixon”për mbretin e muzikës Rock, Elvis Presley dhe Presidentin Nixon do të hap festivalin që do të pasohet me një shfaqje drejtëpërsëdrejti, në festivalin Tribeca të filmit, Shqiptaro – Britanik, “Shok”, nga Kosova.

NEW YORK CITY: Festivali i Filmit Tribeca 2016, i cili do të filloi më 13 prill dhe do të vazhdojë deri në 24 prill në qytetin e Nju Jorkut, si gjithmonë, mbetet një festival prestigjoz amerikan, i cili anon nga prodhimet amerikane, edhe pse jo ekskluzivisht kështu, aty konkurojnë të gjitha llojet e filmave amerikan – duke filluar nga projektet me profil më të lartë deri tek ato të profilit të vogël.Ky festival dallohet nga drejtorët(director) e prodhuesit(producent) që vinë për herë të parë, në Nju Jork – pjesëmarrës në këtë festival, siç është edhe rasti me Filmin Shok, me skenar dhe regji nga Jamie Donoughue dhe me producent Eshref Durmishi dhe Harvey Ascott.Shtypi njujorkez shkruan megjithëse Festivali i Filmit Tribeca nuk mund të pretendojë së është në prestigjin ekuivalent me festivale të tilla si Sundance dhe Cannes Film Festival – por ai është prestigjoz dhe një nga më të medhenjët në Shtetet e Bashkuara.

Tribeca, thuhet se është i pozicionuar mirë, si në shtrirjen gjeografike dhe kronologjike, dhe ka “gdhendur” një vend të fortë për veten e saj si një festival i pavarur me prirje dhe me një axhendë për t’u lëvduar për të nxitur talentin e ri në të gjitha zhanrret e saj, duke filluar nga filmat e metrazhit, të shkurtër, të gjatë, dokumentar, dhe animation.Në këtë festival kësaj radhe do të jenë edhe Yjet e filmit, si Michael Shannon në rolin e Elvis Presley dhe Kevin Spacey në rolin e Richard M. Nixon, bazuar në një moment në historinë e Shtëpisë së Bardhë. Atë kur Presley arriti në lëndinën e Shtëpisë së Bardhë, me shpresën për të qenë “deputet” në Byronë e Narkotikëve dhe Drogave të Rrezikshme,“Tribeca Film Festival 2016”, do të hapet me premierën botërore të filmit “Elvis & Nixon”, me drejtor dhe producent nga Liza Johnson, njoftuan të martën organizatorët e këtij festivali.

Në mesin e filmave të tjerë që do të shfaqen në skenën në qiell të hapur – në kinemanë verore Tribeca, në qytetin e New Yorkut, është edhe filmi “Një holografi për Mbretin”, i producentit dhe përshtatur për ekran nga Tom Tykwer dhe aktor Tom Hanks.Ky film është e bazuar në romanin e Dave Eggers-së në lidhje me një biznesmen që është duke luftuar dhe përpiqet të shesë teknologji të përparuar tek mbreti i Arabisë Saudite.

Film ky që do të shfaqet si pjesë e seksionit qendëror të vëmendjes së festivalit Tribeca, shkruan shtypi amerikan, i cili përfshin gjithashtu “të gjitha dramat” një dramë që vjen prej moshës, e drejtuar nga Katie Holmes në lidhje me një vajzë adoleshente dhe nëna e saj që u vendosën në një qytet të ri.

Pjesa e dytë e Festivalit Tribeca, në New York, do të hapet me filimin “Djalli dhe Deti i thellë blu,” me aktorë Jason Sudeikis, i cili luan rolin si një njeri që duhet për të rindërtuar jetën e tij, pas një tragjedie. Dhe “kujdestarisë” që ia sjell Viola Davis, përsëri në ekranin e madh si gjyqtare e gjykatës të familjes në një martesë të vështirë.

Komedia “The Family Fang”, e drejtuar nga Jason Bateman dhe me aktoret Nicole Kidman dhe Z. Bateman si fëmijët e artistëve të performancës, do të jenë pjesë e këtij festivali kaq prestigjozë.

Dokumentarët e njohur në seksionin e vendosur në qendër të vëmendjes përfshijnë, edhe Filmin Shok, nga Kosova, shkruan shtypi amerikan.

Filimi Shok ka një tregim rrënqethës i bazuar në ngjarje të vërteta të kohës së luftës në Kosovë, dhe po vazhdon sukseset e tij, anë e kënd botës” – “Rrëfimi i shokëve, Petritit (Lum Veseli) dhe Okit (Andi Bajgora) po vazhdon të ketë sukses dhe jehonë të madhe, në SHBA.

Pas sukseseve që ky film pati në disa qytete të mëdha amerikane, si New York, Boston, duke e përfshirë edhe konkurimin në nominimin e tij historik, për çmimin Oscars, në Los Angelos, në fund të muajit shkurt, filmi ‘Shok’ do të shfaqet përsëri në metropolin e botës New York, në Festivalin Tribeca.

Në filmat e ashtuquajtur qendror dokumentar është edhe filmi “Komandën dhe kontrollin”, bazuar në librin e Eric Schlosser, të vitit 2013, film ky që tregon në lidhje me rrezikun bërthamor.

“Rap Bad” ndjek jetën e katër Rappers aziatikë-amerikan, duke u përpjekur për të u kthyer në rrjedhë.

“Kontrollon Ajo” tjetër film dokumentar, ky i cili tregon një grup të anëtarve të homoseksulave në qytet L.G.B.T. disa të rinjëve në Uashington të cilët formojnë një bandë të modës dhe seksit.

Ngjarje të veçantë në këtë festival do të përfshijë edhe filmi “Green Day” me Billie Joe Armstrong pas shfaqjes së filmit narrativ “Plakush”, i cili ka aktor Stars Z. Armstrong, si baba që gjithë ditën e kalon me një “karrige lëkundëse”.

Në Festivalin e Filmit Tribeca, që do të zhvillohet nga 13-24 prill në qytetin e New Yorkut, një vend i veçantë i është lënë edhe Yllit të futbollit Pele, i cili do të mbajë edhe një panel pas shfaqjes të një filmi përshkrues në lidhje me jetën e tij, titulluar “Pelé: Lindja e një legjendë.”

Filmi “Shok” afirmoi në mbarë botën vlerat kulturore dhe njerëzore të Kosovës

by

-Kryeministri Mustafa e ka uruar ekipin e filmit “Shok”, duke theksuar se pjesëmarrja e tyre në garën për çmimin Oscar, Kosovës i ka dhënë një kuptim krejtësisht tjetër në arenën ndërkombëtare/

 Prishtinë, 4 mars 2016/ Kryeministri i Republikës së Kosovës, Isa Mustafa, priti në takim ekipin e filmit kandidat për Oscar “Shok”.Në takim ishte i pranishëm edhe zëvendëskryeministri, njëherësh ministër i Kulturës, Rinisë dhe Sportit, Kujtim Shala.Kryeministri Mustafa e ka uruar ekipin e filmit “Shok”, duke theksuar se pjesëmarrja e tyre në garën për çmimin Oscar, Kosovës i ka dhënë një kuptim krejtësisht tjetër në arenën ndërkombëtare.“Sot pata një kënaqësi të veçantë të takoj ekipin tonë, yjet tanë, yjet e Kosovës që i kanë dhënë një kuptim krejtësisht tjetër gjatë javëve të kaluara Kosovës jashtë. Kanë afirmuar vlerat kulturore, por edhe vlerat njerëzore, sepse është fjala për njerëz të rinj, tepër të talentuar të cilët e kanë përfaqësuar Kosovën në mënyrën më të mirë, e kanë përfaqësuar një të kaluar tragjike, të errët të Kosovës me fjalë dhe me pamje artistike, por edhe kanë hapur dyer shumë të rëndësishme të lidhjeve, të komunikimit dhe të prezantimit të Kosovës jashtë”, tha kryeministri Mustafa, në një prononcim para mediave.Duke iu uruar sukses dhe duke i falënderuar shumë për punën e mrekullueshme të ekipit të filmit “Shok”, kryeministri Isa Mustafa tha se artistët dhe kinematografia kosovare do të përkrahen edhe më tutje me buxhet nga Ministria e Kulturës, Rinisë dhe Sportit.“Sot ju premtuam se do t’i përkrahim më shumë me buxhet nga Ministria e Kulturës, dhe se do të marrim edhe masa tjera lehtësuese sa i përket politikave fiskale, në mënyrë që gjatë tërheqjes së fondeve të jashtme ta kenë më lehtë, sepse kanë bërë një punë të rëndësishme edhe në tërheqjen e fondeve, edhe në bashkëpunimin me organizatat kinematografike dhe fondacionet tjera jashtë vendit”, tha kryeministri Mustafa.Drejtori i Qendrës Kinematografike të Kosovës, Arben Zharku, falënderoi kryeministrin Mustafa dhe ministrin Shala për pritjen, ndërsa theksoi faktin se me filmin “Shok”, Kosova ka fituar vëmendjen jo vetëm të mediave ndërkombëtare, por edhe të artistëve nga e mbarë bota.“Ne jemi shumë të gëzuar dhe krenar që kohën e fundit kemi mundur t’i sjellim lajme të mira Kosovës përmes filmit. Filmi “Shok” e ka vënë Kosovën në një pozitë krejt ndryshe, ka krijuar vëmendje shumë të madhe nga mediat ndërkombëtare, nga artistë ndërkombëtarë. Kënaqësia më e madhe ka qenë shkëlqimi i dy aktorëve të rinj, Andit dhe Lumit, të cilët na e kanë zbardhur fytyrën gjatë prezencës në Oscar. Ne jemi shumë falënderues për këta dy djem të rinj që janë tepër të talentuar dhe inteligjent”, tha drejtori Zharku.Dy aktorët e rinj, Lum Veseli dhe Andi Bajgora po ashtu falënderuan kryeministrin Isa Mustafa për pritjen që u bëri./b.j/

Edhe pse nuk fitoi Oscar, Filmi “Shok”, promovoi Kosovën

by

-Ministri Shala: Suksesi i filmit “Shok” duke u nominuar dhe garuar deri në fund për çmimin e Akademisë së Arteve Filmike dhe Shkencave “Oscars”, përbën lajmin e jashtëzakonshëm për kulturën dhe në tërësi vendin tonë, shënon arritjen më të madhe të kinematografisë së Kosovës/PRISHTINË, 29 Shkurt  2016/ Ministri kosova i Kulturës, Rinisë dhe Sportit, Kujtim Shala, uron aktorët, producentët, skenaristin njëherësh edhe regjisor dhe tërë ekipin e filmit “Shok” për suksesin e arritur duke garuar në ceremoninë më të rëndësishme të artit filmik “Oscars”, ku pjesëmarrja e një projekti nga Kosova është një ngjarje historike për kinematografinë e Kosovës. Suksesi i filmit “Shok” duke u nominuar dhe garuar deri në fund për çmimin e Akademisë së Arteve Filmike dhe Shkencave “Oscars”, përbën lajmin e jashtëzakonshëm për kulturën dhe në tërësi vendin tonë, ngase shënon arritjen më të madhe të kinematografisë së Kosovës dhe dëshmon për cilësinë dhe talentin që posedojmë si vend, u shpreh ministri Shala. Kësaj arritjeje i gëzohet tërë populli i Kosovës për shkak të depërtimit të filmit kosovar në arenën ndërkombëtare dhe i bën nder artit dhe kulturës së Kosovës, tha ndër të tjera Shala, duke i falënderuar me këtë rast, gjithë ata që kanë ndihmuar në realizimin e filmit.Filmi “Shok” vizualizon për mrekulli një copëz të tragjedisë që kemi përjetuar si popull në ndërrimin e mijëvjeçarit, dhe vlerësimi i tij e bën filmin por edhe vendin tonë të jetë prezent përballë popujve të tjerë të botës dhe paraqet një mundësi që vendi ynë të promovohet edhe më shumë. Ministri tha se suksesi i filmit “Shok” është një inkurajim që si MKRS të punojmë edhe më me përkushtim për krijimin e kushteve më të volitshme për zhvillimin e kinematografisë përmes lehtësirave normative që nxisin krijimtarinë dhe mbrojnë filmin dhe duke rritur përkrahjen financiare në këtë fushë. Përpos përkrahjes së MKRS-së për kinematografinë, Qeveria e Kosovës për këtë projekt që na ka bërë krenar të gjithëve ka ndarë një fond prej 70 mijë eurosh i cili ka shërbyer për promovimin e mëtejmë të filmit “Shok”./b.j/

FILMI “SHOK”, NOMINUAR PËR “OSCAR”, DHUROI EMOCIONE NË “MOMA”

by

Ishte një gjetje e duhur dhe tepër simbolike shënimi i 8 Vjetorit të Pavarësisë së Kosovës me premierën e filmit”SHOK” të nominuar për”OSCAR”. E organizuar nga ambasada e Kosovës në Washington dhe Konsullata e Kosovës në Nju Jork, me pjesmarrjen e miqëve amerikanë, ambasdorëve të vendeve miq, përfshirë dhe atë të Mbretërisë së Bashkuar Britanike,diplomatëve, artistëve, gazetarëve, – në mënyrë simbolike filmi “dëshmoi” të djeshmen e tmerrshme, por edhe atë cfarë ka arritë Kosova në këta 8 vjet, duke guxuar të përfaqësohet denjësisht edhe në Hollivud me një film, që flet shumë.Premiera u organizua në sallën e shfaqjeve në “MOMA”(The Museum of Modern Art) në Manhattan, NY, të Mërkurën me 17 Shkurt 2016. Salla e mbushur plot nuk i kurseu as lotët, as duartrokitjet.

Fotografite i shihni ne facebook(dalip Greca). (Të plotë lexojeni në Gazetën Dielli të printuar)