Gabohesh prof Fuga- Eugent Bushpepaj,nje mrekulli bashke me Eleni Foureiras dhe Ermal Meten/

Nga Elida Buçpapaj/

Në vend se të mrekullohej Prof.Fuga se e kishte rastin,  ka shpërthyer gjithë pezëm në një status që i kundërvihet këngës Mall të Eugent Bushpepës i cili ngriti në këmbë gjithë Altice Arena në Lizbonë për performancën po ashtu edhe shqiptarët kudo ndodheshin!

Kjo këngë i plotëson të gjitha ato që Prof.Fuga thotë se i mungojnë.

Kënga e Eugent Mushpepës është me identitet europian, është një rok i mbështetur në folkun e traditës shqiptare.

Ku i kishte veshët Prof.Fuga që nuk e kapi mozaikun e folkut shqiptar si pjesë e së gjithës europiane ?!

Ndërsa zëri i Eugentit i paparë, që të le pa frymë!

Eugent Bushpepa ka bërë paraqitjen më moderne të Shqipërisë, duke mos e harruar Rona Nishliun me Suus, si një kanautor me të gjitha prerogativat për të qenë krenari shqiptare dhe europiane. Me një zë të jashtëzakonshëm që e bëri prezantuesen e televizionit zviceran, sepse prej këtij kanali po e ndiqnim Eurosong, të shprehej në superlativa për zërin e këngëtarit shqiptar! Wow çfarë zëri!

Gara e sivjetme e EuroSong që po mbahet në Lizbonë të Portugalisë ishte shumë kompetitive, të gjitha vendet kanë sjellë aty më të mirët e tyre. Ka zëra, muzikë, tekste dhe performanca!  Edhe sikur të mos kishte arritur të kalonte garën, ne të gjithë shqiptarët duhet t’i ishim mirënjohës Eugent Bushpepës se na paraqiti mrekullisht. Kështu reagoi Zvicra, për përfaquesit e Konfederatës Helvetike, motër e vëlla Corinne Gfeller e Stee Gfeller, që nuk mundën të kalonin me Stone, por bënë një paraqitje të shkëlqyer dhe Zvicra i përgëzoi dhe nxori në pah meritat e këngëtares që ishte vërtetë për t’u lavdëruar.

Ka qenë diçka e rëndomë paraqitja jo me standarte e Shqipërisë në EuroSong, zakonisht për mungesë të këngës, ku fituesit e Festivalit të Këngës ishin të zgjedhur për interesa të zhurisë, por kësaj here kënga dhe këngëtari ishin për standing ovation!

Prof.Fuga duket ka qenë me humor të keq, sepse nuk ka si të ndodhë ndryshe kur në këngën e Eugent Bushpapës nuk ka vënë re asgjë, as rrënjët, as folklun, as zërin, fytyrën dhe shpirtin e një Artisti të madh shqiptar që të bën t’i heqësh kapelen e t’i ngrihesh në këmbë sepse të gjithë suksesin e ka arritur me talendin dhe mundin e tij.

Nga ana tjetër EuroSongu i 2018 është shumë i veçantë sepse është një demonstrim ala grande i gjenisë dhe talentit shqiptar, në Shqipëri i ndrydhur dhe i burgosur nga politika, ndërsa jashtë atdheut shpërthyes dhe viktorioz e triumfues.

Sivjet bashkë me Eugent Bushpapën nga shteti amë, Italia konkuron me Ermal Metën, ndërsa Qipro me Eleni Foureira. Të tre janë të magjishëm, vinë me zhanre të ndryshme, pop, folk rok dhe një përzierje e etno folk me pop, por bashkohen tek talenti dhe gjenia shqiptare që është unike dhe na bën të jemi krenar !

Ne nuk kemi asgjë të përbashkët me plehrat e politikë shqiptare, plehrat e politikës nuk kanë asgjë të përbashkët me gjakun dhe talentin shqiptar, por ne jemi prindërit, vëllezërit e motrat, gjyshërit e gjyshet, e bashkatdhetarët e Eleni Foureiras, Eugent Bushpepës dhe Ermal Metës dhe ndihemi plot me shpresë! Shpresën na e jep potenciali i tyre, që shpreh potencialin kombëtar!

Të tre artistët na e zbardhin faqen me talentin dhe punën e tyre gjigande që i bëri të ngjiten në skenat botërore duke e nisur jetën nga zero si emigrantë.

Janë njerëz të ndershëm së pari! Kështu tha prezantuesja e Zvicrës për familjen e Eleni Foureira-s, se i jati i saj është murator, ndërsa nëna rrobaqepëse, por duke jetuar në Europë ata arrijnë tek suksesi, sado e  vështirë qoftë gara, shumë e vështirë, tepër e vështirë por e ndershme, ndërsa në Shqipëri gara është gjithmonë e pistë! Eugent Bushpepa bën përjashtim!

Urimet më të mira Eugent Bushpepa!

Urimet më të mira Eleni Foureiras !

Urimet më të mira Ermal Meta!

Urimet më të mira për treshen shqiptare!

Kombi ju përulet me nderim. Sepse jeni Bijtë e tij!