Nga Gani Vila/
Drejtor i Televizionit të shqiptarëve të Amerikës

Televizioni i Shqiptarëve të Amerikës dhe unë personalisht e  kemi përjetuar me dhimbje të thellë largimin e papritur dhe të parakohëshëm nga kjo jetë të ish kolegut tonë  Gjon Lulgjuraj,të kryetarit aktual të Organizatës 75 vjeçare Shqiptaro-Amerikane AANO,Ideatorit,programuesit,drejtuesit dhe realizueit të radio programit të parë për tre dekada në gjuhen shqipe në shërbim të komunitetit shqiptar në Michigan dhe në Florida.Plot 50 vjet aktivitet të gjithanshëm patriotik produktiv në emigracion që ju keni dhënë i nderuar Gjon,do të ngelen vlera të përjetshme për kombin shqiptar. Gjon,ti  ishe shqiptari model,aktivist dhe patriot i shquar i komunitetit shqiptar, i kudo ndodhur në të gjitha fushat dhe nevojat e  jetës së komunitetit shqiptaro-amerikan në mërgim,në protesta, demostrata,në takime me kongresmenë e senatorë dhe deri në Kongresin Amerikan.Nuk do të harrohen moderimet e aktiviteteve patriotike e kulturore , fjalimet e tij të cilat kanë entuziazmuar,stimuluar e motivuar bashkëatdhetarët e pranishëm dhe kanë bere që jehona e këtyre aktiviteteve  të pëcillej në mbarë komunitetin.Gjithë jetën  ka qenë aktiv për cështjet shqiptare në Shtetet e Bashkuara te Amerikës dhe në trevat tona etnike.Gjon Lulgjuraj i shfrytëzoi pozitivisht mundësit që të jep Amerika.Ai diti të ruante me fanatizëm traditat dhe vlerat kombëtare shqiptare për vete dhe bashkëkombasit e tij, por shumë shpejt ai u integrua edhe në jetën dhe kulturën amerikane.Megjithëse mbaroi  universitetin në fushën e arkeologjisë,Gjonit  i pëlqente biznesi ku ai gjeti veten dhe u bë i sukseshem. Me veprimtaritë e tij patriotike e veçanërisht atë mediatike, Gjoni inicioi dhe udhëhoqi revolucionin e ndryshimeve të mëdha në mentalitetin e atëhershëm politiko-kulturor të komunitetit shqiptar që kishte emigruar nga trevat shqiptare të okupuara nga Jugosllavia e e asaj kohe. Këto veprimtari dhe suksese në komunitetin  shqiptaro-amerikan Gjon Lulgjuraj i arriti sepse ishte i edukuar me atdhedashuri,ishte i ndërgjegjshëm dhe i vetëdijshëm për obligimet ndaj çështjes mbarë kombëtare shqiptare. Gjoni kishte një personalitet të rrallë të fisnikut shqiptar, Ishte i zgjuar,i shkathët,plot ide dhe suksese,i qetë,i dashur, i qeshur,i urtë i edukuar,i pa përtuar,bamirës,i besueshëm , donator i përhershëm.Ai ishte jo vetëm orator i talentuar, por dhe ideator i spikatur.Gjoni e donte Malësinë , e donte Shqipërinë , e donte popullin shqiptar.Çka  Zoti ia kishte falur, ai e vuri më së miri në shërbim të kombit të vet.Ishte vizionar,i pa përtuar,i pa lodhur, e përjetonte  gjithëpërfshirës kombin dhe botën shqiptare.Gëzohej nga sukseset dhe progresi i shqiptarëve e trishtohej nga mangësite dhe kurrë nuk tërhiqej nga misionet. Pavarësisht se gurët e diamantit po shkëputen një e nga një si yjet nga gjerdani,gjithmonë do të rrojnë këto vlera pasi thesarët e  Malësisë së Madhe  rezatojnë edhe këtu në emigracion. Vdekja e parakohshme e Gjon Lulgjurajt nuk është një humbje vetëm për familjen,për të afërmit,për Grudën,për Malësinë,por  një humbje e madhe dhe e pa zëvëndësueshme edhe për mbarë komunitetin shqiptaro-amerikan dhe kombin shqiptar, pasi kontributet dhe vlerat e Gjon Lulgjurajt i kanë kaluar përmasat e  “Thesarit  të Malësisë”. Për veprimtarinë e gjithanshme 50 vjeçare në shërbim të çështjes shqiptare në emigracion, që ju keni dhënë suksesshëm i dashur Gjon  Zefi Lulgjuraj,  meritoni të jeni “ Nder i Kombit shqiptar”. Gjon, kolegu ynë,mik i dashur nuk të harrojmë,gjithmonë do të kujtojmë .

U prefsh në paqe.

Gani Vila

Drejtor i Televizionit të shqiptarëve të Amerikës

Michigan 15 Gusht 2021