Nga Ilir Levonja/
Nuk e di pse e quajnë gjyq popullor këtë punën e Sokol Ballës! Kam që dje që ndjek ngjarjen. Nuk shoh ndonjë protestë shoqate. Nga ato me të drejta të kufizuara. Ndonjë protestë popullore. Çfarë tjetër që mund të konsiderohet protestë. Ka vetëm një luftë të hapur termash midis pengmarrësve të shtypit. Sonte hajde ti në studion time. Nesër vi unë tek ty etj. Dhe kështu për vite. Të gjithë janë me Sokolin. Dhe mire bëjnë. Sepse kanë arsyet e sojit. Të gjithë ia dine njëri-tjetrit. Dhe të gjithë ruajnë nga një video të fshehtë. Shqipëria është bërë kantier videosh. Madje infektoi edhe Kosovën. Kushedi sa mijra të tjera flenë. Presin çastin. 
Problemi është i thjesht. Midis gazetarit dhe Topchanel-it. Nuk po shohim ndonjë gjyq popullor. Populli po bën plane se si të iki. Edhe pse e di që murit me kokë nuk i bihet. Edhe pse e di që do ta kthejnë. Prapë po kërkojnë borxh ca euro. Si e si të ikin.
Duke dashur t’i imponohen këtij televizioni. Pengmarrësit e fjalës së lirë, e kanë kthyer të gjithin në një gjyq popullor. 
Nëse televizioni është populli, mire. Po nuk është kështu. 
1)E para, mos i bëni presion një instucioni të madh si Topchanel. Eshtë një situate e vështirë. Më mire se ju, nuk e di populli, faktin që një media publike ekziston mbi imazhin. Normale që është një vendim marrje e vështirë. Madje nga ato që prek deri ekzistencën. Ky televizion fare mire mund ta uli nesër mbrëma, gazetarin me Kryeministrin. Ndofta i detyruar edhe për shkak të kontratave, privilegje të cilat i gëzoni vetëm ju. Jo njerëzimi i madh shqiptar. Studiot e këtij televizioni janë mësuar me luftë të ashpër mediatike. Por nuk janë mësuar me vendimarrje të tilla. Dhe nëse tregojnë sado pak shenja të institucioneve perëndimore. Mbi vendim marrje të vëshitra, ku konsolidiohet imazhi. Nuk të lini ju pengmarrësit e tij me vrullet dhe parrullat, si gjyqi popullit, pse po gabon Topchanel, do e lejojë apo jo të enjten? etj. Apo një tjetër titull që sapo u anuçua, Rasti Balla dhe eskorta e namusqarve. (Mustafa Nano me turqishten e tij të re.)
Pra nuk është gjyq as kolektiv. Gjyq kolektiv iu bë gushtin e kaluar (2014)atij oficerit në Sarandë. Ndaj mos e devijoni problemin. Nuk ka gjyq popullor. Puna është se në një pikë jeni të gjithë bashkë, tek ekzistenca juaj. Kjo vertetohet sapo u hedh një sy faqeve të para, Jeni vetëm ju. Çfarë thoni ju, ajo ekziston.
2)Paralelisht Topchanel-i mund të jetë duke biseduar me Kryeministrin. Pasi mundet që ky ta bojkotojë emisionin. Se kështu qënka në programin e së enjtes. Sokol Balla përballë Kryeminsitrit. Të dy me histori zhveshjesh. Megjithatë Edi Rama u bë Kryeministër. Ndofta edhe vetë gazetari mund të jetë një bisedim tresh.Dhe është. Dhe do të ketë një vendim marrje. Madje këtu ka në dorë shumë edhe vet Sokoli. Mund ta ndihmojë treshen, mund ta ndihmojë institucionin. 
Një vendim marrje e tillë që gjithkush mund ta quaj të drejtë apo të pa drejtë. Por asesi gjyq popullor.