• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

HASHIM THACI, JO ME KRYEMINISTER, I VE SYRIN PRESIDENCES

January 4, 2013 by dgreca

Hashim Thaçi ka deklaruar se nuk do të kandidojë më për postin e Kryeministrit, duke hapur kështu dilema rreth të ardhmes së tij politike. Në PDK nuk japin përgjigje se ku do të vazhdojë karrierën Shefi i tyre. Por, analistët parashikojnë se Lideri i PDK’së do të shkojë në postin e Presidentit ose do të tërhiqet përkohësisht nga politika.

As zyrtarët e PDK’së nuk e dinë se ku do të vazhdojë karrierën politike Kryeministri aktual, Hashim Thaçi.Lideri i PDK’së ka thënë se nuk do të kandidojë më për të udhëhequr Qeverinë, por nuk ka treguar se a do të vazhdojë të mbetet në politikë apo do të pushojë përkohësisht.Zyrtarët e PDK’së thonë se përgjigjen se çka do të bëjë Thaçi duhet kërkuar tek vetë ai.

“Veç Kryeministri e di atë përgjigje”, ka thënë anëtari i Kryesisë së PDK’së Adem Grabovci, kur është pyetur se ku do të shkojë Kryeministri pasi ta përfundojë mandatin.Në një intervistë për mediet e shkruara, Lideri i PDK’së ka konfirmuar se nuk do të jetë më Kryeministër i Kosovës.“Një gjë është e sigurt, se PDK’ja do t’i fitojë zgjedhjet edhe në mandatin tjetër, por unë nuk dua të jem kandidat për Kryeministër”, ka thënë Thaçi.Për dallim prej zyrtarëve PDK’së, analistët politikë tregojnë se Kryeministri aktual ka dy opsione para vetës – të shkojë në Presidencë ose të pushojë përkohësisht nga politika, në mënyrë që të shpëtojë i pastër nga skena aktuale politike e përfshirë në skandale.

“Thaçi është qe gati pesëmbëdhjetë vjet aktiv në skenën politike. E ka mbuluar një periudhë të rëndësishme historike dhe shumë aktivitete. Vendimi për të mos kandiduar për Kryeministër ka dy tehe: e para, nuk dëshiron të jetë më Kryeministër dhe të distancohet nga politika aktuale dhe e dyta, mund të jetë se ai ka synime të bëhet Kryetar i Kosovës me mandat pesëvjeçar dhe të mbetet edhe më tej në politikë. Pas atij mandati të Kryetarit të vazhdojë karrierën ngjashëm si Milo Djukanovic në Mal të Zi, që gjithnjë po del si i pazëvendësueshëm”, parashikon Shkëlzen Maliqi, analist politik.

Më herët, Hashim Thaçi pati thënë se një mandat është pak për të qenë Shef i Qeverisë, ndërsa dy mandate shumë.

Po ashtu është përmendur mundësia që Thaçi të bëhet President në një koalicion të mundshëm me AAK’në.

Por, ky opsion është mohuar nga Kryeministri aktual.

Megjithëkëtë, është mbetur e hapur mundësia që ai të shkojë në postin më të lartë shtetëror.

Marrjen e postit të Shefit të shtetit, analisti Ardian Arifaj e sheh si fundin e karrierës politike të Hashim Thaçit.

“Nëse shkon President, atëherë është fundi i karrierës politike sepse duhet të tërhiqet nga posti politik. Hashim Thaçi është i ri edhe në moshë për me u tërheq prej politikës kaq shpejt. Për dikë që ka qenë në postin e Kryeministrit nuk është më tërheqës asnjë post tjetër”, ka thënë Arifaj për Express.

Sipas tij, në Kosovë posti më i rëndësishëm është ai i Kryeministrit dhe në këtë situatë është vështirë të parashikohet se ku mund të shkojë Lideri i PDK’së.

“Z.Thaçi politikisht kurrë s’ka qenë më i fortë. Nuk ka post më të lartë se ai i Kryeministrit. Posti i Presidentit është post më shumë ceremonial dhe jo politik për shkak të përfaqësimit të unitetit të popullit. Për nga pushteti, për nga fuqia posti i Presidentit është shumë më i dobët në raport me Presidentin”, ka thënë ai.

Hashim Thaçi ka ardhur në pushtet në vitin 2007, duke udhëhequr Qeverinë e parë me LDK’në, ndërsa aktualisht është në koalicion me AKR’në dhe minoritetet.

Nga mandati i parë vetëm një ministër ishte akuzuar për korrupsion, ndërsa në këtë mandat ka pasur aktakuza edhe për një Zëvendëskryeministër.

Krejt këto zhvillime, analisti Shkëlzen Maliqi i sheh si mundësi që Thaçi të reflektojë.

“Një moment tjetër është se ndoshta në një periudhë shumë të shpejtë mund të ngrihen akuza për figura të rëndësishme të skenës politike, ndoshta Thaçi vlerëson që është më mirë që përkohësisht të pushojë ose të ndërrojë pozitën dhe të dalë eventualisht më i pastër, sepse akuzat ndaj tij janë shumë të rënda që ka udhëhequr Qeverinë ku ka korrupsion në shkallë brengosëse”, ka thënë Maliqi.

Sikurse Arifaj, edhe Maliqi nuk dëshiron të parashikojë se kush mund të jetë pasardhësi i Hashim Thaçit.

Megjithatë, Maliqi thotë se Kadri Veseli është një opsion për zëvendësimin e Thaçit.

“Veseli gjithmonë ka qenë figurë në prapavijë e fuqishme që e ka mbajtur unitetin e PDK’së. Ai mund ta luajë këtë rol edhe në të ardhmen”.

Ndërkohë, Arifaj thotë se gjithçka do të sqarohet në Kongresin Zgjedhor të PDK’së, ku do të dihet për pozicionet e secilit zyrtar të partisë në pushtet.

“Më 26 janar do të sqarohen shumë gjëra. Aty e kanë Kuvendin e Përgjithshëm dhe aty dihet se kush po mbetet në parti, kush po bëhet Kryetar. Gjithçka do të sqarohet aty”, ka thënë Ardian Arifaj.(Kortezi Faton Ismajli Expressi)

 

Filed Under: Opinion Tagged With: Hashim Thaci, i ve syrin, Presidencez

  • « Previous Page
  • 1
  • …
  • 7
  • 8
  • 9

Artikujt e fundit

  • AT SHTJEFËN GJEÇOVI DHE DR. REXHEP KRASNIQI, APOSTUJ TË IDESË PËR BASHKIM KOMBËTAR
  • Marjan Cubi, për kombin, fenë dhe vendlindjen
  • Akademik Shaban Sinani: Dy popuj me fat të ngjashëm në histori
  • THE CHICAGO TRIBUNE (1922) / WOODROW WILSON : “NËSE MË JEPET MUNDËSIA NË TË ARDHMEN, DO T’I NDIHMOJ SËRISH SHQIPTARËT…”
  • SHQIPËRIA EUROPIANE MBRON HEBRENJTË NË FUNKSION TË LIRISË
  • KONGRESI KOMBËTAR I LUSHNJES (21-31 JANAR 1920) 
  • Një zbulim historik ballkanik
  • VATRA DHE SHOQATA E SHKRIMTARËVE SHQIPTARO-AMERIKANË PROMOVOJNË NESËR 4 VEPRA TË PROF. BESIM MUHADRIT
  • Që ATDHEU të mos jetë veç vend i dëshirës për të vdekur…
  • KAFE ME ISMAIL KADARENË
  • Kosova paraqet mundësi të shkëlqyeshme për investime
  • PARTIA NUK ËSHTË ATDHEU, O KOKËSHQOPE
  • 50 VJET VEPRA POETIKE KADARE
  • IT’S NOVEMBER 28TH
  • Një arritje për shqiptarët në Michigan

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT