Lushnjari, fiton titullin e parë dhe premton:”Ky është fillimi, tani fillon cdo gjë”.

Përgatiti Albano Kolonjari

Florian Marku zgjidhi “mosmarrëveshjen” e tij me boksierin ukrahinas Maxim Prodan me një fitore, por me një vendim ku gjyqtarët ishin të ndarë përsa i përket pikëve. Gjyqtari Matteo Montella, i cili padyshim nuk ishte i impresionuar nga boksimi i Markut dha një rezultat mjaft të çuditshëm, në kartonin e tij 99-91 në favor të Maxim Prodan. Dy gjyqtarët e tjerë, Steve Weisfeld dhe Howard Foster të dy votuan për Marku me 97-93 dhe 96-94 dhe respektivisht i dhane atij fitoren. Sigurisht, Prodan dukej i frustruar. Marku ishte shumë i përmbajtur brenda ringut, Marku i kishte premtuar se do t’i bënte të gjitha për ta fituar takimin në konferencën për shtyp të ditës së enjte. Pas një hapjeje konkurruese dy raunde e para, Marku mori përsipër luftën me goditjen e tij dhe në përgjithësi e përshkoi rrugën e fitores, duke e futur Prodanin në vështirësi, duke i dhënë kundërshtarit grushta, pasi ai Prodain ishte i detyruar të mbrohej mirë në mënyrë që të mos rrezikonte KO. Prodan u kthye në raundin e shtatë, kur Marku u rrëzua shkurtimisht pasi humbi ekuilibrin, por luftëtari shqiptar me bazë në Britani shpejt rimori komandën dhe goditi Prodanin me një goditje të majtë në raundin e fundit për të siguruar fitoren. Pas raundit të shtatë Marku punoi me goditje, ai fitoi kontrolli e ringut, ndërsa ukrainasi Prodan me qendër në Itali thjesht u mundua te ndalonte “zbarkimin” e grushtave që vinin nga Marku. “Ai kishte fuqi të mirë, por unë po gjeja ritmin tim. Unë nuk kisha probleme, por nuk mund ta godisja lehtë. Nëse nokauti po vinte, ai po vinte, ” tha Marku pas luftimit. “Ai dërgon mesazhin rivalëve të tij se me vetëm 10 luftime, mora një kundërshtar të lartë dhe e munda atë. Të gjithë më nënvlerësojnë, thonë, ‘Ai është një kikboksier’, dhe shikoni kë munda sot. ” Pas takimit lushnjari Marku u shpreh :”Ju falenderoj nga zemra për mbështetjen që më keni dhënë gjatë gjithë kësaj kohe dhe në fund erdhi shpërblimi duke fituar titullin kampion në IBF . Jam shumë i lumtur që e fitova titullin tim të parë që e kisha pritur me kohë. Nuk kam fjalë për ta përshkruar këtë ndeshje . Jam shumë i lumtur. Ky është fillimi tani fillon cdo gjë”.