Duka dhe Dukesha e Kembrixhit në Angli janë bërë prindërit e një djali të shëndetshëm. E gjithë Britania e Madhe ka nisur të festojë lindjen e mbretit të ardhshëm. Fëmija e çiftit peshonte 3.8 kilogram, 42 centimetra i gjate,  dhe lindi në një spital privat. Ai është trashëgimtari i tretë në radhë për kurorën e Mbretërisë së Bashkuar.Babai i bebes ishte në krah të Kate për të pritur lindjen. Familja mbretërore bëri të ditur se fëmija dhe nëna janë mirë.Pritja për lindjen e fëmijës mbretëror në Angli ka shkaktuar jo pak ironi. Një faqe e vogël dhe simpatike i jepte përgjigje pyetjes më të rëndësishme të ditës: A ka lindur akoma foshnja mbretërore në Angli? Përgjigja është JO, ndërkohë që përdoruesit e faqes ftohen që të vazhdojnë më tej.

Qëllimi është që ata të bëjnë një koment me shpoti në lidhje me këtë ngjarje, siç tregon kjo përmbledhje e shkurtër. Komiku Travon Free shkruan se për të nuk ka rëndësi se si do të quhet bebja. “Thjesht shpresoj që të jetë i zi”.

Komiku Jack Moore thotë se mbretëresha e Anglisë do ishte një stërgjyshe normale, përveç faktit se është e frikshme dhe nuk di të dojë askënd. Ai shton se i pëlqen fakti që dikush që di vetëm të qajë dhe të ankohet i ka zënë radhën në fron princit Harry. Dikush shkruan se babai William nuk duhet të ankohet më. “Njësoj do jetë, bebja ka më shumë flokë se ti”.

Komiku Ricky Gervais i jep prindërve një këshillë: “Nëse do isha si Will dhe Kate, do e quaja beben Adolf, thjesht për t’u prishur punë bastexhinjve”.

Gazetari Andrew Mueller bën ironi: “Sky News ka lajmëruar se një ekip me mjekët më të mirë do kujdesen për dukeshën. Kjo na qetëson pak sepse kishim menduar se do ishin disa shimpanze me cilindra”.

Korrespondenti i ARD, Stefan Niemann shkruan: “Ka lindur foshnja mbretërore: burimi është një informacion i rrjedhur nga NSA prej llogarisë në Facebook të finjës së ish- të dashurit të një mamie”.

Një përdorues thotë se është ironike se si ca njerëz janë më të rëndësishëm së të tjerët”./spiegel