Armend Baloku dhe Vlora Nikçi kan postuar në profilin e tyre në facebook, fotografitë me aktorin Uliks Fehmiu, djali i aktorit të madh shqiptar, Bekim Fehmiu, dalur në Brooklyn Bridge – New York/
Nga Beqir SINA/
BROADWAY NYC : Shfaqja “Lojë martese”, e Teatrit Dodona me tekst të Edward Albee e me regji të Kaltërim Balaj me dy shfaqje njëra pas tjetrës, është prezantuar në qytetin e New Yorkut.
Armend Baloku në këtë shfaqje luan bashkë me Vlora Nikçin.
Shfaqja është prezantuar në “Producers Club Theaters” në Manhatan të New York-ut, ose siç njihet ndryshe edhe si Broadway i shqiptarëve në zemër të këtij metropoli, me dy prezantime, që u ndoqën me një shikim të veçantë nga dhjetra artëdashës shqiptaro amerikan, mes tyre veprimtar të njohur, nën kryetari i Vatrës zoti Agim Rexhaj me bashkëshorten e tij, artistë, studentë dhe biznesmen të sukseshsëm.
Shfaqja e teatrit “Dodona” ku luajnë aktorët Vlora Nikçi dhe Armend Baloku, është nën regjinë e Kaltërim Balajt dhe është përkthyer në shqip nga Doruntina Basha.
Në statusin e tij në rrjetin social facebook aktori i talentuar Armend Baloku, ka shkruar “ Albee, është një nga dramaturgët më të njohur amerikanë, fitues i çmimit Pulitzer. Njihet për dramat “Tregimi zoologjik”, “Mëngjesi tek Tiffany” dhe “Kush ka frikë nga Virginia Woolf”, por edhe për “Lojë martese” që është shkruar në vitet ’80 të shekullit të kaluar.” dhe shtonë se “Lojë martese” është një dramë, kushtimisht psikologjike, me dy personazhe, burrë e grua – Jack dhe Gillian – që përjetojnë një krizë familjare, pasi Jack dëshiron t’i jep fund martesës së tij”.
“Lojë Martese” shkrun Baloku, për herë të parë shfaqet në New York eksluzivisht për komunitetin Shqiptaro-Amerikan
“Nikçi e Baloku, me këtë shfaqje rikthehen bashkë në skenë pas dhjetë vitesh. Bashkë i bëri regjisori i ri Kaltrim Balaj në shfaqjen e tij profesionale me tekst të Edward Albees” shkruan shtypi shqiptar nga Prishtina –
“Teksti i kësaj drame sa është dramatik aq është edhe vulgar, duke sjellë në mënyrën e përpiktë jetën e një çifti të moshës së mesme” – shkruan Kultplus duke shtuar se “E shkruar nga Edward Albee, dhe e inskenuar aq mjeshtërishtë nga dy aktorët të cilët tashmë festojnë edhe dhjetëvjetorin e tyre në skenë” –
Vlora Nikçi, ka thënë për gazetën “Zëri” në Prishtinë, se padyshim është një ndër paraqitjet tona më të veçanta pasi në këtë rast shfaqim punën tonë të përbashkët që është bërë në teatrin ‘Dodona’.
“Me përkushtimin tonë, dhe ndihmën e miqve tanë, shfaqja vazhdoi jetën e saj, tani edhe në Shtetet e Bashkuara të Amerikës, më konkretisht në ‘Producers Club Theaters’ në Manhatan të New York-ut”, është shprehur Nikçi, sipas së cilës projekti po mbështetet shumë nga komuniteti shqiptaro-amerikan në SHBA.
“Po ashtu vlen të theksohet se organizimi fantastik që është bërë rreth shfaqjes tonë, siguron një nivel të lakmueshëm të kësaj ngjarjeje, pasi që projekti është mirëpritur dhe po mbështetet shumë nga komuniteti shqiptaro-amerikan në SHBA”, ka thënë Nikçi, duke shtuar se njerëz me famë në shtetin e New York-ut i dolën në mbështetje ekipit teatror.
“Mbështetës kryesor të kësaj shfaqjeje, simabs saj janë asamblisti shqiptaro-amerikan Mark Gjonaj, i cili konsiderohet unifikuesi kryesor i komunitetit shqiptar në Amerikë dhe Albanian American Community Association”, ka treguar Vlora Nikçi, e cila është shprehur falënderuese për sponsorët e shfaqjes si: kompania “Link NY Realty” në krye me Valon Nikçi, si dhe Shoqatën “Rugova” me seli në New York, pa ndihmën e të cilëve nuk do ishte e mundur kjo shfaqje.
“Kjo konfirmon se shqiptarët në SHBA kanë dashuri të veçantë për teatrin shqiptar”, ka thënë Nikçi, e cila është shprehur e ngazëllyer që do të performojë para publikut shqiptar në New York. “Me padurim presim të performojmë para publikut shqiptar në New York. Është me të vërtetë e rëndësishme të luash në SHBA me një shfaqje shqiptare”, është shprehur aktorja.
Rreth shfaqjes ka folur edhe aktori Armend Baloku i cili thotë se “Padyshim është një ndër paraqitjet tona të veçanta, pasi në këtë rast shfaqim punën tonë të përbashkët që është bërë në teatrin Dodona”, ka thënë Baloku, i cili ka shpjeguar se ky prezantim po bëhet edhe me mbështetjen dhe e miqve.
Shfaqja po jepet në dy termine, më 18 dhe 19 dhjetor në “Produces Club Theatre”, New York, me pronarë dy vëllezërit dibran në Nju Jork, Fredi dhe Ernest Tollja.