Nju Jork, 15 tetor 2018- Sot, e Hënë 15 tetor, Luan Tashi, Grafic Desjner në Kosovë, ishte për vizitë në selinë e Vatrës dhe prezantoi projektin e tij të titulluar”Portrete të Skënderbeut gjatë shekujëve”. Libri, që nuk është vetëm një album fotografish, portrete e tablosh për heroin kombëtar, por dhe një histori e shkruar në dy gjuhë, shqip dhe anglisht, e ka marrë dorën e fundit që në korrik 2018, dhe pas printimit të një kopje treguese, është gati për botim.
Autori ka punuar më shumë se 3 vjet në projektin e tij voluminoz prej më shumë se 670 faqesh dhe ka vizituar për këtë qëllim galeri, muze, arkiva të kryeqendrave të Europës dhe ka sjellë portrete dhe tablo interesante, duke dhënë spjegime për seiclin, për autorin, kohën kur u realizua etj. Përvec grafikave bardh e zi, përmendoreve, busteve, në libër gjenë portrete interesantë, shumica me ngjyra dhe që shquhen për rezolucion të lartë.Punimet jane paraqite sipas kohepunimit dhe vijne sipas shekujve kur u krijuan.
Projekti është përgatitë në kuadër të Vitit të Heroit Kombëtar Gjergj Kastrioti Skënderbeu.
Autori, që për profesion ka Art Graphic Designe, ka sjellë një punim serioz që mertiton vëmendjen e institucioneve përkatëse në Kosovë dhe Shqipëri dhe ka nevojë për mbështetje.
Autori u prit nga Editori i diellit, Dalip Greca.(Per me shume fotografi shkoni ne Facebook-dielli vatra)