Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Mark Gjonaj – nesër sfida për një mandat tjetër!

by

Mark Gjonaj : Nga një burrë me rrënjët shqiptarë në mërgim – në një detyrë të lartë në kryeqytetin e Nju Jorkut Albany – i pari Assemblyman shqiptaro-amerikan në Nju Jork, gati për të marrë një mandat të dytë në Qarkun 80-të – të qytetit të Bronxit/
Nga Beqir SINA Bronx New York City/
ALBANY NEW YORK : Një gazetë më e madhe – në qytetin e Bronxit – BronxTimes, shkruante disa muaj më parë, se :”Duke ecur në lindje përgjatë rrugës Lydig Avenue në lagjen e Morris Parkut të Bronx , rrugës që mban edhe emrin e Noblistes shqiptare Nëna Tereses – ju nuk mund të “kaloni” pa vështruar edhe posterit e fushatës elektorale të asambleistit të parë shqiptarë Mark Gjonaj – përfaqësuesit të Kuvendit të Nju Jorkut – Qarkut të 80-të .
Tani dy vjet më pasë posteri i tij ” Mark Gjonaj choice for Progresive” është zvendësuar me “Elected Mark Gjonaj – for Assembly”, i cili është i “ngjitur” në dritaret e bizneseve, zyrat e shtetit, kryqëzimet e rrugëve kryesore, vitrinat e dyqaneve , dhe muret e pallateve. Kudo në Bronx të shfaqet portreti i fisnik i asamblestitit të parë shqiptarë, me flokët e tij të zeza – krehur mbrapa dhe sytë e tij ngjyrë kafe e ndezur me një kostum të zi ashik dhe këmishë të bardhë, me një pin në jakën e xhaketës që tregon se ai është asambleistë.
Në Barnes Avenue në selinë e fushatës Gjonaj – çdo gjë është dekoruar në të njëjtën ngjyrë si postera të tij – në rrugët e sheshet e qytetit , ku votuesit e tij tani “mezi” po presin edhe marrjen e mandatit të dytë dhe ai vetë është duke të jetësuar mandatin e tij të dytë – për në assemblen e Nju Jorkut – në Albany.
Një poster që lexonë ” “Elected Mark Gjonaj – for Assembly,” Zgjedh Mark Gjonaj – për Kuvendin e Nju Jorkut , ” shkruar me tekst të kuq dhe të bardhë në një sfond blu të një strishte të gjatë, duket se i “ngacmon” për her të fundit zgjedhësit e tij për nesër që të dalin në votime. Mbasi, banorët, e Bronxit – lagjet e Qarkut 80-të, ku asambleisti shqiptarë, po shërben tash dy vjet në mandatin e tij të parë – dhe është duke u bërë gati të marrë edhe një mandat të dytë – lagjet të cilat përfshijn Morris Park, Pelham Parkway , Van Nest , Pelham Bay , Pelham Parkway , Norwood , Allerton dhe Van Cortland Valley, mund shkojnë nesër e votojnë përsëri Mark Gjonajn për në Asamblenë e Nju Jorkut Qarkun 80-të.
Më shumë postera dhe fotografi mbulojnë muret e brenda selisë Gjonaj , së bashku me copa të “zgjedhura” gazetash( përfshirë gazetën Bota sot- Illyria dhe Dielli) të cilat, kan shkruar rreth fushatës së tij dhe çmimet të mirënjohjes, marrë prej tij nga organizata të ndryshme vendore . Aty gjenë dhe Formularët për regjistrimin e votuesve Nju Jork, të cilat janë grumbulluar në një tavolinë me broshura informative, që lexojnë disa nga objektivat në fushatën e Gjonajt. Aty shkruhet se ai është fokusuar në rrethin e tij 80-të në Bronx .

Mark Gjonaj , 43 vjeç , bëri histori kur mundi në mandatin e kaluar Assemblywoman në detyrë Naomi Rivera në zgjedhjet paraprake, Demokratike në 13 shtator 2013 me një diferencë prej 11 për qind . Riveren – e cila i përkiste një dinastie politikanësh në këtë Qark , me përvojë të gjatë në politikë.

Kurse, sfiduesi i tij në zgjedhjet e përgjithshme nesër në 4 nëntor , thuhet se është një republikan, i cili “nuk ka as më të voglin shancë’, për të i bërë ballë , demokratit Mark Gjonaj Simbas, shtypit lokal ka të ngjarë, që në listë të mos ketë asnjë republikan në Qarkun 80-të, Bronx, ku rikandidon demokrati Gjonaj, nga “frika” e ndonjë humbje të rëndë nga ana e Republikanëve.
Gjonaj – i cili është biri i dy emigrantëve shqiptarë, i lindur dhe rritur në Bronx, i kushton një pjesë të madhe të jetës së tij për aktivitetet e të gjitha komuniteteve, si dhe duke ndihmuar komunitetin shqiptaro-amerikan në të gjithë zonën e New Yorkut.
Ai mori detyrën në Asamblenë e Shtetit të New York-ut, më 1 janar 2013, duke sjellë me vete përvojat e tij – si biri i një emigranti – një pronari të biznesit të vogël dhe praktikat e vështira për të jetuar dhe punuar në lagjen Bronx. Ai është i pari shqiptarë i Amerikës, në historinë e emigracionit që zgjidhet me votat elektorale në një detyrë kaq të lart në shtetin e New Yorkut.
Në mandatin e tij të parë si Assemblyman i Qarkut të 80-t, Gjonaj – thuhet se ka ndihmuar shtetin e New Yorkut, të bëjë përparime të mëdha në fushën e mbulimit afatgjatë të sigurimit të kujdesit shëndetësor, të shtetësisë dhe të emigracionit, të shërbimeve të tjera sociale për shtresat e varfëra, duke ndihmën e tij në sistemin e arsimit, dhe atë të shërbimit civil.
Si një Assemblyman i mandatit të parë, në shtetin e New Yorkut, Qarku 80-të në Bronx, Mark Gjonaj – simbas shtypit lokal – ka luajëtur një rol aktiv në Albany dhe në Qarkun 80-të, për të krijuar vende pune dhe të mirë paguar, strehim të përballueshëm për qiramarrësit, arsim cilësor në shkollat publike, zgjerimin e objekteve të kujdesit shëndetësor në qytet, mbrojtjen dhe sigurinë e lartë në qendrat socialepër të bërë rrugë të sigurta në të gjitha lagjet, dhe një cilësi më të mirë e jetës për të gjithë komunitetet.
Gjatë fushatës së tij, Assemblymani Gjonaj – ka premtuar se përsëri në mandatin tjetër, ai do të jetë i pranishëm në të gjitha ngjarjet e planifikuara në Qarkun e 80-të, duke u gjendur pranë të gjitha komuniteteve, indianëve, Jews, kinezve, rusve, shqiptarëve, hispanikëve, atyre me ngjyrë, arabve , italianëve dhe të tjerëve.
Në një fjalim entusiast, para dhjetëra mbështetësve të tij në Restorantin Don Coqui – në mbyllje të fushatës së tij ai tha, se do të donte të falënderoj të gjithë për mbështetjen e tyre në fushatën për rritjes së fondeve. “Në fund të fundit, tha Gjonaj – një zyrtar i zgjedhur nuk është asgjë pa mbështetjen e komunitetit, ku ai është zgjedhur, poqese ai nuk është i lidhur me hallet e problemet e zgjedhësve të tij. Unë jam i kënaqur për gjithëçka kam bërë, gjatë këtij mandati për ju dhe duke punuar së bashku me ju “.
Gjonaj u lind më Arthur Avenue në Zonën Fordham të Bronxit, nga prindër emigrantë shqiptarë, të cilët kishin emigruar dekada më parë nga Reçi i Ulqinit . Pas 10 vjet në zonën Fordham , familja e tij u zhvendos në zonën Pelham Parkway . Nëna e tij punoi si një shërbyese në Spitalin Jacobi dhe babai i tij ka punuar si inspektor ndërtimi .
Zgjedhja e tij në mandatin e parë, i ka bërë jashtëzakonisht krenar të gjithë shqiptarët në Amerikë, madje edhe ata në vendlindjen e tyre, Shqipëri, Kosovë, Mal të Zi, Maqedoni, Luginën e Preshevës, Çamëri, e kudo që ka shqiptarë.
” Për shqiptarët , kjo do të thotë shumë , sepse për aq kohë ne nuk kemi pasur dikë që të na përfaqësojë , në Albany, Mark Gjonaj, patjetër që është krenaria jonë që kemi një shqiptarë, tani në Albany” thotë veprimtari i dalluar i komunitetit shqiptarë – Harry Bajraktari, botuesi i parë i gazetës shqiptaro amerikane Illyria. Ai pohoi se komuniteti shqiptar, është dashur të kontribuojë, në çdo fushat për të zgjedhur të tjerë, në Nju Jork, për të pasur mbështetjen e tyre në të kaluarën – Mirëpo,” tani ne kemi një përfaqësues të lart në Albany nga mesi ynë , pra kemi Mark Gjonaj , në Kuvend , që mund të flasi edhe për komunitetin tonë. ” thotë Harry Bajraktari.
Kongresmeni demokart e New Yorkut, Elliot Engel, i cili mori pjesë në natën e mbylljes së fushatës Gjonaj – në një fushat për rritjen e fondeve, u shpreh se ai po e mbështetëse fuqishëm asambleistin Mark Gjonaj – edhe në një mandat të dytë, sepse:. “Prej kur ai u zgjodhë për herë të parë, tha Engel – unë kam patur shumë besim se Marku do të jetë një përfaqësues i mirë i zërit tuaj në Albany – dhe se ai tashmë është njeriu i duhur edhe për një mandat tjetër për të gjitha komunitetet në Bronx” tha Engel – duke shtuar se si i pari asambleist shqiptarë, në New York, unë dhe Mark Gjonaj – kemi qenë present në shumë ngjarje të komunitetit shqiptarë”.
Ndërsa, edhe zyrtarët e tjerë lokal e kanë vlersuar punën e Mark Gjonaj në Kuvendin e Nju Jorkut, Qarku 80të në Bronx – Nju Jork, Kontrollori i Qytetit Scott Stringer, ka thënë se “Ju sot nuk po mbështesni vetëm një asambleist të New Yorkut – por ju po mbështetni atë sensin që ka Mark Gjonaj – për të përfaqësuar ju në qytetin tonë”

Ansambleisti Mark Gjonaj nderon Dr. Dobrecin me Proklamatë

by

Në proklamatë thuhet se motivacioni për nderimin e tij është duke pa punën Dr. Sim Dobrecit për të arritura të jashtëzakonshme në shkencë, kulturë, dhe art, dhe në ruajtejn e identitetit kombëtar./
Nga Beqir SINA – New York/
NEW YORK : Me rastin e takimit të 5-të me emigrantët nga Ulqini,që mbahet 2 gusht 2014 në Reç Ulqin, nderohet me këtë Proklamat nga Asambleja e Nju Jorkut, me sponsorizimin e asamblesitit shqiptar Mark Gjonaj – Doktor Simë Dobreci, nga fhsati Braticë i Ulqinit
Në proklamatë thuhet se motivacioni për nderimin e tij është duke pa punën Dr. Sim Dobrecit për të arritura të jashtëzakonshme në shkencë, kulturë, dhe art, dhe në ruajtejn e identitetit kombëtar.,,,,,,,,
“Si dhe duke parë punën e bërë prej tij dhe kontributin tk revista Buzuku e cila një muaj me parë festoj numrin jubile 40. Në këtë kontekst , theksohet në proklamatën e sposorizuar nga asamblesiti Gjonaj vlersimi është bërë duke parë se kjo revistë ishte dhe vazhdon të jetë frymzim dhe urë lidhese mes vendlindjes dhe diasporës për ruajtjen e kulturës dhe identitetit kombëtar si në Mal të Zi, po ashtu edhe në diasporë dhe veçanarisht në Shtetet e Bashkuara të Amerikës, ku Dr Simë Dobrecit zë me punimet e tij shkencore një vend të veçantë dhe meriton mirnjohjën dhe falnderimin”
Proclamation
ndërsa
Simë Gjon Dobreci lindi (27.3.1934) në Braticë, Ulqin, Mali i Zi. Shkollën tetëvjeçare e kreu në Braticë e Ulqin (1953), gjimnazin klasik në Tivar (1957), fakultetin e mjekësisë në Beograd (1963). Punoi në Tivar e Ulqin (1964-1967). Shkoi në Spitalin e Prishtinës (1967), ku e filloi specializimin e dermatologjisë dhe e kreu në Zagreb (1970).
ndërsa
Me 1973 zgjidhet asistent i dermatologjisë në Fakultetin e Mjekësisë të Prishtinës themeluar më 1969. Më 1974, ai qëndroi një vit në Klinikën dermatologjike të Vankuverit, Kanada. Në Klinikën e Prishtinës u mor me veprimtari shëndetësore, edukative dhe shkencore. Një kohë ishte drejtor i Klinikës. U zgjodh docent i dermatologjisë (1984), profesor inordiner (1989), profesor ordiner (1994).

ndërsa

Për studentët e mjekësisë botoi tekstin Dermatologjia më 1980, i cili u ribotua i përmirësuar më 1984, si dhe botimi i tretë i ripunuar më 1998, kurse ribotimi i katërt i plotësuar më 2009. Për studentët e stomatologjisë botoi tekstin Sëmundjet e Lëkurës më 1989. Më 1990/91, regjimi serb e përjashtoi prej klinikave kuadrin arsimor shqiptar. Fakulteti i Mjekësisë e vazhdoi punën nëpër shtëpia private.
ndërsa
Sa i takon veprimtarisë shkencore, Dobreci kryesisht u mor me mikozat e lëkurës. Temën e doktoraturës Dermatomikozat endemike në Kosovë e mbrojti më 1980 dhe u zgjodh doktor shkencash në mjekësi. Botoi 25 punime shkencore në revista profesionale (kryesisht në Acta dermatologica jugoslavica dhe në Praxis Medica). ndërsa
Me paraqitje të punimeve shkencore mori pjesë në Kongresin e Dermatologëve Botëror në Berlin më 1987, në Kongresin e Dermatologëve Europianë në Bari të Italisë më 1987 dhe në Konferencën Internacionale të Dermatologëve në Atinë më 1994. Prej 1994-1999 ishte kryeredaktor i Praxis Medica, revistës profesionale-shkencore të Shoqatës së Mjekëve të Kosovës. I pensionuar, tash jeton në Braticë, Ulqin, ku redakton revistën kulturore Buzuku, si dhe nga pak ende merret me profesionin e vet.
ndërsa
Për rastin e takimit të 5-të me emigrantët nga Ulqini, që do të mbahet 2 gusht 2014 në Reç (shtëpia e gjyshit tim – vendorigjina ime), në Bratica, Ulqin, nderohet me këtë Proklamat
ndërsa Duke pa punën Dr. Sim Dobrecit për të arritura të jashtëzakonshme në shkencë, kulturë, dhe art, dhe në ruajtejn e identitetit kombëtar.,,,,,,,,
ndërsa
Duke pa se revista Buzuku muaj me parë festoj numrin jubile 40. Duke parë se kjo revistë ishte dhe vazhdon të jetë frymzim dhe urë lidhese mes vendlindjes dhe diasporës për ruajtjen e kulturës dhe identitetit kombëtar si në Mal të Zi, po ashtu edhe në diasporë dhe veçanarisht në Shtetet e Bashkuara të Amerikës, Dr Simë Dobrecit meriton mirnjohjën dhe falnderimin
Assemblyman Mark Gjonaj New York State Assembly
County: Bronx
District: 80th
Party: Democratic Party

Kush është Dr. Simë Dobreci !
Simë Dobreci (lindur më 1934, në Braticë të Ulqinit), mjek i shquar dhe i nderuar në Tivar, Ulqin dhe në Prishtinë, doktor i shkencave të mjekësisë, profesor universiteti, autor tekstesh universitare dhe studimesh shkencore- profesionale, tani i pensionuar, sikur të kujton Gjon Buzukun, idealin dhe përpjekjet e tij. Ndoshta edhe rrënjët i kanë të përbashkëta Në këto anë, Doktor Sima është një majemali e lartë, e bardhë si bora e Rumisë. Trashëgoi dhe kultivoi, gjatë gjithë jetës, dashuri të veçantë për vendin dhe për kombin e vet. Emrin e ka Shqiptar, mbiemrin Njeri. Është shqiptar i mirëfilltë dhe altruist i madh, gjithnjë në shërbim të njerëzve, pa asnjë dallim. Është fisnik dhe zemërbardhë. Nuk e ndanë fjalën nga vepra.
Por, Doktor Simës i dhemb shpirti i tij prej atdhetari, i dhemb shpirti për fatin e trevave stërgjyshore, për gjakun dhe gjymtyrët e shprishura të bijve dhe bijave të Nënrumisë. Megjithatë, ashtu si Buzuku shekuj më parë, ai nuk pajtohet me këtë gjendje, me përshkrimin dhe me “vajtimin” e saj. Simë Dobreci është krenar për të parët e tij dhe ka shpresa për të ardhmen. Ka kohë që përpiqet të bëjë diçka me vlerë për brezat e kaluar, për brezin tonë dhe për brezat që do vijnë. Ndonëse me një peshë moshe mbi supe, Doktor Sima, pa ndjer lodhje dhe pa përfilluar asnjë pengesë, ashtu si rilindës i vërtetë, qëmtoi dhe qëmton me akribi dhe me përkushtim për admirim vlera, fakte, ngjarje, personalitete…, sidomos nga e kaluara e Anëssë Sipërme. I evidentoi ato me besnikëri e me korrektesë metodologjike dhe i publikoi në revistën “Buzuku”, në gjuhën e burimit të tyre. Kur lexon njeriu materialet e tilla të kësaj reviste, natyrshëm të duket sikur je duke biseduar me Gjon Buzukun, apo me tezën Tone! Të gjitha ato i shoqëroi dhe diokumentoi me të dhëna të nevojshme për burimet e tyre përkatëse. Doktor Sima, i mbështetur nga bashkëshortja e tij fisnike, zonja Lule, dhe me ndihmën e vullnetmirëve të tjerë, përpiqet me të gjitha forcat dhe me mundësitë që ka në dispozicion të shpëtojë atë që mund të shpëtohet nga pluhuri i harresës, të ringjallë atë që mund të ringjallet. Shumë nga përmbajtjet dhe ilustrimet e kësaj reviste të kujtojnë Krajën, sidomos Shestanin dhe shestanasit e hershëm, të shquar për vlera e vërtyte të larta njerëzore dhe kombëtare, pasardhësit e të cilëve, dheut dhe varreve të të parëve, fatkeqësisht, u lanë lamtumirën. O Zot, Shestani-pa shestanas! Kanë marrë botën në sy!
Koleksioni i 38 numrave të revistës “Buzuku”, të botuar deri sot, është një burim shumë i çmuar, jo vetëm për kujtesën atërore dhe kombëtare, por edhe për studuesit e gjuhës, historisë, etnografisë, folklorit etj., si të këtyre anëve, ashtu edhe në shkallë kombëtare. Koleksioni i revistës “Buzuku” është një “përmendore” e të parëve, por edhe një “arkivë” shumë e çmuar, njëkohësisht.
Doktor Sima është pjesëmarrës aktiv edhe në aktivitete të tjera shoqërore, shkencore dhe kulturore, që lidhen me Shestanin, Krajën, Anën e Malit, Ulqinin, Tivarin etj., me të tashmen dhe me të kaluarën e tyre. I vogël me trup, por i madh me shpirt dhe me vepër, Simë Dobreci, ky pinjoll dinjitoz i Gjon Buzukut dhe i të parëve të tij, është model për t’u ndjekur nga intelektualët dhe veprimtarët tjerë të këtyre trevave të Arbërisë etnike dhe më gjerë. Personaliteti dhe vepra e prof. dr. Simë Dobrecit të bëjnë të mendosh se këto treva, në të gjitha kohërat, kanë patur dhe do të kenë bijë dhe bija që e duan dhe punojnë për mëmetin, gjuhën, kulturën dhe Atdheun e vet. Ndonëse, shpesh eremitë, ata janë njerëz me dinjitet dhe me integritet shembullor, ashtu siç është edhe prof. dr. Simë Dobreci.

MARK GJONAJ, PARTY PER KRISHTLINDJE

by

Nga Mimoza Dajçi/

Fotot: Aleks Nilaj/

Eshtë për traditë në familjen Gjonaj, që për çdo vit të festojnë Krishtlindjet jo vetëm me pjesëtarët e familjes, por edhe me kolegët e punës e rrethit të tyre shoqëror.

“Që kur kemi ardhur në Amerikë – thotë e ëma e Assemblyman Mark Gjonaj, Znj. Roza Gjonaj – i kemi festuar Krishtlindjet. Si fillim si familje, më pas çdo vit duke e zgjeruar rrethin me shoqërinë tonë e të fëmijëve.”

Në City Island buzë oqeanit e Long Island Sound ndodhet “Lighthouse” Restorant. Në këtë ambjent të këndshëm e komod u takuan shqiptarë e të huaj e shkëmbyen urimet me njëri-tjetrin për festën e Krishtlindjeve. Mysafirët i priste djali i parë i shtëpisë Z. Mark Gjonaj me bashkëshorten Roberta. Ata janë njerëz të dashur e mikëpritës që rrallë të vjen rasti të takosh në këtë botë të ftohtë si uji i vetë oqeanit. Familjarisht janë të tillë, të dashur e njerëz me zemër të madhe, duke filluar me të ndjerin, të atin e Markut, Zef, të ëmën Roza, Elza motra e Markut, Paul vëllai i Markut, e kështu me rradhë me nipër e me mbesa.

Darka, një menu e pasur me ushqime deti dhe tradicionale shqiptare, si dhe pije të shumë llojshme, servirej në mënyrë të kulturuar nga personeli i restorantit. Sa mirë, të gjithë njerëzit dukeshin të gëzuar, e me një dashamirësi që i karakterizonte në mënyrën se si të përshëndesnin e gjatë bisedës me ta. Qenka shumë mirë kështu, sikur të kishim sa më shumë festa të Krishtlindjeve, sepse na bën më humanë, më të dashur e më të sjellshëm me të gjithë. Sa mirë do të ishte të kishim sa më shumë festa që të kishim më shumë begati, lumturi e bamirësi nga gjithë njerëzimi.

Një derë e hapur për të gjithë kjo e familjes Gjonaj, për të festuar së bashku Krishtlindjet, që e ka historikun e saj qysh me mbërritjen e tyre në SHBA. Mikpritje bujare që ndodh vetëm tek njerëzit shpirtgjerë.

Prindët e kësaj familje kanë trashëguar tek fëmijët jo vetëm pasionin e punës, por edhe dashurinë njerëzore. Çdo vit ata ndihmojnë me ushqime të vobektit, i qëndrojnë pranë një hallexhiu dhe sakrifikojnë kohën e tyre për bamirësi.

Marku, Elza dhe Paul përveç punës së tyre të palodhur e përpjekjeve shumë-vjeçare arritën të kenë punë e biznes të suksesshëm, e të kenë rreth tyre njerëz nga të gjitha shtresat e shoqërisë. Shumë politikanë, përfaqësues të klerit, artit, bisnesit e fushave të ndryshme të jetës kishin ardhur këtë mbrëmje tek darka që familja Gjonaj kishte shtruar për festën e Krishtlindjeve.

Qindra njerëz të ardhur jo vetëm nga New York-u, por edhe shtetet fqinjë trokisnin gotat me familjen Gjonaj, me të njohur e të panjohur – pjesëmarrës në këtë sofër bujare..Të gjithë veshur me shije apo nën ngjyrat që simbolizon kjo festë tradicionale. Tërhiqte veçanërisht vëmendjen tek vajzat e gratë ngjyra e kuqe dhe e gjelbërt, por edhe tavolinat e shtruara pastër e zbukuruar me qirinj të ndezur të ftonin për të shijuar ushqimet e ngrohta dhe verarët e ndryshne. Hijeshi të rrallë merrte restoranti nën xhamat e qelqtë, që reflektonin mbi ujë, e të dukej sikur lundroje mbi oqean të akullt. Tingujt e muzikës shqiptare dhe amerikane luajtura nga DJ Cheeky Star e DJ JRhaps dëgjoheshin deri matanë bregut tjetër në Orchard Beach, rrguë që ndan City Island me plazhin e që të çon për tek “Lighthouse” Restorant.  E veçanta e kësaj mbrëmje ishte edhe pjesëmarrja e rinisë shqiptare, djem e vajza të reja, studentë e të diplomuar nëpër universitetet më prestigjoze të SHBA, për të cilët krenohen jo vetëm familjet e tyre por i gjithë kombi ynë.

Pjesëmarrësit u përshëndetën nga Assemblyman Z. Mark Gjonaj, i cili në urim e sipër përmendi edhe të atin e tij, të ndjerin Zef Gjonaj. Ndër të tjera ai tha: “Se ky është viti i parë i Krishtlindjeve që po i festonin pa praninë e babait të tyre të dashur”. Ndërsa Famulltari i Kishës St. Lucy në Bronx, Dom Nikolin Përgjini mbajti lutjen e rastit.

Gëzim e hare, trokitje gotash, sikurse trokëllima e drerëve të slitës të Santa Claus që fluturon  nëpër botë, në mot të keq e me dëborë për të shpërndarë mesazhin e paqes, mirësisë e begatisë. Mbrëmja e Krishtlindjeve në “Lighthouse” Restorant pranë familjes Gjonaj vazhdoi deri vonë duke lenë mbresa të jashtëzakonshme.

New York

25 Dhjetor 2013

NE BRONX VAZHDOI TRADITA E FESTES SE DITES SE FLAMURIT

by

Ngritja e flamurit kuq e zi me shkabën dy krenare, në njërin prej shesheve më të njohura në qytetin e Bronxit – New York, për të pestin vit me rradhë, është sponsorizuar nga shpenzimet personale të  Assemblymanit Mark Gjonaj.  Në Bronx, në njërën ndër pesë lagjet e qytetit të New York-ut, rrugët kryesore të kësaj lagje të populluar nga numër i madh i shqiptarëve, zbukurohen nga qindra flamuj shqiptar qe 5 vite me radhë, nga Mark Gjonaj./

Nga BEQIR SINA, Bronx NY/

PELHAM PARKWAY – Përkundër motit shumë të ftohtë, shqiptarët e Nju Jorkut, u mblodhën së bashku për Festimin e 101 vjetorit të Pavarësisë së Shqipërisë në lagjen Pelham Parkway – Bronx NY. Ngritja e flamurit kuq e zi me shkabën dy krenare, në njërin prej shesheve më të njohura në qytetin e Bronxit – New York, për të pestin vit me rradhë, është sponsorizuar nga shpenzimet personale të  Assemblymanit Mark Gjonaj.

Festimi vjetor i ditës shqiptare të flamurit 28 Nëntorit 1912, u shoqërua me një program argëtimi dhe një aktivitet të bukur kulturorë, me këngë e valle nga grupi i djemëve dhe vajzave të qendrës Kulturore Nëna Tereze – pranë Kishës Katolike Shqiptare Zoja e Shkodrës, Shkolla shqipe në Bronx, dhe Ansambli i Këngës dhe Valles Shqipe. Kurse, kënduan: Merita Halili, Gezim Nika, dhe Linda Halimi.

Për të respektuar pavarësinë e Shqipërisë, flamuj shqiptarë dhe amerikanë së bashku – për të pestin vit me rradhë, kan qenë të vendosur për një javë në shtyllat e ndriçuesve të rrugëve të qytetit, lagjet e banuara nga shqiptarët, si dhe udhëkryqet e shumta në lagje, në shenjë të unitetit shqiptaro amerikan.

Në Bronx, në njërën ndër pesë lagjet e qytetit të New York-ut, rrugët kryesore të kësaj lagje të populluar nga numër i madh i shqiptarëve, zbukurohen nga qindra flamuj shqiptar qe 5 vite me radhë, nga Mark Gjonaj, dhe e gjithë kjo bëhet në mënyrë të organizuar dhe në bashkëpunim me pushtetin lokalë.

Kurse, ceremonia zyrtare e ngritjes së flamurit shqiptarë, kësaj rradhe u zhvillua në lagjen Pelham Parkway – Bronx NY, ditën e diel më 24 Nëntor.

Dhjetra shqiptarë morën pjesë në ngritjen e flamurit në nderim të : Shpalljes së  Pavarësisë së Shqipërisë, 28 Nëntor 2012, ditën kur Shqipëria, këputi një herë e përgjithmon vargonjët e robërisë, për të qenë e lirë e sovrane, mbas pesë shekujsh të sundimit të Perandorisë Otomane .

Përfaqësues të autoriteteve lokale, kongresmen dhe senator të shtetit, u bashkuan me shqiptarët në ceremoninë e ngritjes së flamurit në Pelham Parkway. Në mesin e pjesëmarësve ishin edhe dy ligjëvensit demokrat nga New Yorku, miq të dëshmuar të shqiptarëve, Elliot Engel dhe Joseph Crowley, si dhe senatori i shtetit Jeffrey Kline,

Ndër të pranishmit të përfshirë në këtë ceremoni ishin edhe : ambasadori Ferit Hoxha , Misioni i Përhershëm i Republikës së Shqipërisë në Kombet e Bashkuara, ambasadori Bekim Sejdiu – Konsulli i Përgjithëshëm i Republikës së Kosovës, Pastor Fr. Nathan Preston , Mis Kosova , Miss Shqiperia Anxhela Martini, Z. Esad A. Rizai, – Dr. Skender Kodra-  Fadil Berisha, Ibrahim Kolari, Marko Kepi, presidenti i Albanian Roots, e të tjerë, dhe anëtarët e Shoqatës së Komunitetit Morris Park, si dhe përfaqësuesit e dy sindikatave më të mëdha në New York, 1199 SEIU dhe 32 BJ .

Këndoi dy hymnet kombëtare, të Shteteve të Bashkuara dhe Shqipërisë, këngëtarja e njohur Merita Halili, e shoqëruar në fisarmonikë nga Raif Hyseni.

Dy marinsa shqiptarë me uniformën e trupave të këmbësorisë së ushtrisë së Shteteve të Bashkuara – ngritën një flamur amerikan , ndërsa dy fëmijë shqiptar me kostumet popullore e ngritën një flamur shqiptar .

Ceremoninë e ngritjes së flamurit në Pelham Parkway të dielën e udhëhoqi zonjusha Kledia Myrtolli.

Ajo tha se si një studente e fakultetit të mjekësisë në New York Medical College në Westchester, kjo është një privilegje absolute për mua – që të drejtojë këtë ngjarje dhe të marri pjesë së bashku me ju në festën për pavarësinë tonë , kulturën tonë , zakonet , muzikën dhe , natyrisht , ushqimin tonë të shijshm !
Me këtë rast tha drejtuesja e ceremonisë znj. Myrtolli, për të gjithë ata që kanë emigruar nga Shqipëria, Kosova dhe viset shqiptare, në faza të ndryshme , unë do të doja të ndajë me ju një poemë nga Asdreni, pra dua te recitoj per delikuencë një poezi nga poeti ynë i shquar , Asdreni , që për mua si emigrante, por edhe për shumë nga ne pasqyron ndjenjat për Shqiperinë :

Me vite jam larguar,
i dashur Atdhe,
por nuk të kam harruar,
se shumë i ëmbël je.

Kjo zemra më këndon
për ty, o Shqipëri,
por prapë më lëngon,
se je në varfëri.

Të fala të dërgoj,
këndej ku jam Atdhe,
gjithnjë po të kujtoj,
se bijen tënd më ke.

Festimet u zhvilluan gjatë gjithë mbas ditës, ndërsa, zoti Mark Gjonaj, mbajti një fjalim të gjatë mbi historinë e popullit shqiptar, kushtuar ditës së pavarësisë së Shqipërisë:

Sot për mua tha sponsorizuesi i këtij aktiviteti, për të pestin vit me rradhë zoti Mark Gjonaj, është dita më e bukur e jetes time, mbasi, sot po ju drejtohem për herë të parë si Assemblyman i Distriktiti 80të , distriktit tuaj , për të treguar se ndihma juaj kurrë nuk do të harrohet . “Për shkak të besimit tuaj në zgjedhjen time , unë kam përgjegjësinë për të bër çdo gjë të drejtë për të gjithë njerëzit e këtij shteti të madh, dhe, për të bërë komunitetin shqiptar krenar për mua, që jam shqiptarë dhe jamë në Asamblenë e New Yorkut” .

Gjonaj, nuk la pa kujtuar me këtë rast edhe vdekjen e babait të tij Zef, duke thënë se “kjo është hera e parë që unë kam për të festuar pavarësinë e Shqipërisë , pa babanë tim , Zefin , i cili kaloi në jetën e amnueshme në qershor të këtij viti . Mbasi, ai ishte një baba që më mësoi nderin, respektin dhe krenarinë shqiptare, mua dhe familjes time . Ai ishte një njeri – që e donte këtë vend, por kurrë nuk e harroi , atë vend se prej nga erdhi.”
Sot , krenaria shqiptare flamuri i kuq me shkabën e zezë me dy krena, mund të shihet mbi rrugët e Bronxit – Nju Jork .Më shumë se 300 flamuj shqiptarë dhe amerikanë janë vendosur në shtyllat e ndriçimit, për nder të Pavarësisë së Shqipërisë, për suksesin tuaj të shquara dhe kontributit tuaj .   Pra,”kjo është një kredi për secilin prej jush , çdo gjë që bëni ju për kultivimin e traditave dhe duke kujtuar trashëgiminë dhe historinë tonë . Ngaqë jeni ju komuniteti shqiptar, ne jemi më të fortë dhe duke shkuar përpara çdo ditë, zërat tonë janë duke u dëgjuar më fort se kurrë .” tha asambleisiti shqiptar nga Nju Jorku, zoti Mark Gjonaj.
Më tej gjatë fjalimit me rastin e 101 vjetorit të pavarësisë së Shqipërisë, zoti Gjonaj, kujtojë se historia jonë, është e vjetër dhe unike : “Si pasardhësit e drejtpërdrejtë të ilirëve të lashtë , tha ai ne jemi në mesin e qytetërimeve më të vjetra të Evropës, me traditat kulturore që janë të veçantë me mikpritjen dhe zemërgjerësinë .( Diçka që pa dyshim ka ndikuar tek ne shqiptarët nga e famëshmja -Nobelistja  shqiptare Nënë Tereza ) .”   Për këtë, simbas tij edhe poeti amerikan , Henry Wadsworth Longfellow , shkruan për guximin të jashtëzakonshm dhe trimërinë e shqiptarëve, duke e ilustruar atë me heroin tonë kombëtar Gjergj Kastrioti – Skenderbeu. “Ishte e njëjta frymë dhe dëshirë për vetëvendosje që çoi shqiptarët në deklaratën e Pavarësisë së Shqipërisë, 101 vjet më parë nga Perandoria Osmane , më 28 nëntor 1912”, ka pohuar zoti Mark Gjonaj.
Duke shtuar se në atë ditë , flamuri shqiptar – një shqiponjë e zezë me dy koka, mbi një sfond të kuq – ishte ngritur nga Ismail Qemali dhe Luijg Gurakuqi , duke i dhënë fund, sundimit të huaj pesë shekullor .   “Ne ngremë flamurin çdo vit, tha asambleisti shqiptar i shtetit të Nju Jorkut, zoti Mark Gjonaj, për të nderuar këtë ngjarje historike si një shprehje e lirisë sonë dhe të këtij vendi kampioni i lirisë dhe demokracisë në botë . Dhe çfarë mund të jetë më simbolike për ne është ajo se sot jemi duke ngritur flamurin shqiptar – pranë flamurit amerikan”, tha ai.

Ceremonia e organizuar në Bronx, është bërë çdo vit dhe festohet si traditë , duke shënuar 28 nëntorin si ditën e Pavarësisë shqiptare në Nju Jork .
Më pas në fjalën e tij – ai tha se do ta mbaj premtimin dhe jam duke punuar me të gjithë zyrtarët e lart të New Yorkut, përfshirë kryetarin e ri të bashkisë , Bill Deblasio, për të festuar përvjetorin tonë të 102 të vitit të ardhshëm me paradën tonë në qytetin e New Yorkut dhe ngritjen e një Qendre Komunitare Shqiptare në Bronx , i cila do të shërbejë për nevojat e të moshuarve tonë , rinisë dhezgjerimin e komunitetit tonë.
– Ne jemi mirënjohës për mundësitë ky vend na ka ofruar edhe ne si shqiptarë…..
Asamblesiti Mark Gjonaj – gjithashtu tha se :”- Ne jemi të pervilegjuar për të jetuar në vendin më të madh në botë dhe më demokratik, një vend që na ka hapur “derën” dhe na lejon për të festuar historinë dhe kulturën tonë , dhe për të mbajtur, ruajtur dhe kultivuar identitetin tonë kombëtar.    – Një vend që më lejon mua që të mbaj në sallën e Asamblesë së shtetit të New Yorkut, një flamur amerikan së bashku me flamurin shqiptar dhe atë të Kosovës në tavolinën e zyrës dhe në dhomën e përfaqësuesve, ku ne të debatojmë dhe miratojnë ligje të shtetit të New Yorkut, çdo ditë.
-“Por, mbi të gjitha , ne jemi mirënjohës dhe me fat për të marrë parasysh atë faktin se ishin Shtetet e Bashkuara, miku ynë dhe aleati ynë i madh që ndihmuan dhe iu gjenden Shqipërisë, dhe Kosovës –  kombit shqiptarë, në momentet më të vështira atëhere kur vareshin fatet e kombit shqiptar, prej nga mbështetja për pavarësinë e Shqipërisë, me presidentin Uillson, më shumë se një shekull më parë, dhe deri tek ndihma e madhe e SHBA-ve, për pavarësinë e Kosovës. Për, këto arsye dhe më shumë se kaq, të gjitha ne shqiptarët i jemi shumë borxh këtij vendi të madh .”

Gëzur ditën e flamurit
Zoti e bekoftë Amerikën
Zoti e bekoftë Shqipërinë
Zoti e bekoftë Kosovën
Rrofte Shipëria
Rrofte Kosova