Nga Muharrem Xhydollari*/ Pak vetë heqin dore nga ajo që kanë mësuar shtrembër duke mbetur gjithmonë peng i së keqes sepse të ç’rrënjosësh atë që ke mësuar gabim është më e vështirë sesa të mësosh diçka të re. Njeri prej atyre je ti , o Spartak jetënxiri i Brahove.
Po çfarë malukati je ti o Spartak Braho që sot në vitin 2019, nuk pranon atë që kanë bërë komunistët për Shqipërinë dhe shqipëtarët. Po a të kujtohet ty se çfarë pune ke bërë për të përforcuar atë sistemin komunist gjakatar, antinjerëzor, antifetar dhe kundër çdo të drejte njerëzore?
O Spartak faqeziu! Lustracioni që sot kërkon demokracia e vërtetë në Shqipëri, nuk të vret ty o lugat, por nuk të lejon që në emër të pushtetit të llomotisesh e të llomotasësh për të mbrojtur krimet e komunizmit. Ish ministri i brendshëm Kadri Azbiu (mësuesi yt shpirtëror) kur donte të mburrej thoshte : U ngjitëm malit si patriotë dhe zbritëm nga malet si komunistë. E…patriotët kishin programin, që nuk kishte shqiptar që të mos e pranonte, atë, çlirimin nga pushtuesit.Po si nuk mësove kurre ti o i shkaterruar nga trutë se komunizmi kishte për të zbatuar programin e bolshevikëve, të nëndorit 1917. Atë përdorimin e dhunës së skajshme kundër atyre shtresave, që ndër shekuj kishin mbajtur mbi supe historinë e Shqipërisë dhe i kishin venë themelet shtetit Shqiptar.
O shoku Braho!
A nuk e pe me sytë e tu se komunizmi në Shqipëri arriti deri aty sa rolin e Ismail Qemalit t’ia jepte “partizanit meke” dhe e pamë ku ai e çoj Shqqipërinë, në izolimin e plotë të shqipëtareve dhe për këtë nuk ta mbushi mendjen eksodi i viteve 90-91 dhe ti mor i paudhë me pushtetin tend po lejon në vazhdim që të rrjedhin shqipëtarët nga vendi i tyre.
Po të drejtohem ty o Spartak gjakprishuri kur nuk ke guximin, apo as sy e faqe të ndihmosh institutin që drejtohet nga i nderuari Agron Tufa për të gjetur shkaqet që u ndërtua diktatura komuniste dhe pasojat që la ajo për Shqipërinë dhe shqipëtarët dhe ti nuk tregon varret e të pafajshmëve që pushktove vetë ti. Atëherë mbylle buçen se dëshmorëve patriotë shqiptar të rënë në luftë kundër pushtuesve nuk i përjeton dot ti, por i turpëron se ata u vranë për të luftuar pushtuesit jo vëllezërit e tyre shqiptarë.
Ke helem o Spartak Braho, dhe nuk e nxjerr dot nga shpirti dhe mendja jote e ndryshkur.
Diktatura komuniste është dënuar nga bota e qytetëruar, nga ajo botë ku sot ti kërkon të futësh hundët.
Turpi i Demokracisë shqiptare që të ka ricikluar ty në politikë dhe guxon të japësh leksione Demokracie për shqiptarët së bashku me kryetarin e Parlamentit dhe gjithë sojin tuaj!!!
* Pak fjalë për intervistën e Ervin Koçit me Spartak Brahon në gazetën Panorama