-Pritje e jashtëzakonshme në San Sebastian, Spanjë, premierës botërore të filmit “Nëntor i Ftohtë”, i cilii është mbështetur nga Qendra Kinematografike e Kosovës dhe Qendra Kombëtare Kinematografike e Shqipërisë/

PRISHTINË, 28 Shtator 2018-Gazeta DIELLI/ I është bërë pritje e jashtëzakonshme në San Sebastian, Spanjë, premierës botërore të filmit “Nëntor i Ftohtë”, i cilii është mbështetur nga Qendra Kinematografike e Kosovës dhe Qendra Kombëtare Kinematografike e Shqipërisë.
Në edicionin e 66-të të Festivalit Ndërkombëtar të Filmit të San Sebastianit, në mbrëmjen e djeshme, u mbajt premiera botërore për filmin artistik “Nëntor i Ftohtë” të regjisorit Ismet Sijarina. Reagimi nga publiku ishte i jashtëzakonshëm, me një duartrokitje të gjatë dhe të entuziazmuar, bën të ditur sot Qendra Kinematografike e Kosovës.
Njoftimi i dërguar thekson se, ky është filmi i parë nga Kosova në Festivalin Ndërkombëtar të Filmit të San Sebastianit, një festival ndërkombëtar tejet i rëndësishëm dhe i kategorisë A.
Filmi përcjellë Fadilin, i cili punon si arkivist në një ndërmarrje shtetërore, në Kosovën e fillim viteve ’90, dhe duhet të zgjedhë mes dy opsione të gabuara! Në këtë mënyrë ai, jashtë vullnetit dhe dëshirës së tij, “gëlltit” turpin, ballafaqohet me imazhin e keq dhe duron presionin nga të gjitha palët.
Projekti filmik “Nëntor i Ftohtë” është produksion i shtëpive filmike Thumbs Up dhe Buka në bashkëprodhim me Albasky Film, AUDIOHAUS dhe Ikone.
Në rolet kryesor paraqiten aktorët; Kushtrim Hoxha, Adriana Matoshi, Fatmir Spahiu Bufi, Emir Hadzihafizbegovic, Gordana Boban, May-Linda Kosumovic dhe Lum Veseli, ndërsa Skenari i shkruar nga: Arian Krasniqie Ismet Sijarina. Drejtor Fotografie Sevdije Kastrati, Montazher Vladimir Pavlovski, Muzika Jericho, Producent Fatmir Spahiu, Arian Krasniqi, Regjia Ismet Sijarina./b.j/