Shkrimtari i njohur shqiptar dhe ish sekretari i VATRËS, Naum Prifti ndodhet i shtruar në Mount Sinai Hospital, Queens New York/
Prej dhjetë ditësh shkrimtari i njohur shqiptar Naum Prifti, ish sekretar i Vatrës për më shumë se një dekadë, ndodhet i shtruar në një nga spitalet më të mira të Nju Jorkut, Mount Sinai- Queens. Njoftimin ia përcollën editorit të Diellit, miqtë e shkrimtarit Kristaq Dhamo, Illo Foto, Kristaq Papa dhe dr. Skënder Murtezani.
Shkrimtari kaloi caste të vështira pas një humbje kontrolli, por mjekimi intensiv po ia përmirëson gjendjen dhe sipas burimeve familjare, ai mund të dalë nga spitali me rastin e Kërshëndellave.Le të lutemi dhe të shpresojmë!
Shkrimtari po mjekohet në mënyrë intensive dhe duket se shëndeti është në përmirësim e sipër. Ai ndodhet i shtruar në dhomën nr. 604. Është vështirë për t’u lidhur me telefon,por gjithësesi numri i telefonit nga mund të kërkohen të dhëna për shëndetin e tij, është 718-939-7500.
Deri para pak kohesh se të shtrohej në spital shkrimtari gëzonte shëndet të mirë, takohej rregullisht me miqtë në kafe “Milan” në Queens. Madje ai ishte aktiv edhe në veprimtaritë që organizoheshin në komunitet. Dy pjesmarrjet e tij aktive në veprimtaritë në komunitet ishte pjesmarrja në takimin përkujtimor me rastin e 65 vjetorit të vdekjes së Mithat Frashërit, organizuar me 3 tetor 2014 nga dega e Vatrës në Queens, ku mbajti kumtesën e duartrokitur”MID’HAT FRASHËRI – BIBLIOGRAFI MË I PËRKUSHTUAR SHQIPTAR”, si dhe mori opjesë aktive në veprimtarinë e organizuar nga Revista Kuvendi dhe dega e Vatrës në Michigan”DITET E LETERSISE NE MICHIGAN”.
Kontributi i shkrimtarit Naum Prifti në veprimtaritë e komunitetit ka qenë me shumë vlerë.
Vatra dhe Dielli i urojnë shërim të plotë dhe kthim të shpejtë në familje shkrimtarit tonë të dashur.
(dg)