-Libri me titull”Forca e Klemendit” e autorit Zef Naçi do të promovohet në Qendrën”Nënë Tereza” pranë Kishës Katolike Shqiptare “Zoja e Shkodrës” me 18 gusht 2018, Ora 4.00 P.M-/

Sapo ka dalë nga shtypi libri më i ri që i kushtohet Kelmendit dhe Kelmendasve nacionalistë i shkruar nag inxhinieri Zef  Naçi. “Forca e Kelmendit” është një libër intersant, që sjell jo vetëm Historinë dhe bukuritë natyrore( të kësaj Perle të gjakosur), figurat e shquara të kësaj treve që nga Papa Klementi XI(Gjon Francesk Albani), Nora e Kelemndit, Ujk Gila, Nikë Lekë Pep, Prekë Cali, Aleksander Sirdani, e deri tek Angjelin Prelocaj, …por dhe historinë e qëndresën e Kelmendasve përballë pushtusëve dhe diktaturës komuniste. Libri fokusohet tek njëri prej qëndrestarëve përballë diktaturës komuniste, martirit Nikollë Mrnaçaj, kalvarit të tij dhimbshëm, dhe fatit të pjestarëve të familjes.

Siç shkruhet në përcjelljen që i bën librit gazetari Ndue Lazri, redaktor i librit: Në këtë libër lexuesi gjen figurën e një protagonisti, që është epiqendra dhe shembulli tipik i njeriut të dënuar pa faj, Nikollë Mernaçaj. Figura e tij del nëpërmjet dëshmive të të tjerëve, atyre që e kanë njohur e bashkëvuajtur me të, të pjesëtarëve të familjes e të afërmve që vuajtën pasojat e burgosjes dhe internimit të Nikollës. ..Për të dëshmojnë: At Zef Pllumi, Pjetër Delia, Fran Tinaj, Grigor Kokali, Gjok Marku(Bujaj), Jozef Radi, Simon dhe Lek Mirakaj, Gani Neza, Lek Previzi, dhe shumë të tjerë…

Ejani të Shtunën me 18 Gusht, ora 4.00 PM në Qendrën “Nënë Tereza” dhe ndiqeni prezantimin e librit nën promovimin e Shoqërisë kulturore Kelmendi.