Deputeti Vangjel Dule thërriti në interpelancë kryeministrin Edi Rama për prishjen e kishës në Dhërmi, duke thënë se nuk do e besonte kurrë se në nje vend me harmoni fetare si Shqipëria, mund të ndodhte diçka e tillë.
“Nuk e kuptoj sesi në vendin tonë mund të shembet një objekt fetar. Nuk e besoja se do të vinte një moment i tillë. Dua të di bazën ligjore për prishjen e kishës”, tha Dule.
Kreu i qeverisë theksoi se interpelanca është thirrur Keni thirrur gabim, pasi çështja e ngritur nuk ka të bëjë me detyrat e tij. Gjithsesi, Rama dha shpjegimin e kërkuar.
“Ngrehina e rrëzuar, për të cilën ju dhe shumë të tjerë bëtë kaq shumë potere, nuk është kisha martire e Shën Thanasit, dhe nuk ka qenë kurrë kishë. Kanonet kishtare na mësojnë se jo çdo objekt kulti meriton të quhet kishë. Ajo ngrehinë nuk ka qenë ndonjëherë e shuguruar konform rregullave nga Autoriteti Kishtar. Objekti i interpelancës është nul pasi Inspektorati Ndërtimor nuk ka shembur kishë. Ajo ishte ngrehinë, garazh apo stallë pa leje, e ndërtuar nga brutaliteti individual i viteve ’90”, tha Rama.
“Pjesa dërrmuese e banorëve ka qenë dakord me prishjen e objektit”, shtoi kryeministri.
Polemikë për kishën e Dhërmiut
Nga Arben LLALLA/
I gjithë sulmi mediatik i Greqisë, Kryepeshkopit Anastasios, OMONIA, MEGA, PBDNJ, MPJ-Greke, Mitropoliti i Konicës, partia Demokracia e Re, kundër kryeministrit shqiptar ka të bëj me tensionet e brendshme të rrezikshme që po ndodhin në Greqi. Sa herë që Greqia ka problem ekonomike-politike të brendshme i bien muzikës së rrezikut kombëtar grek nga shqiptarët. Atje ku shoqëria politike dhe intelektuale dështon del në pah çështja kombëtare në instancën e fundit për të krijuar unitetin midis qytetarëve.
Sa për deklaratën e zëdhënësit të Kishës Autoqefale Ortodokse të Shqipërisë, Thoma Dhima se Imzot Donato Oliverio: peshkopi arberesh i Lungros ka deklaruar:(Ne nuk kemi asnjë interes material ose territorial dhe fetar këtu në Shqipëri, ku Kisha Orthodhokse e bën shumë mirë e me nder shenjtërimin e popullit. Ne këtu në Shqipëri nuk kemi asnjë prift arbëresh dhe nuk jemi pronarë të as një pëllëmbe dheu, për respektin e madh që kemi për Kishën tuaj Orthodhokse dhe për Kishën tonë arbëreshe.)
Thoma Dhima mendon se shqiptarët janë idiot dhe nuk mund të dinë dallimet midis kishës Autoqefale Ortodokse të Shqipërisë dhe Kishës Ortodokse të vëllezërve tanë arbëresh. Kisha Ortodokse Arbëreshe ka dallime me Kishës Autoqefale Ortodokse të Shqipërisë sepse arbëreshët janë UNIT, pra kishë ortodokse nën juridiksionin e Vadikanit, ndërsa kisha Autoqefale Ortodokse e Shqipërisë është kishë Ortodokse e Lindjes nën juridiksionin e Patriarkanës së Stambollit, e ritit me kalendarin e ri.
Unitët janë për bashkimin e dy kishave të krishtera, atë katolike dhe ortodokse. Arbëreshët në Itali falen në kishën e ritin ortodoks, por në vartësi të Vatikanit katolik.
Më 1439 në Sinodin e Florencës u bë bashkimi i Kishave të Romës dhe të Kostandinopojës. Më vonë kjo marrëveshje u nënshkrua edhe nga ortodoksë dhe katolikë të tjerë për bashkim në Romë dhe Brest në vitet 1595-1596. Kështu arbëreshët në Itali mbeten besnikë të besimit UNIT. Në qytetin e Elbasanit, brenda në kalanë e vjetër ka qenë dhe është ende sot një kishë e rriti UNIT. Në fillim të viteve 1990 prifti i parë që shërbente në këtë Kishë ishte arbëresh.Prandaj Thoma Dhima mos të na marrë për budallenj duke keqpërdorur deklaratën Imzot Donato Oliverio: peshkopi arberesh i Lungros
Takimi i sotëm i Kryepeshkopit të Shqipërisë Anastasios me ish-kryeministrin Aleksis Çipras ska të bëjë fare me problemin e Dhërmiut. Kryepeshkop Anastasios i ka disa borxhe të vjetra Aleksis Çipras. Borxhet kanë të bëjnë me financimet e familjes Çipra,(Pavlos Çipras) që i kanë bërë prof.Anastas Janullatosit në vitet 1967-1974 për misionet e tij në Afrikë dhe vende të tjera. Aleksi Çipras do ti kërkoj Anastas Janullatosit që të ndikojë tek besimtarët ortodoks shqiptar që kanë shtetësi greke që të votojnë në zgjedhjet e parakohshme të Greqisë partinë e tij pas përçarjes së saj. Janë rreth 30.000 shqiptar dhe minoritar grek që kanë shtetësi greke dhe të drejtën e votës.