Prof. Berisha i dhuroi bibliotekes se VATRES botimin librin e tij” GJERGJ KASTRIOTI-SKËNDERBEU NË FONDET E ARKIVIT SHTETËROR TË DUBROVNIKUT”, botuar nga Instituti i Historisë, Prishtinë 2018 me nënshkrimin: Për Vatrën dhe Vatranët!-autori./

Të shtunën, 27 Prill 2019, Prof. Dr. Gjon Berisha, historian i njohur i periudhës së Mesjetës, sekretar i Institutit të Historisë në Republikën e Kosovës, vizitoi Vatrën. Ai u prit nga anëtari i kryesisë së Vatrës, njëkohësisht arkëtar i saj z. Marjan Cubi. Editori i Diellit e njohu me rrugëtimin historik të VATRËS dhe gazetës së saj “DIELLI”.

Mysafiri shkroi në librin e vizitorëve mbresat dhe emocionet që provoi gjatë kësaj vizite:” Një ndjenjë e vecantë provon kushdo që viziton VATRËN, këtë vatër të ngrohtë shqiptare, që ngroh zemrat dhe shpirtin e shqiptarëve.Vatra dhe vatranët janë të njohur për kontributin e tyre në fushën financiare, në kontributin kombëtar, politik dhe kulturorë, në ndërtimin dhe rritjen dhe mbrojtjen e Shqiptarisë. ..Kujtesë për të gjithë gjeneratat që kontribuan në Vatër..”.

Prof. Dr. Gjon Berisha.

Prof. Berisha i dhuroi bibliotekes se VATRES botimin librin e tij” GJERGJ KASTRIOTI-SKËNDERBEU NË FONDET E ARKIVIT SHTETËROR TË DUBROVNIKUT”, botuar nga Instituti i Historisë, Prishtinë 2018 me nënshkrimin: Për Vatrën dhe Vatranët!-autori.

Prof.dr. Gjon Berisha edhe pse përfaqëson brezin e ri të studiuesëve të historisë, shquhet për kontribut cilësor në fushën e studimeve historike. Përherë kërkues ndaj vetes, nuk është ndalur për kualifikimin shkencor. Në vitet 2010-2013 ishte në Qendrën e Studimeve Albanologjike, Instituti i Historisë në Tiranë. Më 2014, Janar, ai mbrojti doktoraturën me temën : “Arbërorët ndërmjet Kishës Perëndimore dhe asaj Lindore gjatë shekujve XI-XV”, udhëhequr nga Prof.dr.sc.Pëllumb Xhufi.
Ndërkohë që, më 2009 ishte në Universitetin e Zarës në Kroaci, Fakulteti Filozofik, Departamenti i Informacionit dhe Bibliotekarisë, ku kreu studimet pasuniversitare për bibliotekari dhe informacion (Magjistraturë) dhe fitoi titullin:-Magjistër i Shkencave të Informacionit dhe Bibliotekarisë me temën :“Albanske Novine i časopisi 1848-1912”, udhëhequr nga Prof.asoc.dr.Zoran Velagić.”

Kualifikimit të tij shkencor i kanë shërbyer edhe trainimet në Ceki, Spanjë e vende të tjera.

Këto ditë që ishte në SHBA, Prof. Dr. Gjon Berisha punoi në Librarinë e Kongresit në Washington, në librarinë publike në Nju Jork etj.

Ai vizitoi edhe bibliotekën e Vatrës.
Kënaqësi që e kishim mysafir në Vatër!