*Opozita largohet nga Komisioni, Bylykbashi: Shumica nuk kalon dot draft të njëanshëm/
Mazhoranca vijoi normalisht me proçedurën për miratimin e draftit final të reformës në drejtësi, edhe pas largimit të opozitës nga mbledhja e Komisonit të Posaçëm për Reformën në Drejtësi.
Në mbledhjen ku ishin të pranishëm prej fillimit të saj dy Ambasadorët e SHBA dhe BE, Donald Lu dhe Romana Vlahutin, PS-LSI votuan nen për nen dhe në terësi draftin.
Komisioni mendohet të ketë lënë pa votuar pjesën ku opozita dhe mazhoranca ndahen në qëndrimet e tyre dhe mban pezull miratimin e reformës në drejtësi.
Bëhet fjalë për zgjedhjen e anëtarëve dhe kryetarëve të katër institucioneve kushtetuese.
E sigurtë është që nuk do të votohet për këshillin e Lartë Gjyqësor dhe atë të Prokurorisë, ndërsa nuk dihet nëse do të votohet për dy institucionet që lidhen me vetingun, Komisioni i Posaçëm i Kualifikimit dhe Kolegji i Apelimit.
Në draft janë reflektuar disa kërkesa të opozitës
Në draft është reflektuar kërkesa e opozitës për mos përfshirjen e Tribunalit Disiplinor të Drejtësisë dhe Gjykatës së Lartë Administrative.
Në draft parashikohet që Komisioni i Pavarur i Kualifikimit dhe Dhoma Speciale e Kualifikimit, do të zgjidhen pas një përzgjedhjes që do të bëjnë ekspertët ndërkombëtarë dhe Avokati i Popullit dhe kandidatuart e propozuara votohen me 3/5 në Kuvend.
Në draftin përfundimtar, formula me 2/3-t për Këshillin e Lartë Gjyqësor dhe Këshillin e Lartë të Prokurorisë është e pa reflektuar.Draftin në fjalë opozita nuk e ka pranuar si formulë.
Basha: Kërkojmë ‘vende të rezervuara’, kurrë s’kemi kërkuar votimin me 2/3-t
ak orë pasi kryeministri Edi Rama, hodhi një hap të ri në përpjekje për konsensus, kryetari i opozitës, Lulzim Basha, parimi i rekomandimit 88 i Venecias është zgjidhja për një drejtësi të pa kapur.
Sipas kryetarit të opozitës, ky parim u pranua sot nga kryeministri vetëm për 2 institucione.
Basha: Venecia ka folur qartë. Parimi është ai i vendeve të rezervuara. Paragrafi 88 e thotë të zezë mbi të bardhë. Zt. Rama e pranon këtë parim për dy organe, por nuk e pranon për dy të tjera. i bëj thirrje të gjejë kurajën dhe përgjegjësinë, parimin ta zbatojë për të katër organet kolegjiale siç e parashikon Komisioni i Venecias.
Duke përjashtuar nga parimi i rekomandimit të Venecias, Komisionin e Pavarur të Kualifikimit dhe Kolegjin e Apelimit, Kryeministri tha Basha, nuk ka hequr dorë nga kapja politike e sistemit.
Basha: Domosdo nuk e pranon sepse do të përjashtojë nga sistemi gjyqtarët që hetojnë skandalin e përgjimit, të CEZ-t, të koncesioneve në shëndetësi. Do të përjashtojë prokurorët që vënë para përgjegjësisë zyrtarët e tij të korruptuar apo ndjekin lidhjet kriminale të kësaj qeverie.
Por Basha tha se votimin me 2/3, opozita nuk e ka kërkuar asnjëherë, ndryshe nga sa shprehet kryetari i mazhorancës Edi Rama.
Basha: Opozita kurrë nuk ka kërkuar 2/3-t. Edi Rama kurrë nuk do të pranonte dhe nuk do të pranojë konsensusin me opozitën në Parlament me 2/3-t dhe do të kapë mekanizmin zhbllokues dhe përmes tij do të kapë institucionet e drejtësisë. Kaq e thjeshtë është!
Kryetari i Partisë Demorkatike, Lulzim Basha, tha se opozita është investuar në një proces që pamundëson kapjen politike të drejtësisë, ndërsa sipas tij venecia e ka rrëzuar 38 herë mozhorancën. Kryetari i opozitës, shpreson se vendit do ti jepet një reformë me konsensus mbarëkombëtar, dhe për këtë la të kuptohet se negociata vijojnë, por nuk tha në qoftë se nesër, përfaqësuesit demokrat do janë në komisionin e posaçëm parlamentar ku diskutohet zyrtarisht drafti.
Opozita largohet nga Komisioni, Bylykbashi: Shumica nuk kalon dot draft të njëanshëm/
Sikurse kishin paralajmëruar deputetët demokratë kanë braktisur mbledhjen e Komisionit të Posaçëm për Reformën në Drejtësi për shkak të refuzimit të shumicës për të diskutuar paragrafin 88 të raportit final të Venecias.
Nënkryetari i Komisionit, Oerd Bylykbashi, tha se Komisioni nuk mund të miratojë as nen për nen dhe as në terësi draftin për reformën në drejtësi.
Bylykbashi: Komisioni nuk ka asnjë mundësi të miratojë nen për nen dhe as në terësi. Negociatat nuk mund të zhvillohen me pistoletë në tryezë. Ose mazhoranca kërkon të vazhdojë negociatën ose mazhoranca kërkon të mbajë status-quonë që ka, kapjen e proçesit nëpërmjet një drafti terësisht të njëanshëm.
Gazetarja: SHBA e mbështesin këtë draft.
Bylykbashi: Asnjë draft deri më sot nuk reflekton atë që thotë Komisioni i Venecias. Zgjidhje politike për këtë çështje të vetme të mbetur. Pa u zgjidhur kjo, çdo gjë tjetër nuk ka asnjë vlerë para Parlamentit shqiptar.
Bylykbashi tha se topi është në oborrin e Kryeministrit dhe se shumica nuk duhet të bëjë asgjë më shumë se të pranojë rekomandimin 88 të Venecias.
Bylykbashi: Ka vetëm një çështje që mbetet për tu zgjidhur që është vendimarrja për emërimin e organeve kolegjiale të sistemit të drejtësisë, e vetmja çështje që opozita ka propozuar pikë më pikë me paragrafin 88 të Komisonit të Venecias. Kemi bërë propozimin, jemi në negociata. Çdo tentativë tjetër e njëanshme për të detyruar miratimin e ndonjë drafti që nuk reflekton zgjidhjen politike për këtë çështje të vetme të mbetur, vetëm dëmton proçesin e negociimit dhe arritjen e kësaj zgjidhje.
Mazhoranca duhet të bëjë vetëm një gjë, të pranojë gërmën 88 të raportit final të raportit të Venecias. Sot topi është në oborrin e Kryeministrit, ajo që thotë Komisioni i Venecias të katër organet kolegjiale të miratohen në mënyrë të tillë që të garantohet përfaqësimi i opozitës. Asgjë më pak dhe as më shumë. Nuk kërkon asgjë më shumë opozita, nuk do pranojë asgjë më pak sesa kjo. Çdo gjë tjetër çon në kapjen politike të proçesit të reformës në drejtësi dhe produktit të reformës, përfshirë Vetingun.