Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova në takimin e Kartës së Adriatikut A5-SHBA

by

-Ministri i FSK-së, Haki Demolli në takimin  e Ministrave të Mbrojtjes të  Kartës së Adriatikut A5 –SHBA. Takime bilaterale me përfaqësuesin e SHBA-ve,  Dr. Michael Carpenter/

1-demolli

PRISHTINË, 9 Dhjetor 2016-Gazeta DIELLI/ Në kështjellën e qytezës Trakoshqan të Kroacisë është duke u mbajtur  takimi i ministrave të Mbrojtjes së Kartës së Adriatikut A5-SHBA. Në këtë takim po merr pjesë edhe ministri i  FSK-së, Haki Demolli në krye të delegacionit të MFSK-së,  në  përbërje me  Drejtorin  e  Drejtorisë për  Politika dhe Plane, Faruk Geci dhe shefin e Kabinetit të ministrit  Demolli, Latif Leka.

Synimi i takimit ishte që të avancohet bashkëpunimi rajonal me fokus në  zhvillimin dhe vlerësimin e aktiviteteve të A5 gjatë drejtimit të saj nga ana e Kroacisë për vitin 2016.

Ne këtë takim, ministri Demolli në fjalën e tij shprehu edhe njëherë aspiratën e Republikës së Kosovës për integrime rajonal dhe në NATO, gjithashtu ai  kërkoi  nga të gjithë anëtarët e A5 për mbështetje në anëtarësimin e Kosovës në Kartën e Adriatikut A5-SHBA.

Gjatë kësaj konference, ministri Demolli pati takime bilaterale me përfaqësuesin e SHBA-ve,  Dr. Michael Carpenter. Në takim u vlerësua lartë bashkëpunimi i ngushtë në të gjitha sferat me SHBA-të, e në veçanti në fushën e ndihmës për zhvillimin e FSK-së por edhe për procesin e transformimit të FSK-së në FAK./b.j/

 

Takim i Kartës së Adriatikut dhe SHBA

by

Nga data 16 deri 17 shtator në Ohër të Maqedonisë u zhvillua Konferenca e Shefave të Shtabeve të ushtrive pjesmarrëse në Kartën  e Adriatikut dhe Shteteve të Bashkuara të Amerikës, si partnerë të anëtarëve të grupit A5. Ishin të pranishëm përfaqësues nga Shqipëria, Kroacia, Mali i Zi, Maqedonia dhe  Bosnjë-Hercegovina. Republika e Kosovës ishte në cilësinë e të ftuarit të posaçëm dhe përfaqësohej në këtë takim nga Gjeneralnënkolonel, Rrahman Rama, Komandant i Forcave të Sigurisë së Kosovës.

Gjatë këtij takimi u diskutua kryesisht mbi sigurinë rajonale dhe globale dhe përpjekjet e përbashkëta për arritjen e qëllimeve të NATO-s, të partnerëve të saj  si dhe aftësive operacionale të forcave të tyre për përballimin e cdo sfide të sigurisë në rajon.

Presidenti Maqedonas Ivanov, foli për nevojën e zhvillimit të “mekanizmave parandalues në luftën kundër ekstremizmit të dhunshëm dhe radikalizmit të luftëtarëve terroristë” dhe theksoi se vendet e grupit të Adriatikut duhet të integrohen në arkitekturën e sistemit të sigurisë së NATO-s dhe  Bashkimit Evropian me një qasje të lirë deri tek të gjitha bazat e të dhënave.
Në vijim Shefi i Komandës së Forcës së Bashkuar të NATO-s në Napoli të Italisë, Admirali Mark Ferguson, nënvizoi  se dyert e NATO-s mbeten të hapura, gjë e cila mund të jetë një sfidë më e madhe se ajo e vitit 2003. Takimi i parë i vendeve të A5, Kartës së Adriatikut, është mbajtur në Shqipëri në vitin 2003. {SH.K]