Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FAMILJA BALAJ FESTOI SHËN PJETRIN E SHËN PALIN, HOMAZH E PËRKUJTIM PËR GJERGJIN, PJETRIN E ZEF BALËN

by

Sokol Paja/

New York, 28 Qershor 2022 – Familja Balaj, farefisi, kumbarët, miqtë dhe dashamirësit e familjes festuan festën e dy shenjtorëve më të rëndësishëm të Kishës Katolike Shën Pjetrin e Shën Palin. Në një ceremoni sa festive dhe fetare, darka fisnike e familjes Balaj u kthye në një homazh nderimi, përkujtimi e vlerësimi për Gjon Balaj, Gjelosh Balaj, Pjetër Balaj, Gjergj Balaj e Zef Balaj që u ndanë shumë shpejt nga jeta tokësore. Familja e miqtë i kujtuan me lutje, dhimbje e shumë dashuri pjesëtarët që munguan më shumë se kurrë në këtë festë traditë të familjes që nga Mëziu i Pukës e deri në New York. David Balaj, Valentin Balaj, Ndue Balaj dhe Anton Balaj, në fjalën e mirëseardhjes falenderuan pjesëmarrësit dhe u ndalën në momente të veçanta lutje, përshpirtshmërie e falenderimi për veprat e mira, dashurinë e respektin që kanë lënë pas Gjoni, Gjeloshi, Pjetri, Gjergji e Zefi. Nën bekimin e Dom Nikolin Pergjinit, lutja dhe uratët vazhduan për shpirtrat në parajsë të familjarëve Balaj që mungonin fizikisht por jo shpirtërisht në tryzën bujare të familjes. Largimi në një kohë të shpejtë i Pjetër Balaj, Gjergj Balaj e Zef Balaj ka lënë shumë dhimbje e trishtim te të gjithë familjarët. Në krye të Tavolinës ishte zonja Lina, bashkëshortja e Zefit dhe motra e tij Mirja, djemtë e nipër e mbesa. Një mungesë e madhe që nuk e zëvendëson asgjë. Përkujtimi dhe lutjet janë një lehtësim për shpirtin që vuan mungesën e të ikurve tanë në amshim. Në mjediset familjare të “Tesoro D’Italia”, tri gjenerata të familjes Balaj festuan deri në mbrëmje vonë një festë fetare e familjare e kthyer në një traditë të veçantë si shenjë bashkimi të familjes e falenderimi ndaj Zotit për të mirat, sukseset dhe bekimet mbi familjen Balaj. “E kemi amanet prej babës me e vazhdu përgjithmonë organizimin dhe festimin e kësaj feste. Kjo është një festë fetare dhe familjare ku ne falenderojmë Zotin për krejt ç’ka na ka dhanë dhe ndajmë kohën dhe gëzimin me njëri-tjetrin si një familje e pa ndame dhe e bekume prej Zotit” – u shpreh djali i Zef Balës, David Balaj për Gazetën Dielli të Vatrës. Vëllezërit Balaj në rrëfimet e tyre kanë treguar se 70 vite më parë në 28-29 Qershorin e largët të vitit 1951, familja pasi ka kremtuar Shenjtët në vendlindje, në Mëzi të Pukës,edhe pse e rrethuar, ka arritur që ta çajë atë dhe ka marrë rrugën e vështirë të arratisjes. Familja e madhe BALAJ, kurrë nuk ka heqë dorë nga festimi i festës së Dy Shenjtëve, edhe në vendlindje, edhe në Kosovë kur u arratisën për t’i shpëtuar përndjekjes komuniste, edhe në Itali ku qëndruan pak kohë, ndërsa në Amerikë festimi ka qenë përherë masiv, me shumë pjesëmarrës. Kisha Katolike e kremton festën e shën Pjetrit e Palit Apostujt çdo vit me 28-29 qershor. Dy Shenjtorët-Apostuj janë Pajtorë të qytetit të Romës. Darka e familjes Balaj ishte një festë e vërtetë fetare e familjare ç’ka tregon rujtjen e traditave shqiptare e fetare në Amerikë por edhe dëshmi e vazhdimësisë fisnike të falenderimit ndaj Zotit e njëri-tjetrin për jetën që jetojnë e çastet që ndajmë çdo ditë me njëri-tjetrin.

SHQIPËRIA, LUFTA DHE KRIZA E ÇMIMEVE, SI DO NDRYSHOJNË EKUILIBRAT

by

Prof.Asoc.Dr. Mateo SPAHO, Dekan i Fakultetit Ekonomik, Kolegji Universitar “LUARASI” në një rrëfim ekskluziv për gazetën Dielli të Federatës Vatra në New York, dhënë Editorit Sokol Paja, analizon krizën ekonomike në Shqipëri dhe pasojat, efektet e rritjes së çmimeve, masat që duhet të marrë qeveria për të mbrojtur konsumatorët dhe parashikon efektet që do të ketë ekonomia dhe shtetet në rast të vazhdimit të luftës në Ukrainë dhe rritjes së vazhdueshme të çmimeve.

MASAT QË DUHET TË MARRË QEVERIA PËR TË PËRBALLUAR KRIZËN E ÇMIMEVE

Në fakt ka shumë vite që qeveria shqiptare ka dëshmuar se nuk është drejtpërdrejtë e interesuar për fatin e shumicës se Shqiptarëve por vetem të një pakice të ngushtë që e lejon atë të qëndrojë në këmbë. Dua të them këtu se në demokraci në teori ka rëndësi vullneti i qytetarëve por kur në praktikë një grusht biznesmenësh kontrollojnë hapsirën mediatike shqiptare mund të themi se i kanë instrumentat për të devijuar dhe ndryshuar perceptimin mbi realitetin që njerëzit kanë. Në fakt emrin oligark nuk e kemi shpikur ne si Shqiptarë por dukuria është e pranishme edhe në Shqipëri. Të njëjtët manjatë mediatik kanë interesa edhe në botën e ndërtimit, të tenderave publik, në financë, shitblerje, PPP etj… Po ta shohim në këto vite shumica e shqiptarëve ka gjithnjë e më pak ndërsa shumë pak njerëz kanë gjithnjë e më shumë. Për pasojë edhe buxheti i shqiptarit mesatar është i mpakur dhe i ndrydhur nga taksa direkte dhe indirekte, nga produkte të skaduara, nga ilaçe pa principe aktive, nga çmime jashtë çfarëdolloj kontrolli dhe po ky shqiptar mesatar po mendon gjithnjë e më tepër të shikoje përtej kufirit. Hapësirat buxhetore për tejkalimin e krizës janë të mëdha pasi shteti Shqiptar ka rreth 400 milion dollarë të ardhura shtesë nga taksat dhe tatimet mbi çmimet e rritura. Aksioni më urgjent që duhet të ndërmerret është të ulet nga 20 në 10 për qind tatimi mbi vlerën e shtuar mbi çmimet e shportës dhe natyrisht të ulej së paku me 12 lekë të reja për litër akciza mbi karburantet. Vetëm këto dy masa do të kushtonin me pak se 200 milion dollarë…pra do të kishte hapësira edhe për veprime të tjera.

BORXHI PUBLIK NË STRATOSFERË, A PO E RREZIKON QEVERIA FALIMENTIN E SHTETIT?

Kontrolli i Lartë i shtetit prej shumë vitesh tashmë në raportet vjetore që i prezanton Parlamentit shkruan për abuzime të barabarta me 15 deri në 20 për qind të buxhetit të shtetit ose mesatarisht 600 milion dollarë në vit. Kjo do të ishte skandaloze në një vend normal dhe fajtoret do të ishin në burg. Ndërkohë në Shqipëri fajtorët promovohen në detyrë dhe bëjnë karrierë ndërkohë që Parlamenti nuk merr asnjë vendim real. Shpesoj që strukturat e reja të drejtësisë të veprojnë (ndryshe nga të vjetrat) dhe ta bëjnë këtë gjë sa më shpejt sepse korrupsioni po bëhet plagë endemike në administratën dhe shoqërinë shqiptare. Në të njëjtën kohë Borxhi Publik nuk arrihet dot më të matet sepse veç detyrimeve normale ku borxhi kuantifikohet (dhe ka shkuar mbi 80% e Prodhimit të Brendshëm Bruto) kemi dhe detyrimet e PPP të cilat pritet te lindin me kalimin e viteve dhe këto detyrime do të jenë një presion në rritje për buxhetin e shtetit shqiptar. Çfarë është më e dëmshme është se qytetarët shqiptarë nuk marrin sot shërbime shtetërore (PPP) më të mira e as më cilësore. Thënë ndryshe paguhen më shtrenjtë shërbime që nuk janë më të mira. 

LUFTA, ÇMIMET, TREGJET…ÇFARË DO TË NDODHË NË TË ARDHMEN?

Prej shumë dekadash tashmë çmimet e commodies ose të lëndëve të para më të përdorura në botë kuotohen në bursat ndërkombëtare. Në fakt nuk përcaktohet çmimi i një commodity si psh gruri por nga instrumenti derivativ future ku konkretisht vendoset sot çmimi i grurit që do të dorëzohet te blerësi pas 6 muaj apo 1 vit. Reth 98% i blerësve te future e përdorin atë për arsye spekulative dhe natyrisht që me çmimin po luhet për të patur përfitime por nuk mund të mohohet se nga muaji Shtator e tej problematikat do të behen reale dhe të prekshme. Për çmimin e naftës nderkohë procesi i spekullimit ndodh prej shumë kohësh por tregjet po shkojnë drejt një ekuilibri të ri me çmimin 100 dollare për fuçi. Ky çmim nuk është i shkaktuar në fakt nga lufta në Ukrainë por më shumë nga rritja e konsumit të vendeve të Azisë si Kina dhe India të cilat po përjetojnë një rritje ekonomike të lartë të rifilluar pas covid 19. Duhet të mesohemi me çmime të tilla për naftën ndërsa për grurin nëse lufta në Ukrainë nuk do të përfundojë do të kemi probleme edhe më të mëdha.

VARFËRIA, SKAMJA, INFORMALITETI DHE EMIGRIMI, KRIZA DHE NDIKIMI NË SHQIPËRI

Vendet që rrezikojnë më shumë nga rritja e çmimeve i përkasin kontinentit afrikan dhe Bashkimi Europian po angazhohet fuqishëm që të gjejë një rrugëdalje për transportin e grurit rus dhe ukrainas në tregjet ndërkombëtare pas në të kundërt Europa mendon se nga reth 700 milion banorë që ka Afrika reth 50 milion prej tyre do të kapërcejnë detin Mesdhe në kërkim të shpëtimit. Kjo do të ndryshonte ndjeshëm ekuilibrin social dhe etnik të Europës, jo për mirë. Shqipëria në rang global është vend me të ardhura mesatare. Jemi në pozicionin e 94 nga rreth 200 shtete. Në Shqipëri rreth 10% e popullsisë do të rrezikonte të kalonte nga varfëria në skamje dhe një 20% tjetër do të rrezikonte të zbriste në varfëri nga pozita e shtresës së mesme. Thënë ndryshe një e treta e shqiptareve do të rrezikojnë të ndryshojnë statusin e tyre ekonomik dhe kjo do ti shtynte të kërkonin alternativa të tjera për të jetuar duke rritur informalitetin dhe krimin ose duke emigruar.

7 KORRIK 2022, KUR “PRANVERA E PROTESTAVE” VJEN NË VERË

by

Sokol Paja/

Protesta Kombëtare Opozitare e 7 Korrikut 2022 thirrur në Tiranë nga Partia Demokratike është një lajm optimist për qytetarët, opozitarët, mediat dhe këdo që  dëshiron ta shohë Shqipërinë më mirë, qytetarët që të kenë një të ardhme më të sigurtë e Atdheun më të zhvilluar e më përparuar. Pak ditë më parë, Ish zv.kryeministri i partisë-shtet Braçe denoncoi në Parlamentin e Republikës së Shqipërisë qeverisjen korruptive të socialistëve duke i fajësuar për paralizë të administratës publike dhe deformime të tregut. Kur këto akuza vijnë nga brenda familjes politike qeverisëse dëshmojnë dhimbshëm shëmbjen dhe kapjen e shtetit. Korrupsioni aktiv që po varfëron çdo ditë e më tepër qytetarët, prodhuesit, fermerët,  dhe të vetmit që pasurohen janë drejtuesit e lartë politik socialistë dhe oligarkët në shërbim të qeverisë. Qytetarëve shqiptarë u ka mbetur vetëm një zgjidhje ose largimi nga Shqipëria osë përballja me çdo mjet dhe çdo kusht me qeverinë më të keqe të 30 viteve tranzicion. Kryeministri Rama ka zaptuar çdo institucion të varur e të pavarur, shteti po rrëshket dhimbshëm drejtë diktaturës. Partia-shtet, partia-pushtet dhe pushteti – shtet janë e njëjta gjë. Një dirigjent i paaftë bashkë me orkestërn e tij të shëmtuar që pështiros shqiptarët me propagandë dhe dështime të njëpasnjëshme nga mëngjesi deri në darkë. Shqiptarët e ndershëm, të harruar e të pamundur, përfaqësojnë shqiptarët e vërtetë në Shqipërinë e uzurpuar prej “sektit rilindas”. Në një vend demokratik ikën nga pushteti qeveria kur dështon në përmbushjen e përgjegjshmërive, në një vend diktatorial sovrani fatkeqësisht detyrohet të lërë vendin duke lënë një pasuri të madhe shpirtërore, ekonomike e shoqërore. Largimi nuk është zgjidhje, përballja deri në rrëzim është kushti për të çliruar shqiptarët prej një gangrenë 9 vjeçare qeveritare. Protesta Kombëtare Opozitare e 7 Korrikut 2022 duhet të jetë sa më masive dhe të përfshijë çdo shqiptar që e do Shqipërinë më të bukur, më të zhvilluar, si një vend që çdo familje projekton të ardhmen e fëmijëve të tyre. Sot shteti është i kapur, pushteti fuqizohet, pasurohet, qytetari varfërohet. Reagimi i fuqishëm opozitar është i domosdoshëm, lufta për pastrimin e së keqes që drejton Shqipërinë është mision i shenjtë. Nëse vërejmë shkolla që mbyllën, departamente në krizë për studentë dhe tregje, fuqi punëtore që ikën jashtë Shqipërisë dëshmon qartë për plagën e madhe sociale të Shqipërisë. Shqiptarët sot përballen me varfëri ekstreme, rritje të papërballueshme të çmimeve, falimentim të bizneseve, mbyllje të shkollave e degëve në universitete, ikje masive e profesionistëve dhe intelektualëve, braktisje fatale e atdheut, qeverisje e pa përgjegjshme, korrupsion masiv në çdo qelizë të shtetit, shpërdorim masiv i resurseve dhe burimeve natyrore të Atdheut. Të gjitha këto e jo vetëm shtuar projektet korruptive në infrastrukturë, energjitikë etj e bëjnë Shqipërinë një vend që ka shumë nevojë për ta luftuar të keqen të instaluar në qeverisje. Opozita ka nevojë për gjithëpërfshirje, fytyra të reja me ide vizionare, filozofi të re politike e shtetformuese me synimin për të ngjallur optimizëm dhe shpresë te çdo shqiptar përfshirë edhe sygjerimet e diasporës shqiptare. Ky aksion politik opozitar duhet mbështetur me protestat popullore masive dhe të pandalshme ne çdo cep të Shqipërisë duke e shtrirë veprimtarinë opozitare edhe në diasporë ku zëri i tyre amplifikon në institucionet e larta ndërkombëtare. Shqipëria duhet një orë e më parë duhet të çlirohet prej grabitqarëve, të cilëve nuk iu ka mbetur gjë tjetër pa përvetësuar përveçse të bëjnë pazare me trojet e të parëve. Shqipëria është vend i bekuar si në dimër dhe në behar, nuk ka vend për gjakprishur e tradhëtarë.

A CHARITY CONCERT TO HELP CHILDREN IN ALBANIA

by

Ana Naqe, the famous and talented Albanian-Belgian soprano gave this exclusive interview for “Dielli” newspaper, Organ of the Pan-Albanian Federation of America VATRA, New York. Ana Naqe was interviewed by the editor of ‟Dielli” newspaper, Sokol Paja.

CHARITY CONCERT DEVELOPED IN BELGIUM AS A HELP FOR CHILDREN IN ALBANIA

This is a charity concert. The idea behind it started during covid period. Iliriana Gjoni approached me and asked if I wanted to participate in a charity concert to help kids in Albania for school supplies. We met in Brussels and Iliriana together with Eugene Gjoni talked about the idea that we should do something for our country. When covid came even more, the kids at home could not follow lessons online. That’s why came the idea to make a concert that would promote Albanian artists and will help kids with their education. For this series of events, there are 2 main targets, promotion of Albanian artists and help the education of the kids. We did it all together united. Iliriana, Eugene, Aulon Naci the composer who selected the artists, as well as brought his own compositions, Ledja Canaj, Radio Jehona in Bruksel, Maison Culturelle Belgo  Albanaise, Sakip Skepi etj.

NEW ACTIVITIES AS AN OPPORTUNITY TO DISCOVER AND SUPPORT TALENTS

We started with classic music concerts but it’s not only that. In the coming months and years, we will try to organize more events, with different artists, from different artistic worlds, such as actors, painters, sculptors, singers, producers and many more. All of the arts possible as the Albania has a lot to show, way more from what is promoted right now.

ALBANIA IN SUPPORT OF TALENTS AND THE NEED FOR ABSOLUTE ATTENTION TO THE YOUNGER GENERATION

 Personally I wouldn’t say a lot. I believe there is a lot to be done and there are a lot of great artists that should be helped and promoted. It is indeed very important that in the coming days, the state should really help the artists and especially the young generation by giving them the opportunities that they need, to create and to do what they know better, make art.

ARTISTIC MESSAGE OF THE CHARITY CONCERT

 Art unites, creates and helps the one in need!

EVENTS THAT HAVE TAKEN PLACE IN BELGIUM AND CONCERTS FOR CHILD SUPPORT

For local kids, I do and did see many events. For kids in Antwerpen I participated in Koca events in 2018-2019 and raised myself quite some money by offering a few solo concerts. For Albania earthquake as well in 2019 we raised 22.000 euro and helped a few families and children. There are many poor kids in Albania and Kosovo who need help and that’s why, these sorts of events are needed!

ANA NAQE, THE FAMOUS AND TALENTED ALBANIAN-BELGIAN SOPRANO

Ana Naqe, Albanian-Belgian soprano began by studying the violin at a very young age and studied at the University of Tirana (Albania). She then studied singing at the Royal Conservatory of Amsterdam (International Masterclass for two years of “Lied” in German and French), at the Superior Conservatory of Music of Granada (XXII Jornadas Internacionales de Interpretación Musical), she obtained a Master in violin and singing at the Royal Superior Conservatory of Brussels and Louvain, Belgium.

She has performed on the stages of theaters and operas around the world such as: the Opéra Royal de la Monnaie – De Munt (Brussels), the Grand Théâtre du Luxembourg, the Teatro Solis in Montevideo, the Flemish Opera in Antwerp and Ghent, the Royal Opera of Wallonia-Liège, the Flemish Royal Theater (KVS) in Brussels, the Théâtre du Châtelet in Paris but also Operadagen Rotterdam, International Festival Belluard Bollwerk Lausanne in Switzerland, Concert Hall Amsterdam, Belgian National Orchestra, Brussels Philharmonic Orchestra, Beaux-Arts in Brussels, Festival de la Chaise-Dieu in France, Concertgebouw in Bruges, ‘t Kuipke in Ghent, Orchester La Passione, LOD, Transparant, Ensemble Spectra, Ensemble Haftcraft.

Very eclectic artist and excellent musician and actress, she is as comfortable in opera and operetta, as in the repertoire of oratorio, religious music and contemporary music.

Last season, Ana took over the role of Dulcinea/Aldonza in L’homme de la Mancha (Wasserman, Leigh, Darion) at the Théâtre du Châtelet.

 She plays the title role in Lucia di Lammermoor (Donizetti) in the play “Bovary”, written by Michael De Cock and directed by Carmen Portacelli (artistic director of the Teatro Nacional de Catalunya), based on the novel by Gustave Flaubert. She is accompanied by the Symphonique Orchestra of Théâtre de la Monnaie, conducted by Ouri Bronchti and on tour in Belgium in 2022 and Spain, Madrid, Barcelona and France – Reims in 2023.

During the covid crisis, the filmmaker Jaco Van Dormael (Toto the hero, the eighth day, The brand new testament) produced a filmed version of the play and Ana performed several plays in it (broadcast by Belgian national television) who also won awards at Film Festival Oostende in Belgium and International Film Festival in Milan in 2022.

This season she will perform “Demeter Calling”, a contemporary play by Sanja Mitrovic programmed by the Flemish National Theater (KVS), the premiere of which will then tour through Belgium and Europe.

In 2024 she will perform in “Hannibal” Contemporary opera at the Opera Vlaanderen in Antwerpen and Ghent in Belgium.

In 2025 Ana will perform the leading role Emma Bovary in the opera Bovary at Théâtre Royal de la Monnaie in Brussels .

Ana will sing in 9 performances for 70.000 people with a new composition by Kevin Houben ,conducted by Kevin Houben with a symphonic orchestra in July 2022 for Tomorrowland in Belgium.

Recently, Ana was hailed by critics for her dramatic role as Klara Friis, lead role in the opera “We the drowned” “We, the drowned”, text by Carsten Jensen, music by Peter Spaepen, at the Oerol Festival in the Netherlands. Bas and at the Marstal Festival in Denmark.

In 2018-2019-2020-2021, she performed the role of Dulcinea/Aldonza in L’homme de la Mancha (Wasserman, Leigh, Darion) under the direction of Michael De Cock / Junior Mthombeni and Bassem Akiki, a KVS and Opéra Royal co-production by La Monnaie in Brussels followed by a tour of Belgium. The production is repeated at the Espanol Theater in Madrid and at the Fidae Festival of the Solis Theater in Montevideo (Uruguay).

On the occasion of the dance performance Tabula Rasa by Isabelle Beernaert, Ana also performs several times at the Carré Theater in Amsterdam with the Orchester La Passione under the direction of Kevin Houben.

She sang with the Haftcraft ensemble in Estonia at the Glasperlenspiel Festival in Tartu and in China in several opera houses as well as at the Beaux-Arts in Brussels and toured in Belgium.

2022

“VALLËZIM TRADICIONAL SHQIP” PROGRAMI EDUKATIV E KULTUROR QË MBAN GJALLË LIDHJEN E FËMIJËVE SHQIPTARE NË NEW YORK ME KULTURËN KOMBËTARE

by

Shkolla Shqipe në Staten Island, New York e organizuar nga Shoqata Atdhetare Kraja, Ana e Malit dhe Ulqini, nëpërmjet mësimit të gjuhës amtare dhe mësimit të këngëve e valleve shqipe, po krijon një traditë të shkëlqyer të ruajtjes së identitetit kulturor e kombëtar të fëmijëve shqiptarë në mërgatën e Amerikës. Editori i Diellit Sokol Paja intervistoi ekskluzivisht mësueset e vallëzimit tradicional shqip Hana Demiri dhe Nadia Hoxha, të cilat rrëfejnë emocione të rralla dhe ndjesi të veçanta me rastin e përfundimit të vitit shkollor 2021-2022.

KËRCIMI E VALLËZIMI SHQIP SI MUNDËSI E RUAJTJES SË TRASHËGIMISË KULTURORE SHQIPTARE

Na duket si ëndërr kjo kohë që ka kaluar, sepse gjithmonë e kemi pasur dëshirën që të shpërndajmë dashurinë tonë për Vallëzim e sidomos për folklorin shqiptar edhe me të tjerët. Nuk ka fjalë që mund të përshkruajmë se sa të kënaqur jemi me progresin e fëmijëve dhe me dashurinë e sapo gjetur për vallëzim që shohim tek ata nxënës. Ne e duam secilin nxënës dhe mezi presim t’i shohim të përparojnë. Na vjen shumë mirë edhe që ato kanë një krenari dhe dëshirë që përmes kërcimit të ruajnë trashëgiminë kulturore shqiptare.

FËMIJËT DHE EMOCIONET E MAGJISHME…

Në fillim fëmijët kanë pasur turp të kërcejnë dhe të flasin gjuhën shqipe. Kur i kanë mësuar hapat e valleve, fytyrat e tyre shkëlqenin nga lumturia dhe nga krenaria që kanë arritur të bëjnë këtë gjë.

VALLE E MUZIKË NGA TREVAT SHQIPFOLËSE

Në vitin e ardhshëm kemi disa valle të tjera për fëmijët. Kemi dëshirë t’i familjarizojmë me të gjitha vallet shqipe. Unë dhe Nadia jemi nga Kraja por edhe fëmijët nga Ana e Malit dhe Ulqini njohin vetëm vallëzimet e tyre. Është me rëndësi që ti lidhim me shumë valle dhe në anë e tjera të Shqiptarisë, Kosovës etj, që të mos kufizohen vetëm në vallet e vendit nga ato janë. Kufijtë nuk mund të na ndajnë prej kulturës tonë, dhe shpresojmë që t’i bëjmë nxënësit ta kuptojnë këtë gjë duke mësuar valle të ndryshme shqiptare.

SHOQATA ATDHETARE KRAJA, ANA E MALIT DHE ULQINI, BASHKËPUNIM TË SHKËLQYER

Prindërit na kanë mbështetur gjatë karrierës sonë të vallëzimit me nxënësit. Kur vendosëm që do të bëheshim mësuese, ato ishin krenar që përdorëm aftësitë tona si valltarë për të mësuar të tjerët. Drejtuesit e Shoqatës Kraja, të Anës Malit, dhe të Ulqinit besuan shumë tek ne që ditën e parë dhe na kanë mbështetur edhe më shumë sepse unë dhe Nadia jemi prej zonave të tyre. Ata dëgjuan çdo kërkesë tonën.

NXËNËSIT I TEJKALUAN PRITSHMËRITË…

Nxënësit i tejkaluan pritshmëritë tona në shumë mënyra. Ata u përparuan shumë në një kohë të shkurtër dhe e dimë që do të vazhdojnë të zhvillojnë aftësitë e kërcimit me një ritëm të shpejtë. Ato e dinë vallen e Krajës, të Ulqinit, të Anës Malit, të Kosovës, dhe Shqipërisë të Jugut. Ato kanë dëshirë të mësojnë edhe Vallen e Kukësit dhe Valle me motive nga Malësia dhe nga Tropoja.

KUSH JANË MËSUESET HANA DEMIRI DHE NADIA HOXHA?

Hana Demiri filloi vallëzimin folklorik në vitin 2014. Nadia Hoxha filloi të kërcente kur ajo ishte pesë vjet dhe ka mbushur vallëzim folklorik në vitin 2016. Kam një pasion të madh për shkencat por edhe për gjuhët e huaja. Në Gusht do filloj vitin e tretë të universitetit duke studiuar shkencën e mjekësisë. Nadia u diplomua këtë vit me një diplomë në “marketing”. Ajo ka një pasion për të punuar me fëmijë të vegjël dhe për të udhëtuar. Të dyja i duam fëmijët dhe jemi shumë krenare për rrënjët tona shqiptare. Kemi dëshirë të shpërndajmë këtë krenari për shqiptarizmin përmes mësimit të këngëve dhe vallëzimit shqip.