Thërrime urtije/

Nga Anton Çefa/           

“Gëzimi i jetës është gëzimi i qenies, i njohjes nga të tjerët dhe i njohjes së të tjerëve në veten tonë.”

Francis Jeanson

“Përvoja më e bukur që na është dhënë është misteri i jetës: ndjenja e thellë që gjejmë në rrënjët e artit të vërtetë dhe shkencës së vërtetë. Mospërfillja e tyre humb sensin e mahnitjes e të mrekullisë, do të thotë gati të vdesësh, të mos shikosh.”

Albert Anshtajn

“Nuk dialogohet për të arritur fjalën e fundit, por për të zbuluar së bashku të vërtetën dhe të drejtën.”

Jean  Lacroix

“Nji dialog i vërtetë është një sforcim i përbashkët për të hyrë në mendimin dhe në ndjenjat e tjetrit, me kuptue me të pamë njerin prej të tjerëve, me i dhanë unin të tjerëve dhe me u pasunue reciprokisht.”

Albert Dondeyene

“Elementi më nxitës i jetës sonë nuk është njohja e së ardhshmes, por të ndihmojmë për ta realizuar e për ta dalluar përballë nesh, të pallogaritshme në plotninë e saj. Vetëm e tashmja është reale. Siguria absolute e një të ardhmeje mund të grabitet nga e tashmja. Vetëm duke pranuar përgjegjësinë për të tashmen, mund të bëhemi përgjegjës për të ardhmen.”

Karl Jaspers

“Na njerëzit e sotëm jemi njerëzit e parë në gjendje për të dominuar Apokalipsin, prandaj jemi edhe të parët për ta pësuar pa pushim kërcënimin e tij.”

Günther Anders

“Vetëm kur njeriu nuk njeh lëkundje dhe nuk i harxhon forcat në shumë drejtime, vetëm atëherë vullneti i tij mund të bëjë mrekullira.”

Stefan Cvajg

“Mënia zhgatrron e dërmon; dashtnia e bazueme në drejtësi nderton. Ideja është më e fortë se shpata. Tagri (e drejta,  shënimi im A. Ç.) më e fortë se dhuna.”

Imzot Gasper Thaçi

“Destinacioni i vërtetë i njeriut si bashkëkrijues i universit është dinjiteti dhe madhështia e tij.”

Alfred NorthVitchead

“Dinjiteti njerëzor . . .  rrjedh nga një sens pavarësie.”

Maria Montessori

I vetmi lloj dinjiteti gjenuin (origjinal, shënimi im A. Ç.) është ai që nuk zvogëlohet prej indiferencës së të tjerëve.”

Dag Hamarskjold

“Dinjteti nuk është i diskutueshëm.”

Vartan Gregorian

“E mira e parë e nji populli është dinjiteti i tij.”

Camillo Benso di Cavour

“Hapi i parë në evolucionin e etikës është nji sens i solidaritetit me njerëzit tjerë.”

Albert Sehxeitzer

“Shpirti ynë asht plot nostalgji për diçka ma të naltë e ma të ndritshme.”

Gëte

“Ata që nuk kujtojnë të kaluemen janë të dënuem ta përsërisin atë.”

Xhorxh Santayana