NJOFTIM I KRYETARIT TE DEGES SE VATRES NE JACKSONVILLE/
Në një njoftim që shpërndau në rrjetin social facebook dhe në një prononcim telefonik për gazetën Dielli, z. Adriatik Spahiu, kryetar i degës së Vatrës në Jacksonville-FL, njoftoi se do të organizohet për të parën herë dega e Vatrës në Orlando. Për këtë qëllim Spahiu u ka drejtuar një thirrje publike shqiptarëve në Orlando për të qenë pjesë e këtij organizimi. Përmes Vatrës shqiptarët e Amerikës do të jenë më të bashkuar për cështjen Kombëtare.
Ja njoftimi i kryetarit të degës së Vatrës në Jackosonville, drejtuar bashkatdhetarëve në Orlando.
Të nderuar bashkëkombas të qytetit të Orlandos, FL
Dega VATRA në Jacksonville organizon ceremoninë e themelimit të degës VATRA në Orlando.
Kjo ceremoni është e hapur për të gjithë Shqiptarët e komunitetit të qytetit.
Ju mirëpresim:
ditën e Diel, dt 08.06.2014 tek Torinos Pizza & Restaurant në orën 19.00 PM.
Qëllimi i kësaj ceremonie është: mirëorganizimi i Shqiptarëve të Orlando e rrethinë për të punuar së bashku për të ruajtur Identitetin kombëtar , Gjuhën e bukur Shqipe, historinë , kulturën dhe traditat kombëtare.
Ne do të bashkëpunojmë me të gjitha degët e Vatrës dhe Shqiptarët në Florida për të ecur së bashku në rrugën e udhëheqësve të Vatrës, Nolit dhe Konicës, për të përmbushur misionin kombëtar të Federatës Vatra.
Në këtë takim do të regjistrohen anëtarët e degës së re të Orlando dhe do të bëhen zgjedhjet e reja për Këshillin e degës.Pjesëmarrja është e lirë.
Ju lutem njoftoni bashkëkombasit, miqtë dhe dashamirësit tuaj me telefon, e-mail dhe mënyrave të tjera në internet.
Ju faleminderit,
Kryetari i degës Vatra në Jacksonvillë,FL
Adriatik Spahiu