Të Hënën, me 27 Korrik 2015,ne Oren 6 P.M, dita e lindjes e Prof. Arshi Pipës,(27 Korrik 1920) Federata Pan-Shqiptare e Amerikës”VATRA” do të nderojë Prof. Arshi Pipën me një veprimtari përkujtimore dhe vlerësuese për jetën dhe Veprën e Prof. Arshi Pipës, ku do të mbajnë kumtesa studiues të diasporës shqiptare në Amerikë:
1- Ish Drejtori i Divizionit të Euroazisë në Zërin e Amerikës , gazetari Frank Shkreli do të mbajë kumtësën”ARSHI PIPA: MENDIME TË HEDHURA ME RASTIN E 95-VJETORIT TË LINDJES”
2- Poeti, Studiuesi, ish editori i Diellit, Anton Cefa, do të sjellë kumtesën” Arshi Pipa, kundërshtar i çdo konformizmi dhe cdo diktature, në 95-vjetorin e lindjes”
3- Studiuesi, ish gazetari i Zërit të Amerikës, Idriz Lamaj, do të sjellë transkiptimin e letrave të cigareve, përmes të cilave u c’burgos”Libri i burgut” i Arshi Pipës. Po ashtu ai do të sjellë zërin e Arshi Pipës përmes Zërit të Amerikës. Do të kemi mundësi që të shohim letra origjinale, vidio etj.
4-Profesori Mithat Gashi do të sjellë kumtesën “Nji veshtrim kontributit te Arshi Pipes si kritik letrar, poet, dhe analist politik.”
5- Gazetari i Zerit te Amerikes Astrit Lulushi sjell studimin”Montale, Dante dhe Arshi Pipa”
6- Fragment nga Dokumentari”Arshi Pipa në Shqipëri”, vetërrëfimi, flasin motrat, shokët e klasës, vetë Prof Arshiu, si u shkollua, si i “shpëtoi” rekrutimit komunist duke lexuar Marksin, Burgu, gjyqi, jeta në SHBA etj.
Vatranët e Nju Jorkut dhe rrethina e kanë obligim pjesmarrjen në këtë veprimtari kushtuar ish kryetarit të Vatrës dhe Editorit të Dielli, Prof. Arshi Pipa.
Moderator i veprimtarisë përkujtimore do të jetë Editori i Diellit, Dalip Greca.