Vatranët e Detroitit sërish sakrifikuan dhe udhëtuan nga Detroiti në Nju Jork, për të qenë pjesë aktive e Veprimtarive kushtuar 110 vjetorit të Gazetës DIELLI. Ata udhëtuan më shumë se 20 orë ardhje-kthim me makinë, dhe ashtu si gjithë këto vite nuk i munguan Vatrës, as me prezencë e as me aktivitet dhe donacione. Mondi Rakaj, Alfons Grishaj, Valentin Lumaj, Pal Rakaj, para se të merrnin rrugën e kthimit për në Detroit,të Dielën me 7 Prill, erdhën në Bronks dhe vizituan Vatrën, ku u pritën nga Kryetari i Vatrës Dritan Mishto, editorët e Diellit Dalip Greca dhe Rafaela Prifti si dhe nga menaxheri i përgjithshëm për veprimtaritë Kulturore Frederik Ndoci.
I pranishëm në veprimtaritë e 110 vjetorit të DIELLIT ishte edhë kryetari i degës së VATRËS në Toronto-Kanada, Tony Sufaj, i cili dhuroi $2,000.00 për fushatën e DIELLIT. Falenderime!
Tony për të parën herë vizitoi selinë e Vatrës dhe provoi emocione të vecanta duke prekur për së afërmi historinë e VATRËS dhe të DIELLIT.
Faleminderit vatranë për sakrificat dhe përkushtimin ndaj VATRËS dhe DIELLIT!
*Me shume foto shihni ne fb Gazeta Dielli