Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shpopullimi si plagë kombëtare

by

Viktor Popaj*

Shpopullimi i Shqipërisë është bombë demografike, një plagë afatgjatë e kombit tonë që do ndikojë edhe në dekadat që vijnë. Ikja e shqiptarëve është një shqetësim kombëtar. Faktorët politik, ekonomik, social e global po i detyrojnë shqiptarët të lënë trojet e tyre. Një Shqipëri që u luftua për përparimin e saj e lulëzimin e saj ndër dekada, të trishton pafund sesi po mbetet e shkretet çdo ditë. Bukuri natyrore e hyjnore, vriten prej ikjes së bijve të shqipes. Keqqeverisja, korrupsioni, krimi, braktisja e qytetarëve prej shtetit kanë sjellë një emigrim masiv si të vetmen shpresë dhe mundësi për popullin shqiptar. Shqiptarët nuk ndjehen të sigurtë në vendin e tyre, nuk ndjehen të përfaqësuar, të mbrojtur dhe skanë asnjë garanci për ëndrrat e fëmijëve e të ardhmen e tyre. Shqiptarët kanë nevojë për shtet, për një qeveri që u shërben qytetarëve, jo një qeveri që i harron qytetarët e saj. Ikja e shqiptarëve për shkak të qeverisë së keqe është një dhimbje dhe shkatërrim për shoqërinë, shtetin e kombin tonë. Ikjet janë të dhimbshme në çdo kohë, ikjet pa kthim, janë një fatkeqësi që do na ndjekë si mallkim për dekada e dekada. Emigrimi masiv do jetë drama jonë si komb. Shpopullimi është makth i tmerrshëm.

*Anëtar i Këshillit të Vatrës.

Viktor Popaj, një ekspert i qeverisjes vendore i bashkohet Vatrës familjarisht

by

Nga Sokol Paja/

Patrioti Viktor Popaj një ekspert dhe i zgjedhur i pushtetit vendor në Shqipëri i bashkohet familjarisht Federatës Panshqiptare të Amerikës VATRA. Z.Popaj ka drejtuar Komunën Kastrat në Malësi të Madhe, ka qenë Këshilltar Bashkiak në Malësi të Madhe, Këshilltar Qarku në Shkodër, dhe Anëtar i Kryesisë së Qarkut Shkodër për disa mandate me radhë. Z.Popaj iu bashkua familjarisht familjes më të madhe patriotike në diasporë Vatrës dhe u bëri thirrje dhe patriotëve të tjerë shqiptarë që të mbështesin kauzat e Vatrës pasi janë kauza të kombit shqiptar. Z.Popaj dhe familja u prit nga Editori i Diellit Sokol Paja që i shpjegoi me detaje rrugëtimin historik të Vatrës, Diellit dhe ndihmën e jashtëzakonshme në dobi të çështjes kombëtare. Z.Popaj vjen nga një familje antikomuniste me gjysh të pushkatuar dhe familjarë të përndjekur dhe torturuar prej diktaturës komuniste shqiptare. Familja e z.Popaj është një ndër familjet më të larta e më të nderuara në Malësi. Babai i Viktorit, z.Pashko Toma(Popaj) pas rënies së komunizmit është angazhuar me pleqësinë e Malësisë për pajtimin e gjaqeve e konflikteve të trashëguara nga e kaluara. Viktor Popaj ka shërbyer me përkushtim dhe përshpirtshmëri ndaj zgjedhësve të tij dhe sidomos shtresës në nevojë. Në çdo kohë Viktorit nuk iu dhimbs djersa, mundi dhe kursimet e familjes për të ndihmuar ata që kishin nevojë. Vatra gëzohet dhe shpreh mirënjohje që patriotë dhe humaniste të tillë i bashkohen asaj.Mirë se erdhe në Vatër familjarisht Viktor.