*Kandidati demokrat,shqiptaro-amerikani  Ken Biberaj, nuk mundi t’ia dilte mbanë në garimin e tij për një vend në Këshillin Bashkiak/

Në Foto: Z. De Blasio dhe gruaja e tij , Chirlane McCray ,  të martën në bibliotekën e Brooklyn-it /

Nga Dalip Greca/

Bill de Blasio , fushata e të cilit për të kapur kreun e Bashkisë të Nju Jorkut,u bazua tek premtimet për të ngushtuar ndryshimin e madh dhe të pabarabartë të të ardhurave të qytetarëve njujorkezë, si dhe në dhënien fund të praktikave agresive të policisë, duket se ka kapur më shumë vota nga konkurentët e tjerë demokrat në zgjedhjet e së martës të 10 shtatorit.

Edhe pse kampi i  zotit de Blasio, po festonte gjatë natës, ende nuk është shumë e qartë nëse ai do t’i shpëtoi një balotazhi me rivalin më të afërt të tij William Jr C. Thompson, balotazh që nëse do të kryehet, zhvillohet me 1 tetor. De Blasios do t’i mjaftonte 40 për qind e votave të fituara, që ta shmangë këtë balotazh. Gjithësesi avokati, dhe një ndër aktivistët e shquar të demokratëve, Bill de Blasio në fund të natës së shkuar kishte fituar vetëm 40 përqind të votave të numëruara, jo përfundimisht, ishin ende mijëra fletë të panumëruara.

Z. De Blasio , i cili bëri fushatë shumë liberale, mbajti fjalim në mesnatë në një klub muzike në Brooklyn, ku foli për 12 vjetorin e sulmeve terroriste të 11 shtatorit.Ai u tha fansave të vet që e kishin rrethuar se ne nuk duhet të harrojmë 11 shtatorin dhe është detyrë e autoriteteve që drejtojnë, të cilët duhet ta mbajnë të sigurtë qytetin tonë, të jenë vazhdimisht vigjilentë, dhe të përdorin cdo mjet në dispozicion për të mbrojtur njerëzit.

Rivali i tij,  zoti Thompson , iu drejtua përkrahësve të tij në një hotel Midtown Manhattan , ku u zotua të vazhdojë fushatën e tij të paktën deri sa të gjitha votat primare të jenë të numëruara.

Fitues në kampin republikan është Joseph J. Lhota , ish kryetari i Autoritetit Metropolitan të Transportit . Ai mundi John A. Catsimatidis , një miliarder fjalëshumë, i cili udhëhoqi një fushatë shpesh fare të cuditshme.

Z. Lhota , i cili shërbeu si nënkryetar gjatë mandatit të të famshmit  Rudolph W. Giuliani. Ai ka premtuar se  do të kryej operacione  të vështira dhe do të luftojë fort kundër krimit dhe se do të ulë shpenzimet e qytetit . Në fakt ai njihet si një përkrahës i fuqishëm i politikave të Kryetari aktual Michael R. Bloomberg . Zoti Lhota e ka quajtur fitoren e tij “Hapi i parë në vazhdimin e një të ardhmeje të fortë për qytetin tonë. ”

E nxehtë ishte gara për zyrën e llogarisë së qytetit, ku luftuan fort  dy rivalë, Scott M. Stringer , Borough  Presidenti në Manhattan , i cili nuk ia kurseu kundërshtarit direkt replikën. Eliot Spitzer, i cili pat dhënë dorëheqjen si Guvernator për punë prostitutash, arriti që të konkurojë denjësisht, pa e përfillur amoralitetin me prostitutat. Ndërsa në zgjedhjet paraprake Demokratike per Avokatin publik , Letitia James , një anëtar për i Këshillin e qytetit nga Brooklyn , do të përballet me Senatorin Daniel L. skuadron e Brooklyn në balotazhin e zgjedhjeve .

Brenda garës demokrate ia vlen të vecohet edhe lufta plot rivalitet e  Christine C. Qiunn, një aleate e hapur e kryetarit Bloomberg, por që nuk arriti që të shënonte histori, si e para femër , dhe e para homoseksuale drejt postit të madh për të udhëhequr qytetin.

Z. Bloomberg e ka e cilësuar kandidatin më potent të demokratëve, de Blasio, si një racist që përcan dhe nuk bashkon.

Në këto zgjedhje, Kandidati demokrat, amerikano-shqiptari Ken Biberaj, nuk mundi t’ia dilte mbanë në garimin e tij për një vend në Këshillin Bashkiak, por ai zhvilloi një fushatë emocionuese, ku u përfshinë të gjitha shtresat e shoqërisë, padyshim edhe shqiptarët. Kjo fushatë i dha përvojë të riut që premton një angazhim të sukseshëm politik në të ardhmen. Që të fitosh duhet huxosh. Dhe Ken Biberaj e hodhi hapin e pare me guxim.