Vatra Chicago nderoi legjendën e futbollit shqiptar Flamurtarin e Vlorës me rastin e 100 vjetorit të themelimit. Flamurtari i Vlorës është nderi i sportit dhe kombit shqiptar. Turneu Sportiv 2023 i organizuar nga Vatra Chicago dhe i mundësuar nga patrioti shqiptar Country Financial Ilir Numani Agency bashkoi shqiptarët e Chicagos në një aktivitet të paharruar sportiv e patriotik. Turneu në nderim të legjendave vlonjate u hap me ndeshjen e fëmijëve ku futbollistët e vegjël e midis tyre edhe një vajzë rivalizuan këndshëm duke vazhduar më pas me ndeshjen e të rriturve në futboll. Në këtë aktivitet komunitar pjesëmarrja e shqiptarëve sportdashës ishte e madhe dhe solli një atmosferë entuziaste që arriti kulmin kur i erdhi radha ndeshjes midis ekipit të Kosovës me Flamurtarin e Vlorës. Në këtë Turne Sportiv të pranishëm ishin dhe kompani të ndryshme shqiptare e biznese që reklamuan markat e tyre për ti shërbyer komunitetit me oferta, lehtësira e bashkëpunim konkret. Aktivitetet e10-të qershorit nuk mbaruan aty, por u pasuan me një mbrëmje gazmore organizuar për nder të miqve të ftuar nga Vlora e Chicago nën tingujt e muzikës së pastër e tradicionale shqiptare. Në këtë mbrëmje mori pjesë dhe performoi në nder të miqve dhe komunitetit shqiptar në Chicago tenori me famë botërore Josif Gjipali. Një festë për tu mbajtur mend gjatë. Një aktivitet patriotik e komunitar që bashkon, argëton, lidh e nderon shqiptarët në mërgatën e Amerikës. Kur ne jemi të bashkuar jemi edhe më të fuqishëm. Mirënjohje të gjithë organizatorëve e kontributorëve. Mirënjohje të thellë të gjithë shqiptarëve të Chicagos që po përkrahin Vatrën e Chicagos duke e kthyer në një bashkësi energjie të fuqishme në shërbim të komunitetit e kombit shqiptar në Shtetet e Bashkuara të Amerikës.
See Insights and Ads
All reactions:
88