FTESË PËR KOMUNITETIN SHQIPTAR
VATRA – 113 VJET NË SHËRBIM TË KOMBIT
Simpozium & Ndarja e Bursave për Studentët Shqiptarë
E shtunë, 26 Prill 2025 | Ora 11:30 AM – 3:00 PM
Katedralja Ortodokse Shqiptare “Shën Gjergji” – Boston
Të dashur motra dhe vëllezër shqiptarë,
Me rastin e 113-vjetorit të Federatës Panshqiptare VATRA, ju ftojmë të merrni pjesë në një aktivitet të veçantë, që i kushtohet historisë, trashëgimisë dhe të ardhmes së komunitetit shqiptar në Shtetet e Bashkuara të Amerikës.
Programi i Ditës në foto ku përfshin:
• Simpozium nga 16 personalitete të shquara shqiptare në SHBA, nga fusha të ndryshme
• Diskutim mbi:
• Trashëgiminë dhe rolin historik të VATRËS
• Kontributin e diasporës shqiptare në Amerikë
• Mbështetjen e brezit të ri përmes edukimit
• Sfidat dhe vizionin për të ardhmen
Gjatë aktivitetit do të ndahen 10 bursa prej $500 për studentë shqiptarë që studiojnë në Massachusetts — një hap konkret për të fuqizuar brezin e ri.
Afati I aplikimit deri më 23 Prill:
Studentë shqiptarë që jetojnë dhe studiojnë në SHBA, me origjinë nga:
Shqipëria, Kosova, Maqedonia e Veriut, Mali i Zi, Lugina e Preshevës, Medvegja dhe Bujanoci.
(Kriteret e aplikimit i gjeni në foto)
Ejani të festojmë së bashku, të dëgjojmë rrëfime frymëzuese dhe të mbështesim të ardhmen e komunitetit tonë me krenari dhe përkushtim.
Hyrja është e lirë
Parkimi në rrugë është falas
Ju mirëpresim me respekt dhe dashuri shqiptare!
Për më shumë informacion dhe aplikim për bursat:
Email: vatraboston@gmail.com