Federata Panshqiptare e Amerikës VATRA në përmbushje të misionit të saj historik, detyrimeve ndaj trashëgimisë shekullore, patriotike, kulturore e mediatike, në përgjigje të kërkesave të reja të komunitetit shqiptar në Shtetet e Bashkuara të Amerikës e Kanadasë, me qëllim për të qenë sa më afër vatranëve, abonentëve dhe kërkesave të kohës që jetojmë ka filluar një proces transformimi me qëllim shtrirjen në të gjitha shtetet e Amerikës, Kanadasë e trojeve shqipfolëse, rritje të bashkëpunëtorëve, miqve të Vatrës e Diellit, shtimit të rubrikave në Diell dhe forcimin e medias më të vjetër në botën shqiptare Diellit, duke afruar gazetarë dhe ekspertë të medias si korrespondentë e bashkëpunëtorë të jashtëm. Për këtë qëllim Federata Panshqiptare e Amerikes Vatra emëroi editorin e gjuhës shqipe z.Sokol Paja si Kryeditor fuqiplotë të Diellit dhe ngarkoi që të udhëheqë me profesionalizem të lartë procesin transformues dhe kualitativ me qëllim që Dielli të vijë sa më i fuqishëm, sa më dinjitoz dhe në përgjigje të kërkesave të kohës që jetojmë, zhvillimeve teknologjike, fenomeneve socio-kulturore me qëllim e synim që Dielli të vazhdojë i sigurtë, i fortë dhe të ndriçojë përjetë botën shqiptare me rrezet e tij të arta.