Vatra Queens NY më datë 3 Qershor 2023 ora 4 pm, organizon një takim festiv me rastin e 10 vjetorit të themelimit të degës Vatra Queens NY, degë e Federatës Pan-Shqiptare të Amerikës VATRA. Programin festiv e udhëheq artistja e mirënjohur e kombit tonë Dëshira Ahmeti me grupin e saj artistik. Organizimi festiv do përmbajë: muzike, senduiçe, pije, kafe ëmbëlsira. Programi fillon me Fjalimin përshëndetës të kryetarit të Federatës Pan-Shqiptare të Amerikës VATRA z.Elmi Berisha. Editori i gazetës Dielli 2009-2021Dalip Greca që ndërroi jetë më 16 Maj vitin e kaluar do nderohet e përkujtohet veprimtaria e tij e cila ishte e mishëruar me tërë veprimtarinë e degës sonë. Ai në këtë takim do të shpallet kryetar i përjetshëm i degës së Vatrës në Queens.
Veprimtaria 10 vjeçare e degës do të prezentohet nga kryetari i degës Dr.Skender Murtezani. Më pas do të jetë Panel i hapur: Diskutime rreth kërkesës për riatdhesimin e At Nolit në Shqipëri. Aktivitetin do ta vazhdojë editori i gazetës Dielli z.Sokol Paja mbi planet e Federatës Vatra në të ardhmen e afërt. Programi fillon dhe mbyllet me muzikë.
VATRA QUEENS NY 10-th ANNIVERSARY:
3 Qershor 2023 at 4 pm – 6 pm.
Immaculate Conception Center, 7200 Douglaston Parkway, Queens, United States